മി​ടു​ക്കോ​ടെ തു​ട​ക്കം, മ​ടു​പ്പി​ച്ച് മ​ട​ക്കം

തി​രു​വ​ന​ന്ത​പു​രം: സം​വി​ധാ​യ​ക​ൻ ര​ഞ്ജി​ത്തി​നെ​തി​രെ പ​ല​കു​റി ഉ​യ​ർ​ന്ന ആ​രോ​പ​ണ​ശ​ര​ങ്ങ​ളെ രാ​ഷ്ട്രീ​യ ച​ക്ര​വ്യൂ​ഹം ച​മ​ച്ച് നേ​രി​ട്ട സി.​പി.​എ​മ്മി​നും മ​ന്ത്രി സ​ജി ചെ​റി​യാ​നും ഒ​ടു​വി​ൽ തി​രി​ച്ച​ടി. ന​ടി​യും ബം​ഗാ​ളി​ൽ ഇ​ട​തു​പ​ക്ഷ​ത്തി​ന്‍റെ സ​ഹ​യാ​ത്രി​ക​യു​മാ​യ ശ്രീ​ലേ​ഖ മി​ത്ര​യു​ടെ വെ​ളി​പ്പെ​ടു​ത്ത​ലി​ല്‍ സ​ർ​ക്കാ​റി​ലും സി.​പി.​എ​മ്മി​ലും മു​ന്ന​ണി​യി​ലും എ​തി​ര​ഭി​പ്രാ​യം രൂ​ക്ഷ​മാ​യ​തോ​ടെ​യാ​ണ് രാ​ജി ആ​വ​ശ്യ​പ്പെ​ടാ​ൻ മു​ഖ്യ​മ​ന്ത്രി ത​യാ​റാ​യ​ത്. സി.​പി.​എം സ​ഹ​യാ​ത്രി​ക​നാ​യി​രു​ന്ന ര​ഞ്ജി​ത്ത് ഒ​ന്നാം പി​ണ​റാ​യി സ​ർ​ക്കാ​റി​ന്‍റെ കാ​ല​ത്താ​ണ് പാ​ർ​ട്ടി​ക്കും നേ​താ​ക്ക​ൾ​ക്കും പ്രി​യ​പ്പെ​ട്ട​വ​നാ​കു​ന്ന​ത്.

സ​ർ​ക്കാ​റി​ന്‍റെ ഒ​ന്നാം വാ​ര്‍ഷി​കാ​ഘോ​ഷ ച​ട​ങ്ങി​ൽ മു​ഖ്യാ​തി​ഥി​യാ​യി​രു​ന്ന ര​ഞ്ജി​ത്താ​ണ്​ മു​ഖ്യ​മ​ന്ത്രി​യി​ൽ​നി​ന്ന് സ​ർ​ക്കാ​റി​ന്‍റെ ആ​ദ്യ പ്രോ​ഗ്ര​സ് റി​പ്പോ​ർ​ട്ട് ഏ​റ്റു​വാ​ങ്ങി​യ​ത്. തു​ട​ർ​ന്ന് ത​ദ്ദേ​ശ തെ​ര​ഞ്ഞെ​ടു​പ്പി​ൽ കോ​ഴി​ക്കോ​ട് കോ​ർ​പ​റേ​ഷ​ന്‍റെ പ്ര​ക​ട​ന​പ​ത്രി​ക പു​റ​ത്തി​റ​ക്കി ര​ഞ്ജി​ത്ത് രാ​ഷ്ട്രീ​യ​ത്തി​ലും താ​ര​മാ​യി. ഇ​തോ​ടെ 2021ലെ ​നി​യ​മ​സ​ഭ തെ​ര​ഞ്ഞ​ടു​പ്പി​ൽ കോ​ഴി​ക്കോ​ട് നോ​ർ​ത്തി​ൽ ര​ഞ്ജി​ത്തി​ന്‍റെ പേ​രും ഉ​യ​ർ​ന്നു. എ​ന്നാ​ൽ സ്ഥാ​നാ​ർ​ഥി​ത്വ​ത്തി​നെ​തി​രെ ജി​ല്ല​യി​ലെ ചി​ല സം​സ്ഥാ​ന സ​മി​തി അം​ഗ​ങ്ങ​ൾ എ​തി​ർ​പ്പു​ന്ന​യി​ച്ച​തോ​ടെ അ​വ​സാ​ന​നി​മി​ഷം ര​ഞ്ജി​ത്ത് പി​ന്മാ​റു​ക​യാ​യി​രു​ന്നു.

ര​ഞ്ജി​ത്തി​ന് മു​ന്നി​ലേ​ക്ക് ​വെ​ച്ചു​നീ​ട്ടി​യ സ്ഥാ​നാ​ർ​ഥി​ത്വം തി​രി​കെ എ​ടു​ക്കേ​ണ്ടി​വ​ന്ന​തി​ന്‍റെ കു​റ്റ​ബോ​ധം പാ​ർ​ട്ടി തീ​ർ​ത്ത​ത് സം​സ്ഥാ​ന ച​ല​ച്ചി​ത്ര അ​ക്കാ​ദ​മി ചെ​യ​ർ​മാ​ൻ സ്ഥാ​നം ന​ൽ​കി​യാ​ണ്. രഞ്ജിത്തിനെ അ​ക്കാ​ദ​മി​യു​ടെ ത​ല​പ്പ​ത്തേ​ക്ക് കൊ​ണ്ടു​വ​രു​ന്ന​തി​ൽ ഇ​ട​ത് സ​ഹ​യാ​ത്രി​ക​രാ​യ സി​നി​മ പ്ര​വ​ർ​ത്ത​ക​രും ഫി​ലിം സൊ​സൈ​റ്റി പ്ര​വ​ർ​ത്ത​ക​രും എ​തി​ർ​പ്പ​റി​യി​ച്ചെ​ങ്കി​ലും അ​വ​യെ​ല്ലാം ത​ള്ളി​ക്കൊ​ണ്ടാ​ണ് സ്ഥാ​ന​മേ​ൽ​ക്കു​ന്ന​ത്.

അതിജീവിതയെ വേദിയിലെത്തിച്ച് നായകനായി; ഒടുവിൽ പുറത്തേക്ക്

കൊ​ച്ചി​യി​ൽ ആ​ക്ര​മി​ക്ക​പ്പെ​ട്ട ന​ടി​യെ കേ​ര​ള രാ​ജ്യാ​ന്ത​ര ച​ല​ച്ചി​ത്ര​മേ​ള​യു​ടെ ഉ​ദ്ഘാ​ട​ക വേ​ദി​യി​ൽ മു​ഖ്യാ​തി​ഥി​യാ​യി എ​ത്തി​ച്ച് എ​ല്ലാ​വ​രു​ടെ​യും കൈ​യ​ടി നേ​ടി​യാ​യി​രു​ന്നു ര​ഞ്ജി​ത്തി​ന്‍റെ തു​ട​ക്കം. ദി​ലീ​പി​നെ ജ​യി​ലി​ല്‍ സ​ന്ദ​ര്‍ശി​ച്ച​തി​ന്‍റെ വി​വാ​ദ​ക്ക​റ​ക്കൂ​ടി ഇ​തി​ലൂ​ടെ ക​ഴു​കി​ക്ക​ള​യാ​ൻ താ​ര​ത്തി​നാ​യി. ത​ന്‍റെ പേ​ന​യി​ല്‍ നി​ന്നും ഉ​യി​ര്‍കൊ​ണ്ട ക​ഥ​യോ ക​ഥാ​പാ​ത്ര​ങ്ങ​ളോ പോ​ലെ തു​ട​ർ​ന്നു​ള്ള വ​ർ​ഷ​ങ്ങ​ളും ര​ഞ്ജി​ത്തി​ന്‍റേ​താ​യി​രി​ക്കു​മെ​ന്ന് ക​രു​തി​യി​ട​ത്തു​നി​ന്നും പി​ന്നേ​ട​ങ്ങോ​ട്ട് തൊ​ട്ട​തെ​ല്ലാം പി​ഴ​ക്കു​ക​യാ​യി​രു​ന്നു. 2022ലെ ​സം​സ്ഥാ​ന ച​ല​ച്ചി​ത്ര പു​ര​സ്കാ​ര നി​ർ​ണ​യ​ത്തി​ൽ സം​വി​ധാ​യ​ക​ൻ വി​ന​യ​ന്‍റെ ചി​ത്ര​ത്തി​ന്​ പു​ര​സ്കാ​രം ന​ൽ​കു​ന്ന​തി​നെ​തി​രെ ര​ഞ്ജി​ത്ത് ഇ​ട​പെ​ട്ടെ​ന്നാ​രോ​പി​ച്ച് ജൂ​റി അം​ഗ​ങ്ങ​ളാ​യ നേ​മം പു​ഷ്പ​രാ​ജും ജെ​ൻ​സി ഗ്രി​ഗ​റി​യും രം​ഗ​ത്തെ​ത്തി​യ​ത് സ​ർ​ക്കാ​റി​നെ ഉ​ല​ച്ചു. എ​ന്നാ​ൽ, ഈ ​വാ​ദ​ങ്ങ​ൾ ത​ള്ളി​യ സ​ജി ചെ​റി​യാ​ൻ ര​ഞ്ജി​ത്ത് ച​ല​ച്ചി​ത്ര​രം​ഗ​ത്തെ ‘മാ​ന്യ​നാ​യ ഇ​തി​ഹാ​സ’​മാ​ണെ​ന്നാ​ണ് വി​ശേ​ഷി​പ്പി​ച്ച​ത്. ര​ഞ്ജി​ത്തി​നെ​തി​രെ ന​ട​പ​ടി ആ​വ​ശ്യ​പ്പെ​ട്ട് വി​ന​യ​ൻ മു​ഖ്യ​മ​ന്ത്രി​ക്കും സാം​സ്കാ​രി​ക വ​കു​പ്പി​നും ന​ൽ​കി​യ പ​രാ​തി​ക​ളും ത​ള്ള​പ്പെ​ട്ടു.

ത​മ്പു​രാ​ൻ ച​മ​ഞ്ഞു, ഭ​ര​ണ​സ​മി​തി തി​രി​ഞ്ഞു

ക​ഴി​ഞ്ഞ ച​ല​ച്ചി​ത്ര​മേ​ള​ക്കി​ടെ ജ​ന​റ​ൽ കൗ​ൺ​സി​ലം​ഗം കു​ക്കു പ​ര​മേ​ശ്വ​ര​നോ​ട് മോ​ശ​മാ​യി സം​സാ​രി​ച്ച​തി​നെ തു​ട​ർ​ന്ന് ര​ഞ്ജി​ത്തി​ന്‍റെ രാ​ജി ആ​വ​ശ്യ​പ്പെ​ട്ട് ഭ​ര​ണ​സ​മി​തി അം​ഗ​ങ്ങ​ൾ സ​മാ​ന്ത​ര​യോ​ഗം ചേ​ർ​ന്നി​രു​ന്നു. ര​ഞ്ജി​ത്ത് ആ​റാം ത​മ്പു​രാ​ൻ ച​മ​യു​ക​യാ​ണെ​ന്നും ച​ല​ച്ചി​ത്ര അ​ക്കാ​ദ​മി വ​രി​ക്കാ​ശ്ശേ​രി മ​ന​യ​ല്ലെ​ന്നു​മാ​യി​രു​ന്നു ജ​ന​റ​ൽ കൗ​ൺ​സി​ലം​ഗ​ങ്ങ​ൾ പ​ര​സ്യ​മാ​യി പ്ര​തി​ക​രി​ച്ച​ത്. അ​പ്പോ​ഴും മു​ഖ്യ​മ​ന്ത്രി ആ​വ​ശ്യ​പ്പെ​ട്ടാ​ൽ താ​ൻ രാ​ജി​വെ​ക്കാ​മെ​ന്ന നി​ല​പാ​ടാ​ണ് ര​ഞ്ജി​ത്ത് സ്വീ​ക​രി​ച്ച​ത്. അ​ക്കാ​ദ​മി ഭ​ര​ണ​സ​മി​തി​യി​ൽ സ​ർ​ക്കാ​ർ നാ​മ​നി​ർ​ദേ​ശ​ത്തി​ലൂ​ടെ വ​ന്ന 17ൽ 13 ​പേ​രും എ​തി​രാ​യി​ട്ടും ര​ഞ്ജി​ത്തി​നെ സ​ർ​ക്കാ​ർ കൈ​വി​ട്ടി​ല്ല. എ​ന്നാ​ൽ ബം​ഗാ​ളി​ൽ സി.​പി.​എ​മ്മി​നാ​യി പോ​രാ​ടു​ന്ന സി.​പി.​എം പ്ര​വ​ർ​ത്ത​ക ശ്രീ​ലേ​ഖ മി​ത്ര​യു​ടെ പ​രാ​തി ത​ള്ളാ​ൻ പാ​ർ​ട്ടി​ക്കാ​കു​മാ​യി​രു​ന്നി​ല്ല. മ​ന്ത്രി​മാ​രാ​യ വീ​ണാ ജോ​ർ​ജ്, ബി​ന്ദു, വ​നി​ത ക​മീ​ഷ​ൻ അ​ധ്യ​ക്ഷ പി. ​സ​തീ​ദേ​വി, സി.​പി.​ഐ ദേ​ശീ​യ സെ​ക്ര​ട്ട​റി ജ​ന​റ​ൽ ആ​നി രാ​ജ​യ​ട​ക്ക​മു​ള്ള​വ​ർ എ​തി​ർ​നി​ല​പാ​ട്​ എ​ടു​ത്ത​തും സ​ജി ചെ​റി​യാ​ന്‍റെ ‘ര​ക്ഷാ​പ്ര​വ​ർ​ത്ത​ന’​ത്തെ വി​ഫ​ല​മാ​ക്കി.