ഹേമ കമ്മിറ്റി റിപ്പോർട്ടിൽ കേസെടുക്കാവുന്ന മൊഴികളുണ്ട് -ഹൈകോടതി

കൊ​ച്ചി: ഹേ​മ ക​മ്മി​റ്റി റി​പ്പോ​ർ​ട്ടി​നെ​ത്തു​ട​ർ​ന്ന്​ ന​ട​ത്തി​യ അ​ന്വേ​ഷ​ണ​ത്തി​ൽ കേ​സെ​ടു​ക്കാ​വു​ന്ന മൊ​ഴി​ക​ളു​ണ്ടെ​ന്നും ഇ​വ ഭാ​ര​തീ​യ നാ​ഗ​രി​ക് സു​ര​ക്ഷ സം​ഹി​ത (ബി.​എ​ൻ.​എ​സ്.​എ​സ്) പ്ര​കാ​രം പ്ര​ഥ​മ​വി​വ​ര​മാ​യി ക​ണ​ക്കാ​ക്കി അ​ന്വേ​ഷി​ക്ക​ണ​മെ​ന്നും ഹൈ​കോ​ട​തി. ഹേ​മ ക​മ്മി​റ്റി​യു​ടെ സ​മ്പൂ​ർ​ണ റി​പ്പോ​ർ​ട്ട് പ​രി​ശോ​ധി​ച്ച​ശേ​ഷ​മാ​ണ് ഈ ​ഉ​ത്ത​ര​വ്. പ​രാ​തി​ക​ളി​ൽ വ​സ്തു​ത​യു​ണ്ടോ​യെ​ന്ന് പ്ര​ത്യേ​ക അ​ന്വേ​ഷ​ണ​സം​ഘം ഉ​റ​പ്പു​വ​രു​ത്തേ​ണ്ട​ത്​ സു​പ്ര​ധാ​ന​മാ​ണെ​ന്ന്​ ജ​സ്റ്റി​സ് എ.​കെ. ജ​യ​ശ​ങ്ക​ര​ൻ ന​മ്പ്യാ​ർ, ജ​സ്റ്റി​സ് സി.​എ​സ്. സു​ധ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ വി​ല​യി​രു​ത്തി.

കേ​സെ​ടു​ത്ത​ശേ​ഷം അ​തി​ജീ​വി​ത​ക​ളെ സ​മീ​പി​ച്ച് മൊ​ഴി രേ​ഖ​പ്പെ​ടു​ത്താം. പു​തി​യ മൊ​ഴി ന​ൽ​കാ​ൻ ആ​രെ​യും നി‌​ർ​ബ​ന്ധി​ക്ക​രു​ത്. പ​രാ​തി​യു​മാ​യി മു​ന്നോ​ട്ടു​പോ​കാ​ൻ താ​ൽ​പ​ര്യ​മി​ല്ലെ​ങ്കി​ൽ അ​ത് രേ​ഖ​പ്പെ​ടു​ത്ത​ണം. ക​ഴ​മ്പു​ണ്ടെ​ന്ന്​ കാ​ണു​ന്ന പ​രാ​തി​ക​ളി​ൽ വി​ശ​ദ അ​ന്വേ​ഷ​ണം ന​ട​ത്തി ബ​ന്ധ​പ്പെ​ട്ട കോ​ട​തി​യി​ൽ അ​ന്തി​മ റി​പ്പോ​ർ​ട്ട് സ​മ​ർ​പ്പി​ക്ക​ണം. അ​ല്ലാ​ത്ത​പ​ക്ഷം റ​ഫ​ർ റി​പ്പോ​ർ​ട്ട് ന​ൽ​കി ന​ട​പ​ടി അ​വ​സാ​നി​പ്പി​ക്ക​ണം. മൊ​ഴി​യി​ലും എ​ഫ്.​ഐ.​ആ​റി​ലും അ​തി​ജീ​വി​ത​യു​ടെ വി​വ​ര​ങ്ങ​ൾ ര​ഹ​സ്യ​മാ​യി​രി​ക്ക​ണം. ഈ ​രേ​ഖ​ക​ൾ അ​പ്‌​ലോ​ഡ് ചെ​യ്യാ​നോ പ​ര​സ്യ​മാ​ക്കാ​നോ പാ​ടി​ല്ല. പ​ക​ർ​പ്പ് ഇ​ര​ക​ൾ​ക്ക് മാ​ത്ര​മേ പൊ​ലീ​സ് ആ​ദ്യം കൈ​മാ​റാ​വൂ. പ്ര​തി​ഭാ​ഗ​ത്തി​ന് അ​ന്തി​മ റി​പ്പോ​ർ​ട്ട് ന​ൽ​കു​മ്പോ​ൾ മാ​ത്ര​മേ പ​രാ​തി​ക്കാ​രു​ടെ മൊ​ഴി​പ്പ​ക​ർ​പ്പ് ന​ൽ​കേ​ണ്ട​തു​ള്ളൂ​വെ​ന്നും കോ​ട​തി വ്യ​ക്ത​മാ​ക്കി.

​സി​നി​മ ലൊ​ക്കേ​ഷ​ൻ അ​നു​ബ​ന്ധ തൊ​ഴി​ലി​ട​ങ്ങ​ളി​ലെ മ​ദ്യ, മ​യ​ക്കു​മ​രു​ന്ന് ഉ​പ​യോ​ഗ​ത്തെ​ക്കു​റി​ച്ച്​ പ്ര​ത്യേ​ക പൊ​ലീ​സ്​ സം​ഘം അ​ന്വേ​ഷി​ക്ക​ണ​മെ​ന്നും​ ഹൈ​കോ​ട​തി ആ​വ​ശ്യ​പ്പെ​ട്ടു. ലൊ​ക്കേ​ഷ​നു​ക​ളി​ൽ മ​യ​ക്കു​മ​രു​ന്ന്​ ഉ​പ​യോ​ഗം​പോ​ലു​ള്ള നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ അ​നു​വ​ദി​ക്കാ​നാ​വി​ല്ല. ഭാ​വി​യി​ലും പ​രി​ശോ​ധ​ന​ക​ൾ ഉ​ണ്ടാ​ക​ണം. കു​റ്റ​ക്കാ​ർ​ക്കെ​തി​രെ ന​ട​പ​ടി​യെ​ടു​ക്കു​ക​യും വേ​ണം.

ഹേ​മ ക​മ്മി​റ്റി റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ അ​ന്വേ​ഷ​ണം ആ​വ​ശ്യ​പ്പെ​ട്ടും മ​റ്റും ന​ൽ​കി​യ ഒ​രു കൂ​ട്ടം ഹ​ര​ജി​ക​ളാ​ണ് കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്. ഹ​ര​ജി​ക്കാ​ർ ഉ​ന്ന​യി​ച്ച ആ​രോ​പ​ണ​ങ്ങ​ളി​ൽ ഒ​രാ​ഴ്ച​ക്ക​കം സ​മ​ഗ്ര റി​പ്പോ​ർ​ട്ട്​ ന​ൽ​ക​ണ​മെ​ന്ന്​ നി​ർ​ദേ​ശി​ച്ച കോ​ട​തി, ഹ​ര​ജി വീ​ണ്ടും 28ന് ​പ​രി​ഗ​ണി​ക്കാ​ൻ മാ​റ്റി.