നടി രഞ്ജിനി ഹൈകോടതിയെ സമീപിച്ചു; ഹേമ കമ്മിറ്റി റിപ്പോർട്ട് ഇന്ന് പുറത്തുവിടില്ല

തിരുവനന്തപുരം: സിനിമാ മേഖലയിലെ സ്ത്രീകൾ നേരിടുന്ന പ്രശ്‌നങ്ങൾ പഠിക്കാൻ നിയോഗിച്ച ഹേമ കമ്മിറ്റിയുടെ റിപ്പോർട്ട് ഇന്ന് പുറത്തുവിടില്ല. റിപ്പോർട്ട് പുറത്തുവിടരുതെന്ന് ആവശ്യപ്പെട്ട് നടി രഞ്ജിനി കഴിഞ്ഞ ദിവസം ഹൈക്കോടതിയെ സമീപിച്ച പശ്ചാത്തലത്തിലാണ് തീരുമാനം. റിപ്പോർട്ട് ഇന്ന് രാവിലെ 11ന് പുറത്തുവിടുമെന്നാണ് നേരത്തെ അറിയിച്ചിരുന്നത്. 299 പേ​ജ്​ റി​പ്പോ​ർ​ട്ടി​ൽ സ്വ​കാ​ര്യ​ത​യെ ബാ​ധി​ക്കു​ന്ന ഭാ​ഗ​ങ്ങ​ള്‍ ഒ​ഴി​വാ​ക്കി 233 പേ​ജ് രാ​വി​ലെ 11ഓ​ടെ വി​വ​രാ​വ​കാ​ശ അ​പേ​ക്ഷ​ക​ർ​ക്ക് സാം​സ്കാ​രി​ക വ​കു​പ്പ് കൈ​മാ​റും എന്നായിരുന്നു അറിയിപ്പ്.

റിപ്പോർട്ട് പുറത്തുവിടരുതെന്ന രഞ്ജിനിയുടെ ഹരജി കോടതി തിങ്കളാഴ്ച പരിഗണിക്കും. എന്നാൽ, റിപ്പോർട്ട് പുറത്തുവിടരുതെന്ന് കോടതി പറഞ്ഞിട്ടില്ല. എങ്കിലും ഹരജി നിലനിൽക്കെ റിപ്പോർട്ട് പുറത്തുവിടേണ്ടതില്ലെന്നാണ് സർക്കാർ തീരുമാനം.

കൊ​ച്ചി​യി​ൽ 2017 ഫെ​ബ്രു​വ​രി​യി​ൽ ന​ടി ആ​ക്ര​മി​ക്ക​പ്പെ​ട്ട​തി​നെ തു​ട​ർ​ന്ന് രൂ​പം​കൊ​ണ്ട വി​മ​ൻ ഇ​ൻ സി​നി​മ ക​ല​ക്ടീ​വ് (ഡ​ബ്ല്യു.​സി.​സി) മു​ഖ്യ​മ​ന്ത്രി പി​ണ​റാ​യി വി​ജ​യ​ന് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് ഹൈ​കോ​ട​തി റി​ട്ട. ജ​ഡ്ജി ജ​സ്റ്റി​സ് ഹേ​മ, ന​ടി ശാ​ര​ദ, മു​ൻ ഐ.​എ.​എ​സ് ഉ​ദ്യോ​ഗ​സ്ഥ കെ.​ബി. വ​ത്സ​ല​കു​മാ​രി എ​ന്നി​വ​ര​ട​ങ്ങി​യ മൂ​ന്നം​ഗ ക​മ്മി​റ്റി​യെ സ​ർ​ക്കാ​ർ നി​യോ​ഗി​ച്ച​ത്. ന​വം​ബ​ർ 16ന് ​പ്ര​വ​ർ​ത്ത​നം ആ​രം​ഭി​ച്ച ക​മ്മി​റ്റി 2019 ഡി​സം​ബ​ർ 31ന് ​റി​പ്പോ​ർ​ട്ട് സ​മ​ർ​പ്പി​ച്ചു. 2017 മു​ത​ല്‍ 2020 വ​രെ കാ​ല​യ​ള​വി​ല്‍ 1.06 കോടി രൂപ​യാ​ണ് ക​മ്മി​റ്റി​യു​ടെ പ്ര​വ​ര്‍ത്ത​ന​ങ്ങ​ള്‍ക്കാ​യി സ​ർ​ക്കാ​ർ ചെ​ല​വാ​ക്കി​യ​ത്. 2017ൽ നിയോഗിക്കപ്പെട്ട കമ്മിറ്റി 2019 ഡിസംബറിലാണ് റിപ്പോർട്ട് സമർപ്പിച്ചത്.