മീൻപിടിത്ത ബോട്ടിൽ 1526 കോ​ടി​യു​ടെ മയക്കുമരുന്ന്​; പ്രത്യേക അന്വേഷണ സംഘത്തെ നിയോഗിക്കണമെന്ന ആവശ്യം പരിഗണിക്കണമെന്ന്​ ഹൈകോടതി

കൊ​ച്ചി: മ​ത്സ്യ​ബ​ന്ധ​ന ബോ​ട്ടു​ക​ളി​ൽ​നി​ന്ന് 1526 കോ​ടി രൂ​പ​യു​ടെ ഹെ​റോ​യി​ൻ പി​ടി​കൂ​ടി​യ സം​ഭ​വ​ത്തി​ൽ പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ക്ക​ണ​മെ​ന്ന ആ​വ​ശ്യ​ത്തി​ൽ ഒ​രു​മാ​സ​ത്തി​ന​കം തീ​രു​മാ​ന​മെ​ടു​ക്ക​ണ​മെ​ന്ന്​ ഹൈ​കോ​ട​തി. കേ​സി​ലെ ഒ​ന്നും ര​ണ്ടും പ്ര​തി​ക​ളാ​യ ഡി​സ​ൺ, ജിം​സ​ൺ എ​ന്നി​വ​ർ നി​ര​പ​രാ​ധി​ക​ളാ​ണെ​ന്നും പ്ര​ത്യേ​ക സം​ഘം രൂ​പ​വ​ത്​​ക​രി​ച്ച്​ അ​ന്വേ​ഷി​ക്ക​ണ​മെ​ന്നു​മാ​വ​ശ്യ​പ്പെ​ട്ട്​ ഇ​വ​രു​​​ടെ മാ​താ​വ്​ പൂ​ന്തു​റ പു​തി​യ ഫി​ഷ​ർ​മെ​ൻ കോ​ള​നി​യി​ലെ വ​ത്സ​ല ഡ​യ​റ​ക്​​ട​ർ ഓ​ഫ്​ റ​വ​ന്യൂ ഇ​ന്‍റ​ലി​ജ​ൻ​സ്​ (ഡി.​ആ​ർ.​ഐ) ഡ​യ​റ​ക്ട​ർ ജ​ന​റ​ലി​ന് ന​ൽ​കി​യ നി​വേ​ദ​നം പ​രി​ഗ​ണി​ച്ച്​ തീ​ർ​പ്പാ​ക്കാ​നാ​ണ്​ ജ​സ്റ്റി​സ്​ മേ​രി ജോ​സ​ഫി​ന്‍റെ നി​ർ​ദേ​ശം.

മേ​യ് 18നാ​ണ് ല​ക്ഷ​ദ്വീ​പി​ന്​ സ​മീ​പം ക​ട​ലി​ൽ​വെ​ച്ച്​ ലി​റ്റി​ൽ ജീ​സ​സ്, പ്രി​ൻ​സ് എ​ന്നീ ബോ​ട്ടു​ക​ളി​ൽ​നി​ന്ന് 218 കി​ലോ ഹെ​റോ​യി​ൻ പി​ടി​കൂ​ടി​യ​ത്. ഇ​വ​യി​ലു​ണ്ടാ​യി​രു​ന്ന 20 മ​ത്സ്യ​ത്തൊ​ഴി​ലാ​ളി​ക​ളെ അ​റ​സ്റ്റ്​ ചെ​യ്തി​രു​ന്നു. ത​ന്‍റെ മ​ക്ക​ൾ മ​ത്സ്യ​ത്തൊ​ഴി​ലാ​ളി​ക​ളാ​ണെ​ന്നും അ​വ​ർ​ക്ക് ല​ഹ​രി​മ​രു​ന്നു ക​ട​ത്തു​മാ​യി ബ​ന്ധ​മി​ല്ലെ​ന്നു​മാ​ണ് വ​ത്സ​ല​യു​ടെ ഹ​ര​ജി​യി​ലെ വാ​ദം. പ്ര​തി​ക​ളു​ടെ മൊ​ഴി​യെ​ത്തു​ട​ർ​ന്ന് ബോ​ട്ടു​ട​മ​ക​ളാ​യ ക്രി​സ്‌​പെ​ൻ, അ​ർ​ബ​ത്ത് അ​ലി, ഫൈ​സ​ൽ റ​ഹ്മാ​ൻ, ബാ​ല​കൃ​ഷ്ണ​ൻ പെ​രി​യ​സ്വാ​മി പി​ള്ള​യെ​യും അ​റ​സ്റ്റ് ചെ​യ്തു. ജ​യി​ലി​ൽ വെ​ച്ച് ഇ​വ​ർ മ​ക്ക​ളെ ഭീ​ഷ​ണി​പ്പെ​ടു​ത്തി​യെ​ന്നും ഇ​ക്കാ​ര്യം ചൂ​ണ്ടി​ക്കാ​ട്ടി ജ​യി​ൽ സൂ​പ്ര​ണ്ടി​ന് പ​രാ​തി ന​ൽ​കി​യെ​ന്നും വ​ത്സ​ല പ​റ​യു​ന്നു. മ​ക്ക​ളെ വി​യ്യൂ​ർ ജ​യി​ലി​ലേ​ക്ക് മാ​റ്റ​ണ​മെ​ന്നും ആ​വ​ശ്യ​പ്പെ​ട്ടു. ല​ഹ​രി​മ​രു​ന്ന്​ ക​ട​ത്തി​ൽ പ​ങ്കു​ള്ള ബോ​ട്ടു​ട​മ​ക​ൾ​ക്കെ​തി​രെ കാ​ര്യ​മാ​യ അ​ന്വേ​ഷ​ണം ന​ട​ത്തു​ന്നി​ല്ലെ​ന്നും നി​ഷ്പ​ക്ഷ അ​ന്വേ​ഷ​ണ​ത്തി​ന് സം​ഘ​ത്തെ നി​യോ​ഗി​ക്ക​ണ​മെ​ന്നു​മാ​ണ്​ നി​വേ​ദ​ന​ത്തി​ലെ ആ​വ​ശ്യം.