മോദി അനുകൂല പരാമർശം: തരൂരിനെതിരെ നടപടിയുണ്ടായേക്കില്ല

തിരുവനന്തപുരം: നരേന്ദ്രമോദിയെ കുറിച്ചുള്ള തിരുവനന്തപുരം എം.പി ശശി തരൂരിൻെറ പരാമർശത്തിൽ പാർട്ടി നടപടിയു ണ്ടാകില്ല. സംസ്ഥാന നേതൃത്വം നടപടിക്ക്​ ശിപാർശ ചെയ്​താലും ഹൈക്കമാൻഡ്​ ഇതിന്​ മുതിർന്നേക്കില്ലെന്നാണ്​ പുറത്ത്​ വരുന്ന റിപ്പോർട്ടുകൾ.

തരൂരി​േൻറത്​ വലിയ വിവാദമാക്കേണ്ട പ്രസ്​താവനയല്ലെന്നാണ്​ ഹൈക്കമാൻഡ്​ വിലയിരുത്തുന്നത്​. ബി.ജെ.പിയെ അടിസ്ഥാനപരമായി എതിർക്കുന്ന നേതാവാണ്​ തരൂർ. അതിനാൽ നടപടിയെടുത്ത്​ അദ്ദേഹത്തെ വിവാദത്തിലേക്ക്​ തള്ളി വിടേണ്ട ആവശ്യമില്ലെന്നാണ്​ ഹൈക്കമാൻഡിലെ ധാരണയെന്നാണ്​ റിപ്പോർട്ട്​.

എല്ലാ സമയത്തും മോദിയെ വിമർശിക്കാതെ അദ്ദേഹം നല്ല കാര്യങ്ങൾ ചെയ്​താൽ അംഗീകരിക്കണമെന്നുമായിരുന്നു തരൂരിൻെറ പ്രസ്​താവന.