റോഡുകളുടെ അവസ്ഥ എ.ഐ കാമറക്ക്​ നിരീക്ഷിക്കാനാകുമോയെന്ന് ഹൈകോടതി

കൊച്ചി: റോഡുകളുടെ അവസ്ഥ എ.ഐ കാമറയുടെ സഹായത്തോടെ നിരീക്ഷിക്കാനാകുമോയെന്ന് ഹൈകോടതി. റോഡുകളുടെ ശോച്യാവസ്ഥ പരിഹരിക്കണമെന്ന്​ ആവശ്യപ്പെട്ടുള്ള ഹരജി പരിഗണിക്കവെയാണ് എ.ഐ കാമറ റോഡുകളുടെ നിരീക്ഷണത്തിന്​ ഉതകുമോയെന്ന് കോടതി ആരാഞ്ഞത്​.

റോഡുകളുടെ ശോച്യാവസ്ഥ യഥാസമയം അറിയാത്തതാണ് പ്രശ്നപരിഹാരം വൈകാൻ കാരണമെന്ന്​ കോടതി വിലയിരുത്തി. എല്ലായിടത്തും എ.ഐ കാമറ സ്ഥാപിച്ചിട്ടില്ലെന്നും സ്ഥാപിച്ചയിടത്ത് റോഡിന്റെ സ്ഥിതി നിരീക്ഷിക്കാനാകുമോ എന്നത്​ പരിശോധിക്കാമെന്നും പൊതുമരാമത്ത് അഭിഭാഷകൻ അറിയിച്ചു.

ഇടപ്പള്ളി മുതൽ കണ്ടെയ്​നർ റോഡുവരെയുള്ള ഭാഗത്തെ റോഡിന്റെ അറ്റകുറ്റപ്പണി ആരംഭിച്ചതായി ദേശീയപാത അതോറിറ്റി അറിയിച്ചു.