ഹേമ കമ്മിറ്റി റിപ്പോർട്ട് പുറത്തുവിടാമെന്ന് ഹൈകോടതി; ഹരജി തള്ളി

കൊച്ചി: സി​നി​മ മേ​ഖ​ല​യി​ലെ വ​നി​ത​ക​ളു​ടെ പ്ര​ശ്ന​ങ്ങ​ൾ സം​ബ​ന്ധി​ച്ച ജ​സ്റ്റി​സ് കെ. ​ഹേ​മ ക​മ്മി​റ്റി റി​പ്പോ​ർ​ട്ട് പുറത്ത് വിടാമെന്ന് ഹൈകോടതി വ്യക്തമാക്കി. റിപ്പോർട്ട് പുറത്തുവിടരുന്നാവശ്യപ്പെട്ടുള്ള ഹരജി തള്ളിയാണ് കോടതിയുടെ ഉത്തരവ്. നിർമാതാവ് സജിമോൻ പാറയിൽ നൽകിയ ഹരജിയാണ് കോടതി തള്ളിയത്.

ജസ്റ്റിസ് വി.ജി.അരുണിന്റെ ബെഞ്ചിന്റേതാണ് വിധി. റിപ്പോർട്ട് പുറത്ത് വിടാനുള്ള സമയപരിധി ഒരാഴ്ച കൂടി നീട്ടിക്കൊണ്ടാണ് ഉത്തരവ്. റി​പ്പോ​ർ​ട്ട് പു​റ​ത്തു​വി​ടു​ന്ന​ത് സ്വ​കാ​ര്യ​ത​യു​ടെ​യും മൊ​ഴി ര​ഹ​സ്യ​മാ​യി സൂ​ക്ഷി​ക്കു​മെ​ന്ന് ക​മീ​ഷ​ന് ന​ൽ​കി​യ ഉ​റ​പ്പി​ന്‍റെ​യും ലം​ഘ​ന​മാ​ണെ​ന്നാ​യിരുന്നു​ ഹ​ര​ജി​ക്കാ​ര​ന്‍റെ വാ​ദം.

സിനിമ മേഖലയിലെ വനിതകൾ നേരിടുന്ന പ്രശ്‌നങ്ങളും നീതിനിഷേധങ്ങളും തൊഴില്‍സാഹചര്യങ്ങളുമൊക്കെ പഠിക്കാന്‍ രാജ്യത്ത് ആദ്യമായി രൂപീകരിച്ച കമ്മീഷനാണ് ഹേമ കമ്മിറ്റി. 2017 ഫെ​ബ്രു​വ​രി​യി​ൽ ന​ടി ആ​ക്ര​മി​ക്ക​പ്പെ​ട്ട​തി​നു പി​ന്നാ​ലെ​യു​ണ്ടാ​യ ച​ർ​ച്ച​ക​ളു​ടെ​യും പ്ര​തി​ഷേ​ധ​ങ്ങ​ളു​ടെ​യും അ​ടി​സ്ഥാ​ന​ത്തി​ലാ​ണ് അ​തേ വ​ർ​ഷം ജൂ​ലൈ ഒ​ന്നി​ന് സി​നി​മ മേ​ഖ​ല​യി​ലെ സ്ത്രീ​ക​ൾ നേ​രി​ടു​ന്ന പ്ര​ശ്ന​ങ്ങ​ൾ പ​ഠി​ക്കാ​നും പ​രി​ഹാ​രം നി​ർ​ദേ​ശി​ക്കാ​നു​മാ​യി സ​ർ​ക്കാ​ർ ഹേ​മ ക​മ്മി​റ്റി രൂ​പ​വ​ത്ക​രി​ച്ച​ത്.

ര​ണ്ടു​വ​ർ​ഷ​ത്തെ പ​ഠ​ന​ത്തി​നു​ശേ​ഷം 2019 ഡി​സം​ബ​ർ 31നാ​ണ് റി​പ്പോ​ർ​ട്ട് പൂ​ർ​ത്തി​യാ​ക്കി ക​മ്മി​റ്റി അ​ധ്യ​ക്ഷ​യും ഹൈ​കോ​ട​തി മു​ൻ ജ​ഡ്ജി​യു​മാ​യ ജ​സ്റ്റി​സ് ഹേ​മ ഫ​യ​ൽ മു​ഖ്യ​മ​ന്ത്രി​ക്ക് സ​മ​ർ​പ്പി​ച്ച​ത്.