ഇതരസംസ്ഥാന ലോട്ടറി വിൽപന നിയന്ത്രണ നിയമ ഭേദഗതി ഹൈകോടതി റദ്ദാക്കി

കൊ​ച്ചി: ഇ​ത​ര​സം​സ്ഥാ​ന ലോ​ട്ട​റി വി​ൽ​പ​ന നി​യ​ന്ത്രി​ക്കു​ന്ന സം​സ്ഥാ​ന നി​യ​മ ഭേ​ദ​ഗ​തി ഹൈ​കോ​ട​തി റ​ദ്ദാ​ക്കി. ഇ​ത്ത​ര​മൊ​രു നി​യ​മ ഭേ​ദ​ഗ​തി​ക്ക് കേ​ന്ദ്ര സ​ർ​ക്കാ​റി​ന് മാ​ത്ര​മേ അ​ധി​കാ​ര​മു​ള്ളൂ​വെ​ന്ന് ചൂ​ണ്ടി​ക്കാ​ട്ടി​യാ​ണ് ജ​സ്​​റ്റി​സ് എ. ​മു​ഹ​മ്മ​ദ് മു​ഷ്താ​ഖിെൻറ ഉ​ത്ത​ര​വ്.

നാ​ഗാ​ലാ​ന്‍ഡ് സ​ര്‍ക്കാ​റിെൻറ ലോ​ട്ട​റി വി​ൽ​പ​ന കേ​ര​ള​ത്തി​ൽ ത​ട​ഞ്ഞ ന​ട​പ​ടി ചോ​ദ്യം ചെ​യ്ത് കോ​യ​മ്പ​ത്തൂ​രി​ലെ ഫ്യൂ​ച്ച​ര്‍ ഗെ​യി​മി​ങ് ആ​ന്‍ഡ് ഹോ​ട്ട​ല്‍ സ​ര്‍വി​സ് പ്രൈ​വ​റ്റ് ലി​മി​റ്റ​ഡ് ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ച്ച​ത്.

നാ​ഗാ​ലാ​ന്‍ഡ് ലോ​ട്ട​റി വി​ൽ​പ​ന ത​ട​യ​രു​തെ​ന്ന് സ​ർ​ക്കാ​റി​ന് കോ​ട​തി നി​ർ​ദേ​ശം ന​ൽ​കി. ലോ​ട്ട​റി ഫ്രീ ​മേ​ഖ​ല​യാ​യ സം​സ്ഥാ​ന​മാ​ണെ​ങ്കി​ൽ മ​റ്റ് സം​സ്ഥാ​ന​ങ്ങ​ളു​ടെ ലോ​ട്ട​റി​ക​ള്‍ വി​ൽ​ക്കു​ന്ന​തി​ന് വി​ല​ക്കേ​ർ​പ്പെ​ടു​ത്താ​ൻ സം​സ്ഥാ​ന​ങ്ങ​ള്‍ക്ക് അ​ധി​കാ​ര​മു​ണ്ട്. എ​ന്നാ​ൽ, കേ​ര​ളം ലോ​ട്ട​റി മു​ക്ത സം​സ്ഥാ​ന​മ​ല്ല. കേ​ന്ദ്ര​ത്തിെൻറ നി​ര്‍ദേ​ശ​ങ്ങ​ള്‍ പാ​ലി​ക്കാ​തെ​യാ​ണ് നാ​ഗാ​ലാ​ന്‍ഡ് ലോ​ട്ട​റി​ക​ള്‍ വി​ൽ​ക്കു​ന്ന​തെ​ന്ന പ​രാ​തി കേ​ര​ള സ​ര്‍ക്കാ​റി​നു​ണ്ടെ​ങ്കി​ല്‍ ന​ട​പ​ടി ആ​വ​ശ്യ​പ്പെ​ട്ട് കേ​ന്ദ്ര സ​ര്‍ക്കാ​റി​നെ സ​മീ​പി​ക്കാം. നി​യ​മ​വി​രു​ദ്ധ ലോ​ട്ട​റി​ക്കെ​തി​രെ ന​ട​പ​ടി​യെ​ടു​ക്കാ​ൻ കേ​ന്ദ്ര​ത്തി​ന് മാ​ത്ര​മെ അ​ധി​കാ​ര​മു​ള്ളൂ​വെ​ന്നും കോ​ട​തി വ്യ​ക്ത​മാ​ക്കി.

2005ലെ ​കേ​ര​ള പേ​പ്പ​ര്‍ ലോ​ട്ട​റീ​സ് നി​യ​ന്ത്ര​ണ നി​യ​മ​ത്തി​ല്‍ കൊ​ണ്ടു​വ​ന്ന ഭേ​ദ​ഗ​തി​യാ​ണ് ഹ​ര​ജി​ക്കാ​ര്‍ ചോ​ദ്യം ചെ​യ്ത​ത്. 2018 മു​ത​ലാ​ണ് ഈ ​ഭേ​ദ​ഗ​തി നി​ല​വി​ല്‍ വ​ന്ന​ത്.