ഡ്രൈവിങ് ടെസ്റ്റ് പരിഷ്കരണവുമായി സർക്കാറിന് മുന്നോട്ടുപോകാം, സർക്കുലർ സ്റ്റേ ചെയ്യണമെന്ന ആവശ്യം ഹൈകോടതി തള്ളി

കൊച്ചി: ഡ്രൈവിങ് ടെസ്റ്റ് പരിഷ്കരണവുമായി സർക്കാറിന് മുന്നോട്ടുപോകാമെന്ന് ഹൈകോടതി. ട്രാൻസ്പോർട്ട് കമീഷണറുടെ സർക്കുലർ ഹൈകോടതി ശരിവെച്ചു. പരിഷ്കരിച്ച ഡ്രൈവിങ് ടെസ്റ്റ് സർക്കുലർ സ്റ്റേ ചെയ്യണമെന്ന ഡ്രൈവിങ് സ്കൂൾ ഉടമകളുടെ ആവശ്യം കോടതി തള്ളുകയും ചെയ്തു. സർക്കുലർ സ്റ്റേ ചെയ്യാൻ കാരണങ്ങളില്ലെന്ന് കോടതി പറഞ്ഞു.

സംസ്ഥാനത്ത് ഡ്രൈവിങ് ടെസ്റ്റ് പരിഷ്കരിച്ച്​ ട്രാൻസ്പോർട്ട് കമീഷണർ ഇറക്കിയ സർക്കുലറിനെതിരായ ഹരജികളിലാണ് ഹൈകോടതിയുടെ ഇടക്കാല വിധിയുണ്ടായിരിക്കുന്നത്. ഡ്രൈവിങ് സ്കൂൾ ഉടമകളും പരിശീലകരും സമർപ്പിച്ച ഹരജി ജസ്റ്റിസ് കൗസർ എടപ്പഗത്തിന്‍റെ ബെഞ്ചാണ് പരിഗണിച്ചത്.

ട്രാൻസ്പോർട്ട് കമീഷണറുടെ സർക്കുലർ കേന്ദ്ര നിയമത്തിന്​ വിരുദ്ധമാണെന്നും കേന്ദ്ര മോട്ടോർ വാഹന ചട്ടത്തിൽ മാറ്റം വരുത്താൻ സംസ്ഥാനത്തിന് അധികാരമില്ലെന്നുമാണ് ഇവരുടെ വാദം.

ഡ്രൈവിങ് ടെസ്റ്റ് പരിഷ്കരണത്തിനെതിരെ സമര രംഗത്തുള്ളവർക്ക് കനത്ത തിരിച്ചടിയാണ് ഹൈകോടതി വിധി. ഡ്രൈ​വി​ങ്​ ടെ​സ്​​റ്റു​മാ​യി ബ​ന്ധ​പ്പെ​ട്ട ​ഗ​താ​ഗ​ത​വ​കു​പ്പ്​ ന​ട​പ്പാ​ക്കാ​ൻ തീ​രു​മാ​നി​ച്ച പ​രി​ഷ്​​കാ​ര​ങ്ങ​ൾ​ക്കെ​തി​രെ വി​വി​ധ കേ​ന്ദ്ര​ങ്ങ​ളി​ൽ ഇന്നും സമരം തുടരുന്നതിനിടെയാണ് ഹൈകോടതി വിധി വന്നിരിക്കുന്നത്. ഇന്നലെ മുതൽ കേരളത്തിലുടനീളം ഡ്രൈ​വി​ങ്​ ടെ​സ്റ്റു​ക​ൾ മുടങ്ങിയിരിക്കുകയാണ്. ഡ്രൈ​വി​ങ്​ സ്​​കൂ​ളു​ക​ൾ ടെ​സ്റ്റ്​ ബ​ഹി​ഷ്ക​രി​ക്കു​ക​യും ചി​ല​യി​ട​ങ്ങ​ളി​ൽ ഗ്രൗ​ണ്ടി​ലേ​ക്കു​ള്ള ഗേ​റ്റു​ക​ൾ അ​ട​ച്ചി​ടു​ക​യും ചെ​യ്​​തിട്ടുണ്ട്. വാ​ഹ​നാ​പ​ക​ട​ങ്ങ​ൾ കു​റ​ക്കാ​െ​ന​ന്ന പേ​രി​ൽ ധൃ​തി​പി​ടി​ച്ച്​ ന​ട​ത്തു​ന്ന ഗ​താ​ഗ​ത വ​കു​പ്പി​ലെ പ​രി​ഷ്​​കാ​ര​ങ്ങ​ൾ​ക്കെ​തി​രെ സി.​ഐ.​ടി.​യു അ​ട​ക്കം ഭ​ര​ണ​പ​ക്ഷ സം​ഘ​ട​ന​ക​ളും രം​ഗ​ത്തു​വ​ന്നി​ട്ടു​ണ്ട്.

നി​ല​വി​ലെ രീ​തി മാ​റ്റി ആ​ദ്യം റോ​ഡ് ടെ​സ്റ്റും അ​തി​ൽ പാ​സാ​കു​ന്ന​വ​ർ​ക്ക് മാ​ത്രം ‘എ​ച്ച്​’ പ​രീ​ക്ഷ എ​ന്ന പ​രി​ഷ്കാ​ര​വും ന​ട​പ്പാ​ക്കാ​ൻ ഉ​ദ്ദേ​ശി​ച്ചി​രു​ന്നു. 15 വ​ർ​ഷ​ത്തി​ന്​ മു​ക​ളി​ൽ പ​ഴ​ക്ക​മു​ള്ള വാ​ഹ​ന​ങ്ങ​ൾ ടെ​സ്​​റ്റി​ന്​ ഉ​പ​യോ​ഗി​ക്കാ​ൻ പാ​ടി​ല്ല, വാ​ഹ​ന​ങ്ങ​ൾ ​ഡ്രൈ​വി​ങ്​ സ്കൂ​ൾ ഉ​ട​മ​ക​ൾ കാ​മ​റ​ക​ൾ ഘ​ടി​പ്പി​ക്ക​ണം, ഒ​രു ദി​വ​സം ന​ട​ത്തു​ന്ന ടെ​സ്റ്റു​ക​ളു​ടെ എ​ണ്ണം പ​രി​മി​ത​പ്പെ​ടു​ത്ത​ണം തു​ട​ങ്ങി​യ ഗ​താ​ഗ​ത വ​കു​പ്പി​​ന്‍റെ നി​ർ​ദേ​ശ​ങ്ങ​ൾ അം​ഗീ​ക​രി​ക്കാ​ൻ ക​ഴി​യി​ല്ലെ​ന്ന നി​ല​പാ​ടി​ലാണ് ഡ്രൈ​വി​ങ്​ സ്കൂ​ൾ രം​ഗ​ത്തു​ള്ള​വ​ർ.