ഹൈകോടതിയിൽ നടന്നത്​ മോഷണം -ജസ്​റ്റിസ് കെമാൽപാഷ

കൊച്ചി: ഹൈകോടതിയിൽനിന്ന്​ കേസ്​ ഫയലുകൾ നഷ്​ടപ്പെട്ട സംഭവം മോഷണക്കുറ്റമെന്ന്​ മുൻ ഹൈകോടതി ജസ്​റ്റിസ്​ ബി. കെമാൽപാഷ. ഫയൽ മോഷണം ക്രിമിനൽ കേസായതിനാൽ പൊലീസോ മറ്റ്​ ഏജൻസികളോ ആണ്​ അന്വേഷിക്കേണ്ടത്​. ഹൈകോടതിയിലെ വിജിലൻസ് വിഭാഗത്തിന് ഇത്തരമൊരു വിഷയം അന്വേഷിക്കാൻ അധികാരമില്ല.

ഹൈകോടതി, കീഴ്​കോടതി ജീവനക്കാരും കീഴ്​കോടതികളിലെ ജുഡീഷ്യൽ ഒാഫിസർമാരുമായും ബന്ധപ്പെട്ട ആരോപണങ്ങൾ അന്വേഷിക്കാൻ മാത്രമാണ്​ ഹൈകോടതി വിജിലൻസ്​ വിഭാഗത്തിന്​ അധികാരമുള്ളത്​. അതിനാൽ, പൊലീസ്​ അന്വേഷണത്തിന്​ കോടതി ഉത്തരവിടുകയോ അന്വേഷണത്തിന്​ പരാതി നൽകുകയോ ആണ്​ ​വേണ്ടതെന്നും കെമാൽപാഷ പറഞ്ഞു.