ലോധ കമ്മിറ്റി റിപ്പോർട്ട് നടപ്പാക്കിയോയെന്ന്​ കെ.സി.എ വിശദീകരിക്കണം- ഹൈകോടതി

കൊച്ചി: സുപ്രീം കോടതി അംഗീകരിച്ച ലോധ കമ്മിറ്റി റിപ്പോർട്ട് നടപ്പാക്കിയോയെന്ന്​ കേരള ക്രിക്കറ്റ് അസോസിയേഷൻ വിശദീകരിക്കണമെന്ന് ഹൈകോടതി. പത്ത് ദിവസത്തിനകം വിശദീകരണം നൽകാനാണ് ചീഫ് ജസ്റ്റിസ് അധ്യക്ഷനായ ഡിവിഷൻ ബെഞ്ചി​​​െൻറ നിർദേശം. 

ലോധ കമ്മിറ്റി റിപ്പോർട്ട് നടപ്പാക്കാത്തതിലും ക്രിക്കറ്റ്​ അസോസിയേഷനിലെ ക്രമക്കേടുകളിലും സി.ബി.ഐ അന്വേഷണം ആവശ്യപ്പെട്ടും നൽകിയ ഹരജിയിലാണ് ഹൈകോടതിയുടെ നടപടി. കായിക അധ്യാപകനായ ഡോ. എ. എം. നജീബാണ് കോടതിയെ സമീപിച്ചത്.  ഹരജി ഹൈകോടതി ഏപ്രിൽ 11 ന്​വീണ്ടും പരിഗണിക്കും.