ബന്ധു നിയമനം: പി.കെ. ഫിറോസി​െൻറ ആരോപണത്തിൽ വ്യക്​തതയില്ലെന്ന്​ ഹൈകോടതിയും വിജിലൻസും

കൊച്ചി: ന്യൂനപക്ഷ ക്ഷേമ കോർപറേഷനിൽ മന്ത്രി കെ.ടി. ജലീൽ ബന്ധുനിയമനം നടത്തിയെന്ന മുസ്​ലിം യൂത്ത്​ ലീഗ്​ സംസ്​ഥ ാന ജനറൽ സെക്രട്ടറി പി.കെ. ഫിറോസി​​െൻറ ആരോപണത്തിൽ വ്യക്​തതയില്ലെന്ന്​ ഹൈകോടതി. രാഷ്​ട്രീയ ആരോപണം മാത്രമാണിത െന്ന്​ കരുതുന്നതായും ജസ്​റ്റിസ്​ പി. ഉബൈദ്​ വാക്കാൽ വ്യക്​തമാക്കി.

സംസ്ഥാന ന്യൂനപക്ഷ വികസന ഫിനാൻസ് കോർപ റേഷനിലെ നിയമനം സംബന്ധിച്ച് മന്ത്രിക്കെതിരെ കേസെടുക്കാൻ വിജിലൻസിന് നിർദേശം നൽകണമെന്നാവശ്യപ്പെട്ട്​ ഫിറോസ് നൽകിയ ഹരജിയാണ്​ കോടതി പരിഗണിച്ചത്​. അതേസമയം, ഫിറോസ്​ നൽകിയ പരാതിയിൽ അഴിമതി നിരോധനനിയമപ്രകാരമുള്ള ​കുറ്റകൃത്യം വ്യക്​തമല്ലാത്ത സാഹചര്യത്തിൽ നിയമോപദേശത്തി​​െൻറ അടിസ്​ഥാനത്തിൽ നടപടി വേണ്ടതില്ലെന്ന്​ തീരുമാനിച്ചതായി വിജിലൻസ്​ രേഖാമൂലം സമർപ്പിച്ച വിശദീകരണത്തിൽ അറിയിച്ചു.

രാഷ്​ട്രീയ താൽപര്യം മുൻനിർത്തിയുള്ള പരാതിയാണ്​ ഫിറോസി​​േൻറതെന്ന്​ വിജിലൻസി​​െൻറ വിശദീകരണത്തിൽ പറയുന്നു. ഈ പരാതിയുടെ അടിസ്​ഥാനത്തിലുള്ള ആരോപണത്തിൽ അഴിമതി നിരോധനനിയമം ബാധകമാവില്ല. ഇ-മെയിലിലാണ്​ പരാതി ലഭിച്ചത്​. പൊതുപ്രവർത്തകനെതിരായ ആരോപണമായതിനാൽ മുൻകൂർ അനുമതിയില്ലാതെ അന്വേഷണമോ പരിശോധനയോ നടത്താൻ വിജിലൻസിന്​ കഴിയില്ല. ഫിറോസി​​െൻറ പരാതി അഡീ. ചീഫ്​ സെ​ക്രട്ടറിക്ക്​ (വിജിലൻസ്​) കൈമാറിയെങ്കിലും അന്വേഷണമോ പരിശോധനയോ വേണ്ടതി​ല്ലെന്ന നി​ർദേശമാണ്​ ലഭിച്ചത്​.

അനാവശ്യ അഴിമതി ആരോപണങ്ങൾക്കെതിരെ രമേശ്​ ചെന്നിത്തല കേസിൽ കോടതി മുന്നറിയിപ്പ്​ നൽകിയിട്ടുണ്ട്​​. ഇതേ തത്ത്വം ഈ കേസിലും ബാധകമാണ്​. പരാതിയിൽ നടപടി വേണ്ടതില്ലെന്ന നി​യമോപദേശമാണ്​ വിജിലൻസിന്​ ലഭിച്ചത്​. നിയമോപദേശം ലഭിച്ചതി​​​െൻറയും അഡീ. ചീഫ്​ സെക്രട്ടറി അന്വേഷണത്തിന്​ അനുമതി നിഷേധിച്ചതി​​​െൻറയും അടിസ്​ഥാനത്തിൽ ഫിറോസി​​െൻറ പരാതിയിൽ നടപടിയെടുത്തില്ലെന്ന്​ വിജിലൻസ്​ വിശദീകരണത്തിൽ ചൂണ്ടിക്കാട്ടി.

നിയമനം നടത്താനുള്ള മന്ത്രിയുടെ അവകാശമാണ് ചോദ്യം ചെയ്യപ്പെട്ടിരിക്കുന്നതെന്ന്​ വെള്ളിയാഴ്​ച കേസ്​ പരിഗണിക്കവേ കോടതി വാക്കാൽ നിരീക്ഷിച്ചു. പരാതിയിൽ കേസെടുക്കുന്നില്ലെന്ന വിജിലൻസ് നിലപാടിനെതിരെ ഹരജിക്കാരൻ കീഴ​്​ക്കോടതിയെ സമീപിക്കുകയായിരുന്നു വേണ്ടത്​. നേരിട്ട്​ ഹൈകോടതിയെ സമീപിച്ചതെന്തിനെന്നും കോടതി ആരാഞ്ഞു. ആരോപണങ്ങളിലെ ചില കാര്യങ്ങളിൽ വ്യക്​തത വരുത്താൻ ഫിറോസിനോടുതന്നെ നേരത്തേ കോടതി നിർദേശിച്ചിരുന്നു. ഇതുസംബന്ധിച്ച വിശദീകരണം ഹരജിക്കാരൻ സമർപ്പിച്ചു. തുടർന്ന് ഇൗ വിശദീകരണമടക്കം പരിശോധിക്കാൻ കേസ് ജൂലൈ 18ലേക്ക് മാറ്റി.