ആലുവ - പെരുമ്പാവൂർ റോഡിലെ കുഴികൾ ഉടൻ അടക്കണമെന്ന് ഹൈകോടതി

കീ​ഴ്മാ​ട്: ആ​ലു​വ - പെ​രു​മ്പാ​വൂ​ർ ദേ​ശ​സാ​ത്​​കൃ​ത റോ​ഡി​ലെ കു​ഴി​ക​ൾ എ​ത്ര​യും പെ​ട്ടെ​ന്ന് അ​ട​ക്ക​ണ​മെ​ന്ന് ഹൈ​കോ​ട​തി ഉ​ത്ത​ര​വി​ട്ടു. ആ​ലു​വ -പെ​രു​മ്പാ​വൂ​ർ ദേ​ശ​സാ​ത്​​കൃ​ത റോ​ഡി​ൽ ചാ​ല​ക്ക​ൽ പ​ക​ല​മ​റ്റം മു​ത​ൽ തോ​ട്ടു​മു​ഖം ക​വ​ല വ​രെ 4.6 കി.​മീ​റ്റ​ർ ദൂ​രം റോ​ഡി​ൽ കു​ഴി​ക​ളാ​ണെ​ന്ന് കാ​ണി​ച്ച് കു​ട്ട​മ​ശ്ശേ​രി ജ​ന​കീ​യ റോ​ഡ് സു​ര​ക്ഷ സ​മി​തി​ക്ക് വേ​ണ്ടി സ​മി​തി ചെ​യ​ർ​പേ​ഴ്സ​ൻ മ​രി​യ അ​ബു ന​ൽ​കി​യ ഹ​ര​ജി​യി​ലാ​ണ് ഹൈ​കോ​ട​തി ഇ​ട​ക്കാ​ല ഉ​ത്ത​ര​വി​ട്ട​ത്.

21ന് ​കേ​സ് വീ​ണ്ടും പ​രി​ഗ​ണി​ക്കും. കു​ട്ട​മ​ശ്ശേ​രി​യി​ലെ​യും സ​മീ​പ​പ്ര​ദേ​ശ​ങ്ങ​ളി​ലെ​യും ജ​ന​ങ്ങ​ളു​ടെ നേ​തൃ​ത്വ​ത്തി​ൽ രൂ​പീ​ക​രി​ച്ചി​ട്ടു​ള്ള ജ​ന​കീ​യ റോ​ഡ് സു​ര​ക്ഷ സ​മി​തി ആ​ലു​വ - പെ​രു​മ്പാ​വൂ​ർ റോ​ഡി​ന്‍റെ ശോ​ച​നീ​യാ​വ​സ്ഥ​ക്കെ​തി​രെ ജ​ന​കീ​യ ജാ​ഥ, ഏ​ക​ദി​ന ഉ​പ​വാ​സം തു​ട​ങ്ങി​യ​വ ന​ട​ത്തി​യി​രു​ന്നു.

ജി​ല്ല ക​ല​ക്ട​ർ, പി.​ഡ​ബ്ല്യു.​ഡി, ജ​ല അ​തോ​റി​റ്റി എ​ന്നി​വ​യി​ലെ മു​തി​ർ​ന്ന ഉ​ദ്യോ​ഗ​സ്ഥ​ർ​ക്ക​ട​ക്കം നി​വേ​ദ​ന​ങ്ങ​ളും ന​ൽ​കി​യി​രു​ന്നു. റോ​ഡ് ഉ​പ​രോ​ധ​മ​ട​ക്കം നി​ര​വ​ധി ജ​ന​കീ​യ സ​മ​ര​ങ്ങ​ളും ന​ട​ത്തി​ക്ക​ഴി​ഞ്ഞു. എ​ന്നി​ട്ടും യാ​തൊ​രു പ​രി​ഹാ​ര​വും കാ​ണാ​താ​യ​തോ​ടെ​യാ​ണ് ഹൈ​കോ​ട​തി​യെ സ​മീ​പി​ച്ച​ത്.

വ​ർ​ഷ​ങ്ങ​ളാ​യി കു​ഴി​ക​ൾ നി​റ​ഞ്ഞ റോ​ഡ്, ജ​ൽ ജീ​വ​ൻ പൈ​പ്പി​ട​ൽ ന​ട​ത്തി​യ​തോ​ടെ​യാ​ണ് പാ​ടേ ത​ക​ർ​ന്ന​ത്. റോ​ഡ് ബി.​എം ബി.​സി നി​ല​വാ​ര​ത്തി​ൽ പു​ന​രു​ദ്ധ​രി​ക്കാ​ൻ ഫ​ണ്ട് പാ​സാ​യി​ട്ട് കാ​ല​ങ്ങ​ളാ​യി. പ​ദ്ധ​തി ആ​രം​ഭി​ക്കാ​നി​രി​ക്കേ​യാ​ണ് പൈ​പ്പി​ട​ൽ വ​ന്ന​ത്. ഇ​തോ​ടെ റോ​ഡ് ന​വീ​ക​ര​ണം ത​ട​സ്സ​പ്പെ​ട്ടു.

ക​രാ​റു​കാ​രു​ടെ​യും ജ​ല​അ​തോ​റി​റ്റി ഉ​ദ്യോ​ഗ​സ്ഥ​രു​ടെ​യും അ​നാ​സ്ഥ​യാ​ണ് ജ​ൽ ജീ​വ​ൻ പ​ദ്ധ​തി​യു​ടെ പ​ണി​ക​ൾ പൂ​ർ​ത്തി​യാ​ക്കി പൊ​തു​മ​രാ​മ​ത്ത് വ​കു​പ്പി​ന് റോ​ഡ് കൈ​മാ​റാ​ൻ ക​ഴി​യാ​തെ വ​ന്ന​തി​നി​ട​യാ​ക്കി​യ​ത്. റോ​ഡ് തി​രി​ച്ച് ല​ഭി​ക്കാ​ത്ത​തി​നാ​ൽ പൊ​തു​മ​രാ​മ​ത്ത് വ​കു​പ്പി​ന് പ​ണി ന​ട​ത്താ​നും ക​ഴി​യു​ന്നി​ല്ല. കാ​ൽ​ന​ട യാ​ത്ര പോ​ലും സാ​ധ്യ​മാ​കാ​ത്ത രീ​തി​യി​ൽ പൊ​ട്ടി​പ്പൊ​ളി​ഞ്ഞ ആ​ലു​വ - പെ​രു​മ്പാ​വൂ​ർ റോ​ഡി​ൽ ഇ​തി​നോ​ട​കം നി​ര​വ​ധി അ​പ​ക​ട​ങ്ങ​ൾ ന​ട​ന്നു​ക​ഴി​ഞ്ഞു. ഈ ​റോ​ഡി​ലു​ണ്ടാ​യ അ​പ​ക​ട​ത്തി​ൽ പ​രി​ക്കേ​റ്റ​വ​രി​ൽ ചി​ല​ർ ഇ​പ്പോ​ഴും അ​ബോ​ധാ​വ​സ്ഥ​യി​ൽ ക​ഴി​യു​ന്നു​ണ്ട്. പ​രി​ക്കേ​റ്റ പ​ല​ർ​ക്കും ല​ക്ഷ​ക്ക​ണ​ക്കി​ന് രൂ​പ​യാ​ണ് ചി​കി​ത്സ​ക്കാ​യി ചെ​ല​വാ​യി​ട്ടു​ള്ള​ത്.