സ്വർണ്ണവില സർവ്വകാല റെക്കോർഡിൽ

കൊച്ചി: സ്വർണ്ണവില ബുധനാഴ്ച സർവ്വകാല റെക്കോർഡിൽ. 200 രൂപ വർധിച്ച് 36,320ആണ് പവന് വില. ഗ്രാമിന് 25 രൂപ കൂടി 4540 ലെത്തി. നേരത്തേ റെക്കോർഡിട്ടതിന് പിന്നാലെ താഴേക്ക് പോയ വിലയിലാണ് കുതിപ്പുണ്ടായത്. ജൂലൈ ഒന്നിനാണ് സ്വർണ്ണവില സർവ്വകാല റെക്കോർഡിട്ടത്. 

ഇന്നലെ പവന് 320 രൂപ ഉയർന്നിരുന്നു. അതേസമയം തുടർച്ചയായി 3 ദിവസം മാറ്റമില്ലാതെ തുടർന്ന വിലയിൽ തിങ്കളാഴ്ച ഇടിവുണ്ടായിരുന്നു.160 രൂപ കുറഞ്ഞ് പവന് 35800 ആയിരുന്നു വില.