കലാലയ രാഷ്​ട്രീയം വേ​െണ്ടന്ന്​ വീണ്ടും ഹൈകോടതി

െകാച്ചി: കലാലയങ്ങളിൽ രാഷ്​ട്രീയം വേണ്ടെന്ന നിലപാട്​ ആവർത്തിച്ച ഹൈകോടതി സമരത്തി​​െൻറ ഭാഗമായി കോളജ്​ പ്രിൻസിപ്പലിനെ തടഞ്ഞുെവച്ച വിദ്യാർഥിസംഘടന പ്രവർത്തകരെ വീട്ടിലെത്തി അറസ്​റ്റ്​ ചെയ്യാൻ ഉത്തരവിട്ടു. ഇവരെ ജാമ്യത്തിൽ വിട്ടയക്കാം.​ എന്നാൽ, ബോണ്ടടക്കം ജാമ്യവ്യവസ്​ഥകൾ ചുമത്തണം. ​േകാളജിൽ പോകുന്ന വിദ്യാർഥികൾ എന്തെ​ാക്കെയാണ്​ ചെയ്യുന്നതെന്ന്​ മാതാപിതാക്കളും അറിയ​െട്ടയെന്നും ​ചീഫ്​ ജസ്​റ്റിസ്​ അധ്യക്ഷനായ ഡിവിഷൻ ബെഞ്ച്​ പറഞ്ഞു. കഴിഞ്ഞ നാലിന്​ ഉച്ചക്ക്​ രണ്ടര മണി​ക്കൂറോളം കോട്ടയം മാന്നാനം ​െക.ഇ കോളജ്​ പ്രിൻസിപ്പലി​െന ​തടഞ്ഞുവെച്ചതുമായി ബന്ധപ്പെട്ട്​ നൽകിയ കോടതിയലക്ഷ്യഹരജിയിലാണ്​ കോടതി ഇടപെടൽ.

കലാലയങ്ങൾ രാഷ്​ട്രീയപ്രവർത്തനത്തിനുള്ള വേദിയല്ല. പഠിപ്പിക്കാനും പഠിക്കാനും കോളജുകളിലെത്തുന്നവർ ആ ജോലി ചെയ്യണം. വിദ്യാഭ്യാസ സ്​ഥാപനങ്ങളെ വിദ്യാർഥിപ്രസ്​ഥാനങ്ങൾ ഹൈജാക്ക്​ ചെയ്യുന്ന അവസ്​ഥ ഉണ്ടാവരുത്​. രാഷ്​ട്രീയം ​കലാലയത്തിന്​ പുറത്ത്​ ആയിക്കോ​െട്ട.  ഉന്നത രാഷ്​ട്രീയക്കാരുടെ മക്കളെ നാടിന്​ പു​റത്തെ മികച്ച വിദ്യാഭ്യാസ സ്​ഥാപനങ്ങളിൽ വിട്ട്​ എല്ലാ സൗകര്യങ്ങളോടെയും പഠിപ്പിക്കുകയാണെന്ന്​ കോടതി വാക്കാൽ നിരീക്ഷിച്ചു​. സാധാരണ വിദ്യാർഥികൾ ചെഗുവേരയുടെ ചിത്രമുള്ള ഷർട്ടുമിട്ട്​ വിപ്ലവത്തിന്​ ശ്രമിക്കുകയാണ്​. സാക്ഷരതയിൽ ഒന്നാം സ്​ഥാനത്തുള്ള കേരളം ഉന്നത വിദ്യാഭ്യാസരംഗത്തും ഒന്നാം സ്​ഥാനത്ത്​ വരേണ്ടതായിരുന്നു. അതുണ്ടാകാത്തതിന്​ ആരാണ്​ ഉത്തരവാദിയെന്ന്​ ചിന്തിക്കണം. അമ്പലത്തിനും പള്ളിക്കും മുന്നിൽ ആരും ധർണയും പ്രതിഷേധവും നടത്താറില്ലല്ലോയെന്ന്​ വിദ്യാഭ്യാസ സ്​ഥാപനത്തി​​െൻറ പ്രാധാന്യം ചൂണ്ടിക്കാട്ടി കോടതി നിരീക്ഷിച്ചു.

പൊലീസ്​ കോടതി ഉത്തരവ്​ പാലിച്ചില്ലെന്ന്​ മാനേജ്​മ​െൻറ്​
മതിയായ ഹാജർ ഇല്ലാത്ത ചില വിദ്യാർഥികൾക്ക്​ സർവകലാശാലയിൽ പിഴയടച്ച്​ കൺഡോണേഷൻ അനുവദിക്കണമെന്നാവശ്യപ്പെട്ട്​ എസ്​.എഫ്​.​െഎ നടത്തിയ സമരമാണ് മാന്നാനം കെ.ഇ കോളജ്​​ പ്രിൻസിപ്പലിനെ തടഞ്ഞു​െവക്കുന്നതിലെത്തിയത്​. കോളജി​​െൻറ സുഗമ പ്രവർത്തനത്തി​ന്​ ​പൊലീസ്​ സംരക്ഷണം നൽകണമെന്ന്​ 2014ൽ ഉത്തരവുണ്ടെങ്കിലും പാലിച്ചില്ലെന്ന്​ ചൂണ്ടിക്കാട്ടിയാണ്​ മാനേജ്​മ​െൻറ്​ കോടതിയലക്ഷ്യ ഹരജി നൽകിയത്​. സംഭവമുണ്ടായി രണ്ടാഴ്​ച കഴിഞ്ഞിട്ടും കുറ്റക്കാരായ വിദ്യാർഥികളെ അറസ്​റ്റ്​ ചെയ്യാത്തതെന്തെന്ന്​ കോടതി ആരാഞ്ഞു. 12 വിദ്യാർഥികൾക്കെതിരെ കേസെടുത്തിട്ടുണ്ടെന്നും പഠനാവധി ആയതിനാലാണ്​ അറസ്​റ്റ്​ ചെയ്യാൻ കഴിയാത്തതെന്നും പൊലീസ്​ അറിയിച്ചു. വിശദീകരണത്തിൽ അതൃപ്​തി പ്രകടിപ്പിച്ച കോടതി തുടർന്നാണ്​ പ്രതികളുടെ വീടുകളിൽ പോയി നടപടിയെടുക്കാൻ നിർദേശിച്ചത്. 

ഹരജിക്കാരുടെ കോളജിന്​ കോടതി ഉത്തരവ്​ പ്രകാരം ഉചിത പൊലീസ്​ സംരക്ഷണം നൽകിയെന്ന്​ കരുതാനാവില്ലെന്ന്​ ഡിവിഷൻ ബെഞ്ച്​ ചൂണ്ടിക്കാട്ടി. ഉചിത സുരക്ഷ നൽകിയിരുന്നെങ്കിൽ രണ്ടര മണിക്കൂറോളം പ്രിൻസിപ്പലി​നെ തടഞ്ഞുവെച്ച അവസ്​ഥ ഉണ്ടാകുമായിരുന്നില്ല. അതിനാൽ പൊലീസി​​െൻറ ഭാഗത്തുനിന്ന്​ വീഴ്​ചയുണ്ടായതായി പ്രഥമദൃഷ്​ട്യാ വ്യക്​തമാണ്​. ഇൗ സാഹചര്യത്തിൽ ഹരജിക്കാരായ കോളജിന്​ മുൻ ഉത്തരവ്​ പ്രകാരമുള്ള പൊലീസ്​ സുരക്ഷ ഉറപ്പാക്കണമെന്ന്​ കോട്ടയം ജില്ല പൊലീസ്​ മേധാവി, ഏറ്റുമാനൂർ സി.​െഎ, ഗാന്ധിനഗർ എസ്​.​െഎ എന്നിവരോട്​ കോടതി നിർദേശിച്ചു. വീഴ്​ച സംഭവിച്ചാൽ ഉത്തരവാദിത്തം പൊലീസ്​ ഉദ്യോഗസ്​ഥർക്കായിരിക്കുമെന്നും കോടതി വ്യക്​തമാക്കി.