'തൊഴിൽ കുംഭകോണം'; സെറിഫെഡിൽ 300 പേരെ നിയമിച്ചതിൽ പ്രതികരണവുമായി ഹൈകോടതി

കൊ​ച്ചി: കേ​ര​ള സ്റ്റേ​റ്റ് സെ​റി​ക​ൾ​ച​ർ കോ​ഓ​പ​റേ​റ്റി​വ് അ​പെ​ക്‌​സ് സൊ​സൈ​റ്റി​യി​ൽ (സെ​റി​ഫെ​ഡ്) 300 ജീ​വ​ന​ക്കാ​രെ നി​യ​മി​ച്ച​തും ഇ​വ​രി​ൽ 271 പേ​രെ പി​ന്നീ​ട് സ​ർ​ക്കാ​ർ സ​ർ​വി​സി​ലും കേ​ര​ള ഖാ​ദി ആ​ൻ​ഡ് വി​ല്ലേ​ജ് ഇ​ൻ​ഡ​സ്ട്രീ​സ് ബോ​ർ​ഡി​ലും മാ​റ്റി നി​യ​മി​ച്ച​തും ഏ​റ്റ​വും വ​ലി​യ തൊ​ഴി​ൽ കും​ഭ​കോ​ണ​ങ്ങ​ളി​ൽ ഒ​ന്നാ​ണെ​ന്ന് ഹൈ​കോ​ട​തി. സെ​റി​ഫെ​ഡി​ന്റെ ത​ക​ർ​ച്ച​ക്കു​കാ​ര​ണ​മാ​യ ഈ ​തൊ​ഴി​ൽ ത​ട്ടി​പ്പ്​ അ​ന്വേ​ഷി​ച്ച്​ ഉ​ചി​ത ന​ട​പ​ടി​യെ​ടു​ക്ക​ണ​മെ​ന്നും ഉ​ത്ത​ര​വി​ട്ടു. സെ​റി​ഫെ​ഡ്​ പ്ര​വ​ർ​ത്ത​നം നി​ർ​ത്താ​നു​ള്ള സ​ർ​ക്കാ​ർ തീ​രു​മാ​ന​ത്തി​നെ​തി​രെ സെ​റി​ഫെ​ഡ് ഉ​ൾ​പ്പെ​ടെ ന​ൽ​കി​യ ഒ​രു​കൂ​ട്ടം ഹ​ര​ജി​ക​ളി​ൽ ജ​സ്റ്റി​സ് എ​ൻ. ന​ഗ​രേ​ഷി​ന്റെ ബെ​ഞ്ചാ​ണ് വി​ധി പ​റ​ഞ്ഞ​ത്.

സെ​റി​ഫെ​ഡ് പു​ന​രു​ജ്ജീ​വി​പ്പി​ക്കേ​ണ്ട​തി​ല്ലെ​ന്ന 2017ലെ ​സ​ർ​ക്കാ​ർ ഉ​ത്ത​ര​വും ഇ​തി​ന്​ ഫ​ണ്ട് ന​ൽ​കേ​ണ്ടെ​ന്ന 2020ലെ ​ഉ​ത്ത​ര​വും റ​ദ്ദാ​ക്കി. ചീ​ഫ് സെ​ക്ര​ട്ട​റി 2017ൽ ​വി​ളി​ച്ച യോ​ഗ​ത്തി​ൽ തീ​രു​മാ​നി​ച്ച മൂ​ന്നം​ഗ സ​മി​തി​യി​ലേ​ക്ക് സെ​ൻ​ട്ര​ൽ സി​ൽ​ക്ക്​ ബോ​ർ​ഡ്, സെ​റി​ഫെ​ഡ്, ഹാ​ൻ​ഡ്‌​ലൂം ആ​ൻ​ഡ് ടെ​ക്സ്​​റ്റൈ​ൽ​സ് ഡ​യ​റ​ക്ട​ർ അം​ഗ​ങ്ങ​ളെ നി​ർ​ദേ​ശി​ക്ക​ണം. ഈ ​സ​മി​തി സെ​റി​ഫെ​ഡ് പു​ന​രു​ജ്ജീ​വി​പ്പി​ക്കാ​നു​ള്ള സാ​ധ്യ​ത​ക​ൾ, പ​ട്ടു​നൂ​ൽ​പ്പു​ഴു കൃ​ഷി, നെ​യ്ത്ത് തു​ട​ങ്ങി​യ കാ​ര്യ​ങ്ങ​ളി​ൽ നാ​ലു​മാ​സ​ത്തി​ന​കം വി​ശ​ദ പ​ദ്ധ​തി ത​യാ​റാ​ക്കി സ​ർ​ക്കാ​റി​ന് സ​മ​ർ​പ്പി​ക്ക​ണം. ര​ണ്ടു മാ​സ​ത്തി​നു​ള്ളി​ൽ ഈ ​റി​പ്പോ​ർ​ട്ടി​ൽ ന​ട​പ​ടി​യെ​ടു​ക്ക​ണ​മെ​ന്നും ഹൈ​കോ​ട​തി വി​ധി​ച്ചു.

ന​ട​ന്ന​ത്​ വ​മ്പ​ൻ തൊ​ഴി​ൽ ത​ട്ടി​പ്പ്

സ​ർ​ക്കാ​ർ നാ​മ​നി​ർ​ദേ​ശം ചെ​യ്ത സെ​റി​ഫെ​ഡ് ഡ​യ​റ​ക്ട​ർ ബോ​ർ​ഡ് 300 ജീ​വ​ന​ക്കാ​രെ നി​യ​മ​വി​രു​ദ്ധ​മാ​യി നി​യ​മി​ച്ചു. ഇ​രു​പ​ത്ത​ഞ്ചി​ല​ധി​കം ജീ​വ​ന​ക്കാ​ർ ആ​വ​ശ്യ​മി​ല്ലാ​ത്ത സാ​ഹ​ച​ര്യ​ത്തി​ലാ​ണ് ജി​ല്ല​ക​ൾ തോ​റും ഓ​ഫി​സ് തു​റ​ന്ന് നി​യ​മ​നം ന​ട​ത്തി​യ​ത്. തു​ട​ർ​ന്ന് സെ​റി​ഫെ​ഡ് പ്ര​തി​സ​ന്ധി​യി​ലാ​യ​തോ​ടെ 271 പേ​രെ സ​ർ​ക്കാ​ർ സ​ർ​വി​സി​ലേ​ക്കും കേ​ര​ള ഖാ​ദി ആ​ൻ​ഡ് വി​ല്ലേ​ജ് ഇ​ൻ​ഡ​സ്ട്രീ​സ് ബോ​ർ​ഡി​ലേ​ക്കും മാ​റ്റി. ഇ​വ​ർ​ക്ക് ശ​മ്പ​ള പ​രി​ഷ്ക​ര​ണ​ത്തി​ന്റെ​യും ആ​ശ്രി​ത നി​യ​മ​ന​ത്തി​ന്റെ​യും ആ​നു​കൂ​ല്യ​ങ്ങ​ളും ന​ൽ​കി. രാ​ഷ്ട്രീ​യ, ഭ​ര​ണ ത​ല​ത്തി​ൽ ഇ​തി​ന്​ സം​ര​ക്ഷ​ണം ല​ഭി​ച്ചി​ട്ടു​ണ്ട്. പ​ട്ടു​നൂ​ൽ​കൃ​ഷി വി​ക​സ​ന​ത്തി​ന്​ സെ​റി​ഫെ​ഡി​ന് ലഭിച്ച ഫണ്ടെല്ലാം അ​ന​ധി​കൃ​ത​മാ​യി നി​യ​മ​നം ല​ഭി​ച്ച​വ​ർ​ക്ക് ശ​മ്പ​ളം ന​ൽ​കാ​ൻ വി​നി​യോ​ഗി​ച്ചു. സെ​റി​ഫെ​ഡ് ലി​ക്വി​ഡേ​റ്റ് ചെ​യ്യാ​നു​ള്ള തീ​രു​മാ​നം​പോ​ലും ഇ​വ​രെ മ​റ്റു വ​കു​പ്പു​ക​ളി​ലേ​ക്ക് മാ​റ്റാ​നാ​യി​രു​ന്നു. നി​യ​മ​ന​ങ്ങ​ളെ ഹ​ര​ജി​ക്കാ​രാ​രും ചോ​ദ്യം ചെ​യ്തി​രു​ന്നി​ല്ലെ​ന്ന​തും ഹൈ​കോ​ട​തി ചൂ​ണ്ടി​ക്കാ​ട്ടി.