കന്യാസ്ത്രീയുടെ സംരക്ഷണത്തിനായി പൊലീസ് എന്തുചെയ്​തെന്ന്​ ​ ഹൈകോടതി

കൊച്ചി: ജലന്ധർ ബിഷപ്പ്​ ഫ്രാ​േങ്കാ മുളക്കലിനെതിരെ പീഡന പരാതി നൽകിയ കന്യാസ്ത്രീയുടെ സംരക്ഷണത്തിനായി പൊലീസ് എന്ത്​ നടപടി സ്വീകരിച്ചുവെന്ന്​ വിശദീകരണിക്കമെന്ന്​ സർക്കാറിനോട്​ ഹൈകോടതി. ബിഷപ്പിനെ ജലന്ധറിൽ പോയി കണ്ടിട്ട് ഒരുമാസം ആയില്ലേയെന്നും കോടതി ആരാഞ്ഞ​ു. ഇതുവരെ പൊലീസ് എന്ത് നടപടിയാണ്​ സ്വീകരിച്ചത്​. കേസിൽ പൊലീസ്​ സ്വീകരിച്ച നടപടികൾഅറിയിക്കണമെന്നും കോടതി വ്യക്തമാക്കി.

പരാതിയിൽ ഇരയുടെ സംരക്ഷണം എന്തുകൊണ്ട് ഉറപ്പാക്കുന്നില്ലെന്നും കോടതി ചോദിച്ചു. നിയമം എല്ലാത്തിനും മുകളിലാണ്​. നിയമം അതി​​​െൻറ വഴിക്ക് തന്നെ മുന്നോട്ടു പോകും.കേസ്​ അടുത്ത വ്യാഴാഴ്​ച വീണ്ടും പരിഗണിക്കും. അന്വേഷണവുമായി ബന്ധപ്പെട്ട ഇതുവരെയുള്ള വിശദാംശങ്ങള്‍ അന്ന്​ സർക്കാർ വിശദീകരിക്കണമെന്നും കോടതി ആവശ്യപ്പെട്ടു.

കേസിൽ അന്വേഷണം സമയബന്ധിതമായി പൂര്‍ത്തീകരിക്കണമെന്നും കന്യാസ്ത്രീക്ക് നീതി ഉറപ്പാക്കണമെന്നുമായിരുന്നു ഹരജിക്കാര്‍ ആവശ്യപ്പെട്ടിരുന്നത്.