മന്ത്രി ശൈലജക്കെതിരായ പരാമർശം ഹൈകോടതി ഡിവിഷൻ ബെഞ്ച്​ റദ്ദാക്കി

കൊച്ചി: ​സംസ്ഥാന ബാലാവകാശ കമീഷനുമായി ബന്ധപ്പെട്ട ഹരജി തീർപ്പാക്കിയപ്പോൾ ആരോഗ്യമന്ത്രി കെ.കെ. ശൈലജക്കെതിരെ ഹൈകോടതി സിംഗിൾ ബെഞ്ച്​ നടത്തിയ പരാമർശം ഡിവിഷൻ ബെഞ്ച്​ റദ്ദാക്കി. ബാലാവകാശ കമീഷൻ നിയമനം ചോദ്യം ചെയ്യുന്ന ഹരജിയിൽ മന്ത്രി കക്ഷിയായിരുന്നില്ലെന്നും അവരുടെ വിശദീകരണം കേൾക്കാതെ പരാമർശം നടത്തിയത്​ സുപ്രീംകോടതി നിർദേശങ്ങളുടെ ലംഘനമാണെന്നുമുള്ള സർക്കാർ വാദം അംഗീകരിച്ചാണ്​ ഇൗ ഉത്തരവ്​. അതേസമയം, സി.പി.എം വയനാട്​ ജില്ല കമ്മിറ്റി അംഗം ടി.ബി. സുരേഷടക്കം രണ്ടു​േപരെ കമീഷൻ അംഗങ്ങളായി നിയമിച്ച നടപടി റദ്ദാക്കിയ സിംഗിൾ ബെഞ്ച്​ വിധി നിലനിൽക്കുമെന്ന്​ ഡിവിഷൻ ബെഞ്ച്​ വ്യക്​തമാക്കി.

ബാലാവകാശ കമീഷൻ നിയമനത്തിന്​ രണ്ടാം വിജ്​ഞാപനം പുറപ്പെടുവിച്ച കാര്യത്തിൽ സെലക്​ഷൻ കമ്മിറ്റി ചെയർപേഴ്​സൻ കൂടിയായിരുന്ന മന്ത്രിയു​െട ഇടപെടൽ ആത്​മാർഥതയില്ലാത്തതാണെന്ന്​ കരുതേണ്ടിവരുമെന്നതുൾപ്പെടെയുള്ള പരാമർശങ്ങളാണ്​ സിംഗിൾ ബെഞ്ച്​ നടത്തിയത്​. ആദ്യ വിജ്​ഞാപനത്തി​​​െൻറ കാലാവധി നീട്ടിയാണ്​ രണ്ടാമത്തേത്​ പുറപ്പെടുവിച്ചത്​. ഇത്​ നിലനിൽക്കുന്നതല്ലെന്ന്​ നിരീക്ഷിച്ചാണ്​ രണ്ടുപേരുടെ നിയമനം സിംഗിൾ ബെഞ്ച്​ റദ്ദാക്കിയത്​. അപേക്ഷ ക്ഷണിക്കുന്നതി​​​െൻറ കാലാവധി നീട്ടണമെന്നാവശ്യപ്പെട്ട്​ മന്ത്രി കുറിപ്പിറക്കിയതി​​​െൻറ കാരണം വ്യക്​തമ​െല്ലന്നും സത്യസന്ധമായല്ല മന്ത്രി തീരുമാനമെടുത്തതെന്നു വേണം കരുതാനെന്നും പരാമർശമുണ്ടായിരുന്നു.

ഇത്​ മന്ത്രിയെ താഴ്ത്തിക്കെട്ടുന്നതാണെന്നായിരുന്നു​ അപ്പീൽ ഹരജിയിലെ വാദം. മന്ത്രിയെ കക്ഷിചേര്‍ക്കാതെയാണ് ഇത്രയും പരാമര്‍ശങ്ങള്‍ സിംഗിള്‍ ബെഞ്ച് നടത്തിയത്. കേസുമായി ബന്ധപ്പെടാത്ത അഭിപ്രായപ്രകടനം ഉത്തരവിൽ ഉണ്ടാകരുതെന്നും ആവശ്യമെങ്കിൽ ബന്ധ​പ്പെട്ടവരെ കക്ഷിചേർത്ത്​ അവരെക്കൂടി കേട്ട ശേഷമേ പരാമർശിക്കാവൂവെന്നുമുള്ള സുപ്രീംകോടതി മാർഗനിർദേശത്തി​​​െൻറ ലംഘനമാണ്​ സിംഗിൾ ബെഞ്ച്​ ഉത്തരവെന്നും സർക്കാർ ചൂണ്ടിക്കാട്ടിയിരുന്നു. 

കേസ്​ പരിഗണിക്കവേ, ഉത്തരവ്​ പുനഃപരിശോധിക്കാൻ അതേ സിംഗിൾ ബെഞ്ചിനെത്തന്നെ സമീപിക്കാതെ അപ്പീൽ നൽകിയത്​ നിലനിൽക്കുമോയെന്ന ഡിവിഷൻ ബെഞ്ച്​ പരിശോധിച്ചു. എന്നാൽ, ഹരജിക്കാരിയു​െടയും പുറത്താക്കപ്പെട്ടവരു​െടയും അടക്കം അപ്പീൽ ഹരജികൾ പരിഗണനയിലുള്ള കാര്യം​ കോടതി ചൂണ്ടിക്കാട്ടി. ഇൗ സാഹചര്യത്തിൽ പുനഃപരിശോധന ഹരജിക്ക്​ പകരം അപ്പീൽ നൽകിയതിൽ തെറ്റില്ലെന്നും പരിഗണിക്കാവുന്നതാണെന്നും കോടതി വിലയിരുത്തി. ഇതുസംബന്ധിച്ച സുപ്രീംകോടതി വിധിയും ഉദ്ധരിച്ചു.

മന്ത്രിക്ക്​ പകരം സർക്കാർ നൽകിയ അപ്പീൽ നിലനിൽക്കുമോയെന്നും കോടതി പരിശോധിച്ചു. മഹാരാഷ്​ട്ര മുഖ്യമന്ത്രിയുമായി ബന്ധപ്പെട്ട കേസിൽ മന്ത്രിക്കുപകരം സർക്കാർ ഹരജി നൽകിയതിനെ സുപ്രീംകോടതി ശരിവെച്ചത്​ ചൂണ്ടിക്കാട്ടി ഇക്കാര്യവും കോടതി അനുവദിച്ചു. തുടർന്നാണ്​ മന്ത്രിക്കെതിരായ സിംഗിൾ ബെഞ്ചി​​​െൻറ പരാമർശങ്ങൾ നീക്കിയത്​. കാലാവധി നീട്ടണമെന്നാവശ്യപ്പെടുന്ന മന്ത്രിയുടെ കുറിപ്പ് ഭരണപരമായ കുറിപ്പ് മാത്രമാണെന്നും തീരുമാനമെടുത്തതി​​​െൻറ കാരണം ഫയലി​െല്ലന്ന കാരണം മാത്രം ചൂണ്ടിക്കാട്ടി മന്ത്രി ദുരുദ്ദേശ്യപരമായി പെരുമാറി എന്നു പറയാനാവില്ലെന്നുമുള്ള സർക്കാർ വാദവും അംഗീകരിച്ചു. 

കമീഷനിൽ ആറുപേരെ നിയമിച്ചത്​ ചോദ്യം ചെയ്​ത്​ ഡോ. ജാസ്മിന്‍ അലക്‌സ് അടക്കമുള്ളവര്‍ സമര്‍പ്പിച്ച ഹരജിയിലാണ്​ സിംഗിൾ ബെഞ്ചി​​​െൻറ ഉത്തരവുണ്ടായത്​. നാലുപേരുടെ നിയമനം ശരിവെച്ചതി​നെതിരെ ഹരജിക്കാരി അപ്പീൽ നൽകിയിട്ടുണ്ട്​. നിയമനം റദ്ദാക്കപ്പെട്ടതിനാൽ പുറത്താക്കപ്പെട്ടവരും അപ്പീൽ നൽകിയിട്ടുണ്ട്​. ഇവ അടുത്ത ദിവസം ഡിവിഷൻ ബെഞ്ച്​ പരിഗണിക്കും.