ഹയർ​െസക്കൻഡറി ലയനം: പ്രതിപക്ഷം സഭയിൽ നിന്ന്​ ഇറങ്ങിപ്പോയി

തിരുവനന്തപുരം: ഹൈസ്​കൂൾ-ഹയർ​െസക്കൻഡറി ഏകീകരണം സംബന്ധിച്ച ഖാദർ കമീഷൻ റിപ്പോർട്ട്​ ചർച്ച ചെയ്യണമെന്നാവശ്യപ ്പെട്ട്​ നൽകിയ അടിയന്തര പ്രമേയത്തിന്​ സ്​പീക്കർ അനുമതി നിഷേധിച്ചതിനെ തുടർന്ന്​ പ്രതിപക്ഷം സഭയിൽ നിന്ന്​ ഇറങ ്ങിപ്പോയി. ഡി.പി.ഐ എന്നത്​​ ഡയറക്​ടർ ജനറൽ ഓഫ്​ എഡ്യുക്കേഷൻ എന്ന ഒരു പൊതു ഡയറക്​ടറേറ്റാവുന്നതോടെ ഇത്​ രാഷ്​ട ്രീയ നിയമനങ്ങൾക്ക്​ വഴി വെക്കുമെന്ന്​ ആരോപിച്ചായിരുന്നു ഇറങ്ങിപ്പോക്ക്​.

ഹൈസ്​കൂൾ-ഹയർ​െസക്കൻഡറി ഏകീകരണം നടപ്പിലാക്കാൻ​ സർക്കാർ തത്വത്തിൽ തീരുമാനിച്ചതായി വിദ്യാഭ്യാസ വകുപ്പ്​ മന്ത്രി സി.രവീന്ദ്രനാഥ് നിയമസഭയിൽ വ്യക്തമാക്കി​. പ്രതിപക്ഷത്തിൻെറ അടിയന്തര പ്രമേയ നോട്ടീസിന്​ മറുപടി പറയുകയായിരുന്നു അദ്ദേഹം.

ഹൈസ്​കൂൾ,ഹയർസെക്കൻഡറി, വി.എച്ച്​.എസ്​.ഇ എന്നിവ മൂന്നായി പ്രവർത്തിക്കുന്നതിൽ ആശയക്കുഴ​പ്പമുണ്ടെന്നും ഖാദർ കമീഷൻ നിർദേശങ്ങൾ പൂർണമായി നടപ്പാക്കുന്നില്ലെന്നും വിദ്യാഭ്യാസമന്ത്രി സഭയെ അറിയിച്ചു. വിദ്യാഭ്യാസ മന്ത്രിയുടെ മറുപടിയെ തുടർന്നാണ്​​ അടിയന്തര പ്രമേയത്തിന്​ സ്​പീക്കർ അനുമതി നിഷേധിച്ചത്​. തുഗ്ലക്ക്​ പരിഷ്​കാരമാണ്​ സർക്കാർ നടപ്പാക്കുന്നതെന്ന്​ പ്രതിപക്ഷ നേതാവ് മേശ്​ ചെന്നിത്തല​ വിമർശിച്ചു. റിപ്പോർട്ട്​ പൂർണമായും വരാതെ എങ്ങനെ നടപ്പാക്കുമെന്നും ചെന്നിത്തല ചോദിച്ചു.

റിപ്പോർട്ടിന്​ രണ്ട്​ ഭാഗങ്ങളുണ്ടെന്ന്​ പറയുന്നു. ഒരു ഭാഗം വന്നപ്പോഴേക്ക്​ അത്​ നടപ്പാക്കാനൊരുങ്ങുകയാണ്​. ജനാധിപത്യത്തിൽ വികേന്ദ്രീകരണത്തി​ലേക്ക്​ നീങ്ങുമ്പോൾ ഇ​പ്പോൾ ഏകീകരണത്തിലേക്കാണ്​ പോകുന്നത്​. ഹൈസ്​കൂളും ഹയർസെക്കൻഡറിയും ഏകീകരിച്ച്​ ഒറ്റ ഡയറക്​ടറേറ്റ്​ ആവു​ന്ന​തോടെ ഈ മേഖലയിൽ ആശയക്കുഴപ്പം ഉണ്ടാകുമെന്നും കെ.എസ്​.ടി.എ എന്ന സംഘടനയുടെ രാഷ്​ട്രീയ താത്​പര്യങ്ങൾ റിപ്പോർട്ടിൽ നിഴലിക്കുന്നുവെന്നും​ പ്രതിപക്ഷ നേതാവ്​ രമേശ്​ ചെന്നിത്തലയും അടിയന്തര പ്രമേയത്തിന്​ നോട്ടീസ്​ നൽകിയ കെ.എൻ.എ ഖാദറും ആരോപിച്ചു.