ഹയർസെക്കൻഡറി സ്ഥലം മാറ്റം; ട്രൈബ്യൂണൽ വിധിക്കെതിരെ സർക്കാർ അപ്പീലിന്

തി​രു​വ​ന​ന്ത​പു​രം: ഹ​യ​ർ​സെ​ക്ക​ൻ​ഡ​റി അ​ധ്യാ​പ​ക സ്ഥ​ലം​മാ​റ്റ പ​ട്ടി​ക റ​ദ്ദാ​ക്കി​യ കേ​ര​ള അ​ഡ്​​മി​നി​സ്​​ട്രേ​റ്റി​വ്​ ട്രൈ​ബ്യൂ​ണ​ൽ വി​ധി​ക്കെ​തി​രെ സ​ർ​ക്കാ​ർ അ​പ്പീ​ലി​ന്. തി​ങ്ക​ളാ​ഴ്ച വി​ദ്യാ​ഭ്യാ​സ മ​ന്ത്രി ശി​വ​ൻ​കു​ട്ടി​യു​ടെ നേ​തൃ​ത്വ​ത്തി​ൽ ന​ട​ക്കു​ന്ന യോ​ഗ​ത്തി​ൽ ഇ​തു​സം​ബ​ന്ധി​ച്ച്​ തീ​രു​മാ​ന​മെ​ടു​ക്കു​മെ​ന്നാ​ണ്​ സൂ​ച​ന. ഹൈ​കോ​ട​തി​യി​ൽ അ​പ്പീ​ൽ ന​ൽ​കു​ന്ന​തി​ന്‍റെ സാ​ധ്യ​ത​യാ​ണ്​ പ​രി​ശോ​ധി​ക്കു​ന്ന​ത്​.

ഹ​യ​ർ​സെ​ക്ക​ൻ​ഡ​റി അ​ധ്യാ​പ​ക സ്ഥ​ലം​മാ​റ്റ​ത്തി​നാ​യി പ്ര​സി​ദ്ധീ​ക​രി​ച്ച ഹോം ​സ്​​റ്റേ​ഷ​ൻ ട്രാ​ൻ​സ്ഫ​ർ പ​ട്ടി​ക, അ​ദേ​ഴ്​​സ്​ ട്രാ​ൻ​സ്ഫ​ർ പ​ട്ടി​ക എ​ന്നി​വ​യാ​ണ്​ ട്രൈ​ബ്യൂ​ണ​ൽ റ​ദ്ദാ​ക്കി​യ​ത്. ഒ​രു മാ​സ​ത്തി​ന​കം പ​ട്ടി​ക പു​തു​ക്കി ക​ര​ട്​ പ്ര​സി​ദ്ധീ​ക​രി​ക്ക​ണ​മെ​ന്നും പ​രാ​തി​ക​ൾ കൂ​ടി ​കേ​ട്ട​ശേ​ഷം ജൂ​ൺ ഒ​ന്നി​ന​കം അ​ന്തി​മ പ​ട്ടി​ക പ്ര​സി​ദ്ധീ​ക​രി​ക്ക​ണ​മെ​ന്നു​മാ​ണ്​ ട്രൈ​ബ്യൂ​ണ​ൽ വി​ധി. മാ​തൃ​ജി​ല്ല​ക്ക്​ പു​റ​ത്തു​ള്ള സ​ർ​വി​സി​ലെ സീ​നി​യോ​റി​റ്റി മാ​തൃ​ജി​ല്ല​യി​ലേ​ക്കു​ള്ള (ഹോം ​സ്​​റ്റേ​ഷ​ൻ) സ്ഥ​ലം​മാ​റ്റ​ത്തി​ന് മാ​ത്രം​ പ​രി​ഗ​ണി​ക്കു​ന്ന​താ​യി​രു​ന്നു സ​ർ​ക്കാ​ർ പി​ന്തു​ട​ർ​ന്നി​രു​ന്ന മാ​ന​ദ​ണ്ഡം. ഇ​തു​ ചോ​ദ്യം ചെ​യ്ത്​ ഏ​താ​നും അ​ധ്യാ​പ​ക​ർ സ​മ​ർ​പ്പി​ച്ച ഹ​ര​ജി​യി​ലാ​ണ്​ സ​ർ​ക്കാ​റി​ന്​ തി​രി​ച്ച​ടി ല​ഭി​ച്ച​ത്. മാ​തൃ​ജി​ല്ല​ക്ക്​ പു​റ​ത്തു​ള്ള സ​ർ​വി​സ്​ സീ​നി​യോ​റി​റ്റി മാ​തൃ​ജി​ല്ല​ക്ക്​ പു​റ​മെ, പ​രി​സ​ര ജി​ല്ല​ക​ളി​ലേ​ക്കും പ​രി​ഗ​ണി​ക്ക​ണ​മെ​ന്ന വാ​ദം അം​ഗീ​ക​രി​ച്ചാ​ണ്​ പ​ട്ടി​ക പു​തു​ക്കാ​ൻ ട്രൈ​ബ്യൂ​ണ​ൽ ഉ​ത്ത​ര​വി​ട്ട​ത്.

എ​ന്നാ​ൽ, മാ​ന​ദ​ണ്ഡ​ത്തി​ൽ ഈ ​മാ​റ്റം വ​രു​ത്തു​ന്ന​ത്​ ഭാ​വി​യി​ൽ ഹ​യ​ർ​സെ​ക്ക​ൻ​ഡ​റി അ​ധ്യാ​പ​ക സ്ഥ​ലം​മാ​റ്റ ന​ട​പ​ടി​ക​ൾ ഒ​ന്ന​ട​ങ്കം സ​ങ്കീ​ർ​ണ​മാ​ക്കു​മെ​ന്നാ​ണ്​ വി​ദ്യാ​ഭ്യാ​സ വ​കു​പ്പി​ലെ നി​ല​പാ​ട്. ഹ​യ​ർ​സെ​ക്ക​ൻ​ഡ​റി സ്ഥ​ലം​മാ​റ്റ​ത്തി​നു​ള്ള മാ​ന​ദ​ണ്ഡം നി​ശ്ച​യി​ച്ചു​ള്ള 2019 മാ​ർ​ച്ച്​ ര​ണ്ടി​ലെ ഉ​ത്ത​ര​വി​ലെ അ​വ്യ​ക്ത​ത​യും തി​രി​ച്ച​ടി​യാ​യി. ഔ​ട്ട്​​സ്​​റ്റേ​ഷ​ൻ സ​ർ​വി​സി​ലെ സീ​നി​യോ​റി​റ്റി ഹോം ​സ്​​റ്റേ​ഷ​നി​ലേ​ക്കു​ള്ള സ്ഥ​ലം​മാ​റ്റ​ത്തി​ന്​ മാ​ത്ര​മേ പ​രി​ഗ​ണി​ക്കൂ​വെ​ന്ന്​ ഉ​ത്ത​ര​വി​ൽ വ്യ​ക്ത​മാ​ക്കി​യി​ട്ടി​ല്ല. സ്ഥ​ലം​മാ​റ്റ​ത്തി​ന്​ മു​ൻ​ഗ​ണ​ന ഔ​ട്ട്​​സ്​​റ്റേ​ഷ​ൻ സ​ർ​വി​സി​ന്‍റെ ദൈ​ർ​ഘ്യ​ത്തെ അ​ടി​സ്ഥാ​ന​പ്പെ​ടു​ത്തി​യാ​യി​രി​ക്കു​മെ​ന്ന്​ മാ​ത്ര​മാ​ണ്​ ഇ​തു​സം​ബ​ന്ധി​ച്ച ഉ​ത്ത​ര​വി​ലെ വ്യ​വ​സ്ഥ 2 (ii)ൽ ​പ​റ​യു​ന്ന​ത്. ഈ ​വ്യ​വ​സ്ഥ​യു​ടെ ആ​നു​കൂ​ല്യം പ​രി​സ​ര ജി​ല്ല​ക​ളി​ൽ കൂ​ടി ല​ഭി​ക്ക​ണ​മെ​ന്ന അ​ധ്യാ​പ​ക​രു​ടെ വാ​ദം ട്രൈ​ബ്യൂ​ണ​ൽ അം​ഗീ​ക​രി​ക്കു​ക​യാ​യി​രു​ന്നു. ഹൈ​കോ​ട​തി​യി​ലെ സീ​നി​യ​ർ ഗ​വ. പ്ലീ​ഡ​ർ ഉ​ൾ​പ്പെ​ടെ ട്രൈ​ബ്യൂ​ണ​ൽ മു​മ്പാ​കെ ഹാ​ജ​രാ​യി വാ​ദ​ങ്ങ​ൾ നി​ര​ത്തി​യി​ട്ടും സ​ർ​ക്കാ​ർ വാ​ദം ത​ള്ളു​ക​യാ​യി​രു​ന്നു.

ഭ​ര​ണാ​നു​കൂ​ല അ​ധ്യാ​പ​ക സം​ഘ​ട​ന​യാ​യ കെ.​എ​സ്.​ടി.​എ​യു​ടെ സ​മ്മ​ർ​ദ​ത്തെ തു​ട​ർ​ന്നാ​യി​രു​ന്നു ട്രൈ​ബ്യൂ​ണ​ൽ കേ​സ്​ പ​രി​ഗ​ണി​ക്കു​ന്ന​തി​നി​ടെ അ​ന്തി​മ​പ​ട്ടി​ക പ്ര​സി​ദ്ധീ​ക​രി​ക്കാ​ൻ വി​ദ്യാ​ഭ്യാ​സ വ​കു​പ്പി​നെ നി​ർ​ബ​ന്ധി​ത​മാ​ക്കി​യ​ത്. ഇ​തു​ പൊ​തു​വി​ദ്യാ​ഭ്യാ​സ ഡ​യ​റ​ക്ട​ർ​ക്കെ​തി​രെ കോ​ട​തി​യ​ല​ക്ഷ്യ ഹ​ര​ജി​യാ​യും ട്രൈ​ബ്യൂ​ണ​ൽ മു​മ്പാ​കെ എ​ത്തി. ഡ​യ​റ​ക്ട​റു​ടെ ന​ട​പ​ടി​യെ രൂ​ക്ഷ​മാ​യി വി​മ​ർ​ശി​ച്ച ട്രൈ​ബ്യൂ​ണ​ൽ മേ​യ്​ 24ന്​ ​നേ​രി​ട്ട്​ ഹാ​ജ​രാ​കാ​നും നി​ർ​ദേ​ശി​ച്ചി​ട്ടു​ണ്ട്. ട്രൈ​ബ്യൂ​ണ​ൽ വി​ധി​ക്കെ​തി​രെ​ സ്​​റ്റേ സ​മ്പാ​ദി​ക്കാ​നു​ള്ള വ​ഴി​യാ​ണ്​ വി​ദ്യാ​ഭ്യാ​സ വ​കു​പ്പ്​ ആ​രാ​യു​ന്ന​ത്. ട്രൈ​ബ്യൂ​ണ​ൽ നി​ർ​ദേ​ശി​ച്ച പ്ര​കാ​ര​മു​ള്ള സ്ഥ​ലം​മാ​റ്റം സാ​ധ്യ​മ​ല്ലെ​ന്ന നി​ല​പാ​ടി​ലാ​ണ്​ വി​ദ്യാ​ഭ്യാ​സ വ​കു​പ്പ്.