കേരളത്തിലെ ഹിന്ദുക്കൾ ബി.ജെ.പിയെ വിചാരണ ചെയ്യും; മതേതരമൂല്യങ്ങളെ ബലിദാനം നൽകില്ലെന്ന് വി.ഡി. സതീശൻ

തൃശ്ശൂർ: തൃശ്ശൂർ പൂരം കലക്കിയതിന്‍റെ പേരിൽ കേരളത്തിലെ ഹിന്ദുക്കൾ ബി.ജെ.പിയെ വിചാരണ ചെയ്യുമെന്ന് പ്രതിപക്ഷ നേതാവ് വി.ഡി. സതീശൻ. ക്ഷേത്രം, വിശ്വാസം, ആചാരം, അനുഷ്ഠാനങ്ങൾ എന്തൊരു പ്രസംഗമാണ്. എന്നിട്ടാണോ പൂരം കലക്കാൻ, ഒരു സീറ്റ് ജയിക്കാൻ സി.പി.എമ്മുമായി കൂട്ടികൂടിയതെന്നും സതീശൻ ചോദിച്ചു. പൂ​രം ക​ല​ക്കി​യ​തി​നെ​തി​രെ തൃ​ശൂ​ര്‍ തേ​ക്കി​ന്‍കാ​ട് മൈ​താ​നി​യി​ല്‍ കോ​ണ്‍ഗ്ര​സ് സം​ഘ​ടി​പ്പി​ച്ച പ്ര​തി​ഷേ​ധ പരിപാടിയിലാണ് ബി.ജെ.പിക്കും സി.പി.എമ്മിനുമെതിരെ സതീശൻ രൂക്ഷവിമർശനം നടത്തിയത്.

ബി.ജെ.പി, സംഘ്പരിവാർ നേതാക്കൾ കേരളത്തിലെ ജനങ്ങളോടും പ്രത്യേകിച്ച് ഹിന്ദുക്കളോടും മറുപടി പറയേണ്ടി വരും. തെരഞ്ഞെടുപ്പിൽ ജയിക്കുന്നതിനല്ല ആദ്യ പരിഗണനയെന്ന് ഗാന്ധിജി കോൺഗ്രസ് അധ്യക്ഷനായതിന്‍റെ നൂറാം വാർഷികത്തിൽ പറയാൻ ആഗ്രഹിക്കുന്നു. കേരളത്തിൽ നിന്നും രാജ്യത്ത് നിന്നും വർഗീയതയെ കുഴിച്ചുമൂടുക എന്നതാണ് ആദ്യ പരിഗണന. തെരഞ്ഞെടുപ്പിൽ ജയിക്കാൻ വേണ്ടി ഒത്തുതീർപ്പിന് തയാറാവില്ലെന്നും സതീശൻ വ്യക്തമാക്കി.

തെരഞ്ഞെടുപ്പിൽ എം.എൽ.എ സീറ്റ് കിട്ടാൻ, എം.പി സീറ്റ് കിട്ടാൻ, ഭരണം കിട്ടാൻ മതേതരമൂല്യങ്ങളെ ബലിദാനം നൽകില്ല. ജനാധിപത്യ, മതേതര മൂല്യങ്ങൾ ഉയർത്തിപിടിക്കാൻ ഏതറ്റംവരെയും പോകും. ബി.ജെ.പിയുടെ കാപട്യത്തിന്‍റെ മുഖം കേരളത്തിലെ ജനങ്ങളുടെ മുമ്പിൽ അനാവരണം ചെയ്യുമെന്നും വി.ഡി. സതീശൻ പറഞ്ഞു.

ലോ​ക്‌​സ​ഭ തെ​ര​ഞ്ഞെ​ടു​പ്പി​ല്‍ ബി.​ജെ.​പി​യെ ജ​യി​പ്പി​ക്കാ​ന്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ നി​ർ​ദേ​ശി​ച്ച​ പ്ര​കാ​ര​മാ​ണ് തൃ​ശൂ​ര്‍ പൂ​രം പൊ​ലീ​സ് ക​ല​ക്കി​യ​ത്. പൂ​ര​ദി​വ​സം രാ​വി​ലെ മു​ത​ല്‍ സി​റ്റി പൊ​ലീ​സ് ക​മീ​ഷ​ണ​ര്‍ പ്ര​ശ്‌​ന​ങ്ങ​ള്‍ സൃ​ഷ്ടി​ച്ചി​ട്ട് ആ​ഭ്യ​ന്ത​ര​ വ​കു​പ്പി​ന്റെ ചു​മ​ത​ല​യു​ള്ള മു​ഖ്യ​മ​ന്ത്രി അ​റി​ഞ്ഞി​ല്ലെ​ന്ന് പ​റ​ഞ്ഞാ​ല്‍ അ​ന്തം​ക​മ്മി​ക​ള്‍ പോ​ലും വി​ശ്വ​സി​ക്കി​ല്ലെ​ന്നും വി.​ഡി. സ​തീ​ശ​ന്‍ പ​രി​ഹ​സി​ച്ചു.

പൂ​ര​സ്ഥ​ല​ത്തേ​ക്ക് പോ​കു​ന്ന​തി​ല്‍ നി​ന്ന് മ​ന്ത്രി​മാ​രെ വി​ല​ക്കി​യ പൊ​ലീ​സ് ബി.​ജെ.​പി സ്ഥാ​നാ​ര്‍ഥി​ക്ക് ആം​ബു​ല​ന്‍സി​ല്‍ എ​ത്താ​ന്‍ അ​ക​മ്പ​ടി സേ​വി​ച്ചു. മു​ന്നി​ല്‍ പൈ​ല​റ്റ് വാ​ഹ​നം, പി​ന്നി​ല്‍ എ​സ്‌​കോ​ര്‍ട്ട് എ​ന്നി​ങ്ങ​നെ​യാ​ണ് അ​ക​മ്പ​ടി ന​ല്‍കി​യ​ത്. മു​ഖ്യ​മ​ന്ത്രി​യെ​യും കു​ടും​ബ​ത്തെ​യും ര​ക്ഷി​ക്കാ​ന്‍ വേ​ണ്ടി​യാ​ണ് വെ​ള്ളി​ത്താ​ല​ത്തി​ല്‍ ബി.​ജെ.​പി​ക്ക് വി​ജ​യം സ​മ്മാ​നി​ച്ച​തെ​ന്നും പ്ര​തി​പ​ക്ഷ​ നേ​താ​വ് പ​റ​ഞ്ഞു.