ആറ്റിങ്ങൽ കലാപം; ആ വീരഗാഥക്ക് 300

പ്രക്ഷുബ്​ധമായ കടൽ​. തിരമാലകൾ ഇരമ്പലോടെ തീരത്തേക്ക്​ ആഞ്ഞടിച്ചുകൊണ്ടേയിരുന്നു. തിരയിൽനിന്നും മാറി, തീരത്ത്​ അധികം അകലെയല്ലാതെ കരിങ്കൽ കോട്ട കെട്ടുറപ്പോടെയുണ്ട്​. ചക്രവാളത്തിനപ്പുറത്തുനിന്ന്​ തിരമുറിച്ചുകടന്നുവന്ന വൈദേശികരുടെ കഥകൾ ഒാർമിപ്പിക്കുന്നൊരു കോട്ട. കുരുമുളകും മറ്റു സുഗന്ധവ്യഞ്​ജനങ്ങളും പരിമളം പരത്തിയിരുന്ന, വെടിക്കോപ്പുകളുടെ ഗന്ധം നിറഞ്ഞുനിന്നിരു​ന്ന അകത്തളങ്ങൾ. കോട്ടക്കു മുകളിൽനിന്നാൽ കാഴ്​ചയുടെ അതിരുദൂരം വരെ കടൽ കാണാം, അങ്ങകലെ ഭൂഖണ്ഡങ്ങൾ താണ്ടി നീങ്ങുന്ന കപ്പലുകളുടെ കൊടിയടയാളങ്ങൾ കാണം. നൂറ്റാണ്ടുകൾക്കുമുമ്പ്, കൃത്യമായി പറഞ്ഞാൽ 300 വർഷങ്ങൾക്കപ്പുറവും ഇത്തരത്തിൽ യാനങ്ങൾ ഇൗ പാതയില​ൂടെ സഞ്ചരിച്ചിരുന്നു. അവയിൽ ചിലത്​ ഇൗ തീരത്തേക്കും കോട്ടയെ ലക്ഷ്യം​െവച്ചും യാത്ര ചെയ്​തു. കച്ചവട സാധ്യതകൾ മനസ്സിലുറപ്പിച്ച്​ ലാഭനഷ്​ടങ്ങളും കുത്തകവിപണിയുമൊക്കെ കണക്കുകൂട്ടിയുള്ള യാത്രകൾ... അളവറ്റ സമ്പത്തുമായുള്ള മടക്കയാത്രകൾ.. അധിനിവേശത്തി​െൻറ അടയാളമിട്ട സഞ്ചാരങ്ങളായിരുന്നു ഒാരോന്നും.

കടൽകാറ്റി​െൻറ തണുപ്പിൽ അഞ്ചുതെങ്ങ്​ കോട്ടയിലേക്ക്​ പ്രവേശി​ക്കു​േമ്പാൾ ഇന്നും ഒാർമയി​െലത്തുക നൂറ്റാണ്ടുകൾ പിന്നിട്ടിട്ടും മായാതെ നിലകൊള്ളുന്ന ഇൗ നാടി​െൻറ ചരിത്രമാണ്​, സമരപോരാട്ട നാളുകളാണ്​. ​'ആറ്റിങ്ങൽ കലാപ'മെന്ന്​ ച​രിത്രത്തിൽ വിശേഷിപ്പിക്കപ്പെട്ട പോരാട്ടത്തി​െൻറ വീരഗാഥകൾ ഇൗ കോട്ടയിലെ ഒാരോ ശിലകളും പടവുക​ളും എവിടെ അവസാനിക്കുന്നുവെന്ന്​ ഇന്നും കണ്ടെത്താനാവാത്ത രഹസ്യ തുരങ്കവുമെല്ലാം നമ്മെ ഒാർമിപ്പിച്ചുകെ​ാണ്ടേയിരിക്കുന്നു. പീരങ്കികൾ ഉറപ്പിക്കാനും നിരീക്ഷണത്തിനുമുള്ള കോട്ടയിലെ സ്​ഥാനങ്ങൾക്ക്​ ഇന്നും പഴയ ഗാംഭീര്യം ചോർന്നുപോയിട്ടില്ല. അവയിൽ സുരക്ഷക്കായുള്ള പഴുതടച്ച ആസൂത്രണ മികവിനെ അറിയാം​. ​ബ്രിട്ടീഷ്​ സാമ്രാജ്യത്വത്തിനെതിരെ നടന്ന ആദ്യ സംഘടിത പോരാട്ടമായി വിശേഷിപ്പിക്കപ്പെടുന്ന ആറ്റിങ്ങൽ കലാപത്തിന്​ മൂന്നു നൂറ്റാണ്ട്​ പിന്നിടുകയാണ്​. പുതു​തലമുറക്ക്​ ആ ചരിത്ര സംഭവത്തി​െൻറ പാഠങ്ങൾ പകരുകയാണ്​ അഞ്ചുതെങ്ങിലെ ഇൗ നിർമിതി. ആയുധങ്ങളും സുഗന്ധവ്യഞ്​ജനങ്ങളുമൊക്കെ സംഭരിച്ചിരുന്ന, സൈന്യാധിപന്മാരുടെ ആജ്​ഞകൾ ഉയർന്നിരുന്ന ഇവിടം ഇപ്പോൾ നിശ്ശബ്​ദമാണ്​. കോട്ടവാതിൽ കടന്ന്​ ചരിത്രസ്​മാരകത്തെ അറിയാനെത്തുന്ന സഞ്ചാരികളും കുറവ്​. കോവിഡ്​ മഹാമാരിയു​ടെ കെട്ടകാലം സന്ദർശകരുടെ സാന്നിധ്യം തീരെയില്ലാതാക്കി.

അഞ്ചുതെങ്ങിനെ ഇഷ്​ട​െപ്പട്ട വെള്ളക്കാർ

ഇന്നത്തെപ്പോലെ മൂന്നു നൂറ്റാണ്ടിനപ്പുറവും മനോഹരമായിരുന്നു അഞ്ചുതെങ്ങ്​. ആറ്റിങ്ങലി​െൻറ പ്രാന്തപ്രദേശമായ തീരദേശ മേഖല. കടൽകടന്നെത്തിയ വൈദേശികർക്ക്​ തമ്പടിക്കാൻ അനുയോജ്യമായ ഭൂപ്രദേശം. മലബാർ മേഖലയിൽ എതിർപ്പുകൾ നേരിട്ട ​ബ്രിട്ടീഷുകാർ കേരളത്തി​െൻറ മറ്റു ഭാഗങ്ങളിലേക്കും ശ്രദ്ധപതിപ്പിച്ച കാലം. കടലും കായല​ും നദിയുമെല്ലാം അതിരിടുന്ന അഞ്ചുതെങ്ങ്​ ജലമാർഗമുള്ള സഞ്ചാരത്തിന്​ ഏറെ അനുയോജ്യമായിരുന്നു. നേരത്തേ ഡച്ചുകാരും പോർചുഗീസുകാരും ആഗ്രഹിച്ചപോലെ ബ്രിട്ടീഷുകാരും ഇൗ കടലോര ഗ്രാമത്തെ വ്യാപാര^ ചരക്ക്​ സംഭരണകേന്ദ്രമാക്കാൻ കൊതിച്ചു.

വ്യവസായശാല നിർമിക്കാൻ കുറച്ചു​​​പ്രദേശം 1684ൽ അവർക്ക്​ ആറ്റിങ്ങൽ റാണിയിൽനിന്ന്​ അനുവദിച്ചുകിട്ടിയത്​ ബ്രിട്ടീഷുകാർക്ക്​ േനട്ടമായി. നാലുവർഷത്തിനു​ശേഷം കോട്ട നിർമിക്കാനുള്ള അനുവാദവും അവർ നേടി. അഞ്ചുവർഷത്തിനകം കരിങ്കല്ലിൽ നിർമിച്ച, അക്കാലത്തെ എല്ലാ സുരക്ഷ സംവിധാനങ്ങളുമുള്ള കോട്ട കടലോരത്ത്​ ഉയർന്നു. പട​േക്കാപ്പുകൾ സംഭരിക്കുന്ന കേ​ന്ദ്രവും സജ്ജമായി. അതിലൂടെ ഭാവിയിലേക്കുള്ള അധിനിവേശത്തി​െൻറ പുതിയ നീക്കങ്ങൾക്ക്​ അഞ്ചുതെങ്ങിൽ തുടക്കമിട്ടുവെന്ന്​ ചരിത്രം. പശ്ചിമതീരത്ത്​ ​േബാംബെ കഴിഞ്ഞാൽ അക്കാലത്ത്​ ഇംഗ്ലീഷുകാരുടെ പ്രധാന സ​​േങ്കതമായി അഞ്ചുതെങ്ങ്​ മാറി. എന്നാൽ,​ ആറ്റിങ്ങൽ റാണി ബ്രിട്ടീഷുകാർക്ക്​ ചെയ്​തുകൊടുത്ത സൗകര്യങ്ങൾ തദ്ദേശീയരായ ജനവിഭാഗങ്ങളിൽ വലിയ അമർഷത്തിനിടയാക്കി. അത്​ കാലക്ര​മേണ ​ബ്രിട്ടീഷുകാർക്കെതിരായ വികാരമായി നീറിപ്പുകഞ്ഞു.

കറുത്ത പൊന്നും പിന്നെ കലാപവും

'കറുത്തപൊന്നി'​െൻറ കച്ചവടവും അതിൽനിന്നുള്ള ലാഭവും ​നിർണായകമായിരുന്ന കാലം. 1694 ജൂണിൽ ഇൗസ്​റ്റ്​ ഇന്ത്യാ കമ്പനിയുമായി ആറ്റിങ്ങൽ റാണി ഒപ്പു​െവച്ച ഉടമ്പടി പ്രകാരം രാജ്യത്ത്​ വിളയുന്ന കുരുമുളക്​ മുഴുവൻ കമ്പനിക്ക്​ അവർ നിശ്ചയിക്കുന്ന വിലക്ക്​ നൽകണം. മ​റ്റാരെങ്കിലും കുരുമുളക്​ വാങ്ങുകയോ കടൽമാർഗം കൊണ്ടുപോവാൻ ശ്രമിക്കുകയോ ചെയ്​താൽ അവ ഇൗസ്​റ്റ്​്​ഇന്ത്യ കമ്പനിക്ക്​ പിടിച്ചെടുക്കാം. ബ്രിട്ടീഷുകാർ നിശ്ചയിക്കുന്ന വിലക്ക്​ കർഷകർ അവർക്ക്​ കുരുമുളക്​ വിൽക്കണമെന്ന നിബന്ധന നാട്ടുകാരെ വല്ലാതെ അസ്വസ്​ഥരാക്കി. അമർഷം പ്രതിഷേധത്തിലേക്ക്​ മാറി. 1697ൽ നാട്ടുകാർ അഞ്ചുതെങ്ങി​െല ഫാക്​ടറി ആ​ക്രമിച്ചുവെങ്കിലും ലക്ഷ്യം പാളി. അഞ്ചുതെങ്ങ്​ കേ​​ന്ദ്രമാക്കി വലിയ എതിർപ്പുകളൊന്നുമില്ലാതെ പിന്നെയും ബ്രിട്ടീഷുകാർ വാണു. തദ്ദേശവാസികളുമായി നല്ല ബന്ധത്തിലല്ലായിരുന്നുവെങ്കിലും ആറ്റിങ്ങൽ റാണിയുമായി പിണക്കമില്ല​ാതെ ​പോകാൻ അവർ ശ്രദ്ധിച്ചു. അങ്ങനെയാണ്​ 1721 ഏപ്രിൽ 15ന്​ കപ്പവും പാരിതോഷികങ്ങളുമായി കോട്ടയുടെ ചുമതലക്കാരനായിരുന്ന ഗീഫോർഡ്​ അടക്കമുള്ള 140 പേരടങ്ങുന്ന സംഘം റാണിയെ കാണാ​ൻ പുറപ്പെടുന്നത്​. ബ്രിട്ടീഷുകാർക്ക്​ തിരിച്ചടി നൽകാൻ അനുയോജ്യമായ സന്ദർഭം ഇതാണെന്ന്​ മനസ്സിലാക്കിയ നാട്ടുകാർ സംഘടിച്ചു. അപ്രതീക്ഷിത ആ​ക്രമണത്തിൽ ഗീ​േഫാർഡ്​ അടക്കമുള്ളവർ ​െകാല്ല​​പ്പെട്ടു. തുടർന്ന്​ ​പ്രതിഷേധക്കാർ അഞ്ചുതെങ്ങ്​ ​േകാട്ട വളഞ്ഞു. ഉപരോധം ആറുമാസത്തോളം നീണ്ടുവെന്ന്​ ചരിത്രം പറയുന്നു. പിന്നീട്​ തലശ്ശേരിയിൽനിന്ന്​ ബ്രിട്ടീഷുകാരുടെ പോഷകസേന എത്തിയ​േപ്പാഴാണ്​ ഇത്​ അവസാനിച്ചത്​. ​

അധിനിവേശത്തിന്​ എതിരായ കലാപക്കൊടി

രാജ്യത്ത്​ ബ്രിട്ടീഷുകാർ അവരുടെ അധിനിവേശത്തി​െൻറ ആദ്യഘട്ടത്തിൽ ​േനരിട്ട വലിയ തിരിച്ചടിയായി ആറ്റിങ്ങൽ കലാപം വിശേഷിപ്പിക്ക​പ്പെട്ടു. ഇന്ത്യയിലെ ബ്രിട്ടീഷ്​ ആധിപത്യത്തിന്​ അസ്​ഥിവാരമിട്ട 1757ലെ പ്ലാസി യുദ്ധത്തിനും മൂന്നര പതിറ്റാണ്ട്​ മുമ്പ്​്​ രാജ്യത്തി​െൻറ തെക്കേ അറ്റത്തെ ഒരു ഗ്രാമമേഖലയിൽ നടന്ന ​േപാരാട്ടം ഒറ്റപ്പെട്ടതായിരുന്നുവെങ്കിലും അതി​െൻറ പ്രാധാന്യം ചരിത്രകാരന്മാർ ചെറുതായല്ല കണ്ടത്​. ഇൗസ്​റ്റ്​ ഇന്ത്യാ കമ്പനിയു​െട ചരിത്രത്തിൽ തിരിച്ചടിയുടെ താളുകളിൽ കുറിക്കപ്പെട്ട വർഷമായിരുന്നു 1721. അധിനിവേശം സ്​ഥാപിക്കേണ്ട മണ്ണിൽ, ഭാവിയിൽ സ്വീകരിക്കേണ്ട മുൻകരുത​ലുകളെക്കുറിച്ചും ഇതോ​ടെ അവർ ബോധവാന്മാരായി.

കേന്ദ്ര പുരാവസ്​തുവകുപ്പി​െൻറ തൃശൂർ സർക്കിളിന്​ കീഴിലാണ്​ ഇന്ന്​ കോട്ട. നൂറ്റാണ്ടുകൾ പിന്നിട്ടശേഷവും തെക്കൻ ജില്ലയിൽ ഏറക്കുറെ തകർച്ചകളില്ലാതെ നിലകൊള്ളുന്ന ഏക കോട്ടകൂടിയാണിത്​. കോട്ടയുടെ പടിഞ്ഞ​ാറേ ഭാഗത്തുനിന്നും ആരംഭിക്കുന്ന തുരങ്കം ഇന്നും ഉത്തരംകിട്ടാത്ത ചോദ്യങ്ങളുയർത്തുന്ന നിർമിതിയായി തുടരുന്നു​. കടലിലേക്ക്​ തുറക്കുന്നതാണെന്നും ഇതുവഴ​ി ബ്രിട്ടീഷുകാർ രഹസ്യമായി കോട്ടക്കുള്ളിലേക്ക്​ കടക്കുകയും മടങ്ങുകയും ചെയ്​തിരുന്നുവെന്നും വാമൊഴിയുണ്ട്​. എന്നാൽ​, കോട്ടയുടെ മറുഭാഗം എവിടെ അവസാനിക്കുന്നുവെന്ന​ ശാസ്​​ത്രീയ പഠനം ഇനിയുമുണ്ടായിട്ടില്ല. ഇൗ ആവശ്യം ഉന്നയിച്ച് നാട്ടുകാരിൽ ചിലർ കേന്ദ്ര സർക്കാറിനടക്കം നിവേദനം നൽകിയത്​ മാസങ്ങൾക്കുമുമ്പാണ്​. തുരങ്കത്തിലേക്ക്​ ആരും കടക്കാതിരിക്കാൻ സിമൻറുകൊണ്ട്​ കവാടം അടച്ചത്​ രണ്ടു പതിറ്റാണ്ട്​ മുമ്പായിരുന്നു. ഇ​േതാടെ അടഞ്ഞത്​ ചരിത്രത്തി​​െൻറ മറ്റൊരു അധ്യായത്തിലേക്ക്​ തുറക്കാനിടയുള്ള വാതിൽകൂടിയായിരുന്നു.

അഞ്ചുതെങ്ങിലെ കോട്ട കഴിഞ്ഞാൽ ആറ്റിങ്ങൽ കാലാപത്തി​െൻറ സ്​മരണകൾ നിറയുന്ന മറ്റൊരു നിർമിതി ആറ്റിങ്ങലിലെ കൊട്ടാര സമുച്ചയമാണ്​. ആറ്റിങ്ങലിന്​ സമീപം കൊല്ലമ്പുഴയിലെ വിശാലമായ ഭ​ൂപ്രദേശത്ത്​ സ്​ഥിതിചെയ്യുന്ന കൊട്ടാരത്തി​െൻറ പല ഭാഗങ്ങളു​ം പൊട്ടിപ്പൊളിഞ്ഞു. മേൽക്കൂര തകർന്ന്​, മഴ നനഞ്ഞ്​ ചുമരുകൾ കുതിരുന്നു. ​െകാട്ടാരത്തി​െൻറ ഒരു ഭാഗം തിരുവിതാംകൂർ ദേവസ്വം ബോർഡി​െൻറ നിയന്ത്രണത്തിലാണ്​. ശേഷിക്കുന്ന ഭാഗം സംസ്​ഥാന സർക്കാർ ഏറ്റെടുത്ത്​ പുരാവസ്​തു വകുപ്പിന്​ കൈമാറണമെന്ന ആവശ്യത്തിന്​ പഴക്കമേറെയ​ുണ്ട്​. ആറ്റിങ്ങൽ കൊട്ടാരം, അഞ്ചുതെങ്ങ്​ കോട്ട മേഖലയി​ലെ മറ്റു ചരിത്ര പ്രാധാന്യമുള്ള സ്​ഥലങ്ങൾ എന്നിവ ഉൾ​പ്പെടുത്തി '​െപെതൃക ടൂറിസം പദ്ധതി' നടപ്പാക്കണമെന്ന നിർദേശവും വിവിധ​ കോണുകളിൽനിന്ന്​ ഏറെനാളായിഉയരുന്നു. എന്നാൽ, കാര്യമായ ഇടപെടൽ അധികാരികളിൽനിന്നും ഉണ്ടാകുന്നില്ലെന്നു മാത്രം.