പുണ്യ റമദാൻ അവസാന പത്തിൽ

കോഴിക്കോട്​: മഹാമാരി തീർത്ത പ്രതിസന്ധികാലത്തിലൂടെ റമദാൻ അവസാന പത്തിലേക്ക്​. വിശ്വാസികൾക്ക്​ മുൻപരിചയമില്ലാത്ത വിധം പള്ളികൾ പോലും അന്യമായ റമദാനാണ്​ കടന്നുപോകുന്നത്​. മതസൗഹാർദത്തി​​െൻറയും സാഹോദര്യത്തി​​െൻറയും വേദികളാവാറുള്ള സമൂഹ ഇഫ്​താറുകളും ഇത്തവണ സാധ്യമായില്ല. പ്രതിസന്ധികളെ ത്യാഗമായി കണ്ട്​ എല്ലാം ദൈവത്തിലർപ്പിച്ച്​ പ്രാർഥനയിലാണ് വിശ്വാസി സമൂഹം​. 

വിശുദ്ധമാസത്തിൽ അവശേഷിക്കുന്ന ദിനരാത്രങ്ങൾ ആരാധനകളും ധാനധർമങ്ങളുമായി കൂടുതൽ സജീവമാവും. ആയിരം മാസങ്ങളേക്കാൾ പുണ്യമുള്ള ലൈലത്തുൽഖദ്​ർ (വിധിനിർണയ രാവ്​) പ്രതീക്ഷിക്കുന്ന ദിനങ്ങളാണിനി. റമദാനിലെ ആദ്യ പത്ത്​ അനുഗ്രഹത്തി​േൻറതും രണ്ടാമത്തെ പത്ത്​ പാപമോചനത്തി​േൻറതും മൂന്നാമത്തെ പത്ത്​ നരക മോചനത്തി​േൻറതുമാണ്​ വിശ്വാസികൾക്ക്​. റമദാൻ അവസാന പത്തിലേക്ക്​ പ്രവേശിച്ചാൽ ഇഅ്​തികാഫ്​ (ഭജനമിരിക്കൽ) ഏറെ പുണ്യമേറിയതാണ്​. ​പ്രവാചകചര്യ പിൻപറ്റി വിശ്വാസികൾ റമദാൻ അവസാന പത്തിൽ പള്ളികൾ ഇഅ്​തികാഫ്​ കൊണ്ട്​ സജീവമാക്കാറുണ്ടായിരുന്നു. എന്നാൽ, ഇൗ റമദാനിൽ പള്ളികളിൽ ഇഅ്​തികാഫും സാധ്യമാവാതെ വന്നിരിക്കുകയാണ്​.

ഇത്തവണ പക്ഷേ കുടുംബാംഗങ്ങൾ ഒരുമിച്ചിരുന്ന്​ വീടുകളിൽ പ്രാർഥന നടത്തുന്നതി​​െൻറ സന്തോഷമുണ്ട്​്​. പതിവിൽനിന്ന്​ വ്യത്യസ്​തമായി വീട്ടിൽ എല്ലാവരും ചേർന്ന്​ നോമ്പുതുറക്കുള്ള വിഭവങ്ങൾ ഒരുക്കിയും ഒരുമിച്ചിരുന്ന്​ ഭക്ഷണം കഴിച്ചും സന്തോഷം പങ്കിടുകയാണ്​. കോവിഡ്​ സൃഷ്​ടിച്ച പ്രതിസന്ധികാലമാണെങ്കിലും പ്രയാസമനുഭവപ്പെടുന്നവർക്ക്​ സകാത്തും മറ്റു സഹായങ്ങളും എത്തിക്കുന്നതിൽ സജീവമാണ്​ വ്യക്​തികളും സംഘടനകളും.