കാന്തപുരത്തിനും വെള്ളാപ്പള്ളിക്കും ഡോക്ടറേറ്റ്: പ്രമേയാവതരണത്തിന് അനുമതി നൽകിയിരുന്നില്ലെന്ന് വി.സി

തേഞ്ഞിപ്പലം: കാന്തപുരം എ.പി. അബൂബക്കർ മുസ്‌ലിയാർ, വെള്ളാപ്പള്ളി നടേശൻ എന്നിവർക്ക് ഹോണററി ഡോക്ടറേറ്റ് നൽകണമെന്നാവശ്യപ്പെട്ടുള്ള പ്രമേയാവതരണത്തിന് അനുമതി നൽകിയിരുന്നില്ലെന്ന് കാലിക്കറ്റ് സർവകലാശാല വൈസ് ചാൻസലർ ഡോ. എം.കെ ജയരാജ്‌. ഡി-ലിറ്റ് വിവാദത്തിൽ വിശദീകരണം നൽകുകയായിരുന്നു അദ്ദേഹം. ഇടത് സിൻഡിക്കേറ്റംഗം ഇ. അബ്ദുറഹിം തന്റെ അനുമതിയോടെയാണ് പ്രമേയം അവതരിപ്പിച്ചതെന്ന വാദം​ തള്ളിയ അദ്ദേഹം, പ്രമേയം അവതരിപ്പിക്കാൻ മുൻകൂർ അനുമതി നൽകിയിരുന്നില്ലെന്നും ഇതേക്കുറിച്ച് നേരത്തെ ചർച്ച നടത്തിയിട്ടില്ലെന്നും അറിയിച്ചു. പ്രമേയ നോട്ടീസ് വായിച്ച ശേഷമാണ് ഉള്ളടക്കം അറിഞ്ഞത്. പ്രമേയം അവതരിപ്പിക്കുന്നത് ഉടൻ തടഞ്ഞെന്നും സെർച്ച്‌ കമ്മിറ്റിയാണ് വിഷയം ചർച്ച ചെയ്യേണ്ടതെന്ന് അറിയിച്ചെന്നും വൈസ് ചാൻസലർ വ്യക്തമാക്കി.

ക​ഴി​ഞ്ഞ​ദി​വ​സം ചേ​ര്‍ന്ന കാ​ലി​ക്ക​റ്റ് സ​ര്‍വ​ക​ലാ​ശാ​ല സി​ന്‍ഡി​ക്കേ​റ്റ് യോ​ഗ​ത്തി​ല്‍ ഡി-ലി​റ്റ് ന​ല്‍കു​ന്ന​ത് സം​ബ​ന്ധി​ച്ച ഔ​ദ്യോ​ഗി​ക ച​ര്‍ച്ച​ക​ളോ തീ​രു​മാ​ന​ങ്ങ​ളോ ഉ​ണ്ടാ​യി​ട്ടി​ല്ലെ​ന്ന് ര​ജി​സ്ട്രാ​ര്‍ ഡോ. ​ഇ.​കെ. സ​തീ​ഷും അറിയിച്ചിരുന്നു. ഏ​തെ​ങ്കി​ലും അം​ഗ​ത്തി​ന്‍റെ പ്ര​മേ​യ​ത്തി​ലൂ​ടെ​യ​ല്ല ഡി-​ലി​റ്റി​ന്​ ശി​പാ​ര്‍ശ ചെ​യ്യ​പ്പെ​ടു​ന്ന​ത്. ഡോ. ​പി. വി​ജ​യ​രാ​ഘ​വ​ന്‍ അ​ധ്യ​ക്ഷ​നാ​യ സ​മി​തി ഡി-​ലി​റ്റ് നാ​മ​നി​ര്‍ദേ​ശ​ങ്ങ​ള്‍ക്കാ​യി നി​ല​വി​ലു​ണ്ട്. ഡി​ലി​റ്റ് ന​ല്‍കു​ന്ന​തി​നു​ള്ള നി​ര്‍ദേ​ശം ഈ ​സ​മി​തി വ​ഴി എ​ത്തു​ക​യും സി​ന്‍ഡി​ക്കേ​റ്റ് തീ​രു​മാ​നി​ക്കു​ക​യും വേ​ണം. സി​ന്‍ഡി​ക്കേ​റ്റ് തീ​രു​മാ​നം മൂ​ന്നി​ല്‍ ര​ണ്ട് ഭൂ​രി​പ​ക്ഷ​ത്തോ​ടെ സെ​ന​റ്റ് അം​ഗീ​ക​രി​ക്കു​ക​യും ചാ​ന്‍സ​ല​റു​ടെ അ​നു​മ​തി​യോ​ടെ മാ​ത്രം ന​ട​പ്പാ​വു​ക​യും ചെ​യ്യു​ന്ന​താ​ണ്. ആ​ദ​ര​സൂ​ച​ക​മാ​യി സ​ര്‍വ​ക​ലാ​ശാ​ല ന​ല്‍കു​ന്ന ബ​ഹു​മ​തി സം​ബ​ന്ധി​ച്ച ഔ​ദ്യോ​ഗി​ക പ്ര​ഖ്യാ​പ​ന​മി​ല്ലാ​തെ വാ​ര്‍ത്ത​ക​ള്‍ പ്ര​ച​രി​ക്കു​ന്ന​ത് ഖേ​ദ​ക​ര​മാ​ണെ​ന്നും ര​ജി​സ്ട്രാ​ര്‍ അ​റി​യി​ച്ചിരുന്നു.

പ്ര​മു​ഖ​രാ​യ ര​ണ്ട് സ​മു​ദാ​യ​ നേ​താ​ക്ക​ളെ മു​ന്‍നി​ര്‍ത്തി രാ​ഷ്ട്രീ​യ​ല​ക്ഷ്യ​ത്തോ​ടെ യു.​ഡി.​എ​ഫ് കേ​ന്ദ്ര​ങ്ങ​ള്‍ ന​ട​ത്തു​ന്ന അ​പ​വാ​ദ പ്ര​ചാ​ര​ണ​മാ​ണ് കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ലെ ഡി​ലി​റ്റ് വി​വാ​ദ​ത്തി​ന്​ പി​ന്നി​ലെ​ന്ന് ഇ​ട​ത്​ സി​ന്‍ഡി​ക്കേ​റ്റ്​ അം​ഗ​ങ്ങ​ള്‍ പ്ര​സ്താ​വ​ന​യി​ല്‍ ആരോപിച്ചിരുന്നു. ക​ഴി​ഞ്ഞ സി​ന്‍ഡി​ക്കേ​റ്റ് യോ​ഗ​ത്തി​ല്‍ ഡി​ലി​റ്റ് ന​ല്‍കു​ന്ന​തി​നെ​ക്കു​റി​ച്ച​ ച​ര്‍ച്ച ന​ട​ത്തു​ക​യോ തീ​രു​മാ​ന​മെ​ടു​ക്കു​ക​യോ ചെ​യ്തി​ട്ടി​ല്ല. നാ​ക് സം​ഘ​ത്തി​ന്‍റെ സ​ന്ദ​ർ​ശ​ന​ത്തോ​ട​നു​ബ​ന്ധി​ച്ച്​ സ​ര്‍വ​ക​ലാ​ശാ​ല ത​യാ​റെ​ടു​പ്പ് ന​ട​ത്തു​ന്ന​തി​നി​ടെ വി​വാ​ദം സൃ​ഷ്ടി​ക്കാ​ൻ ന​ട​ത്തി​യ ഗൂ​ഢാ​ലോ​ച​ന​യു​ടെ ഭാ​ഗ​മാ​യാ​ണ് ഇ​ത്ത​രം വാ​ര്‍ത്ത​കളെന്ന് ആരോപിച്ച സി​ന്‍ഡി​ക്കേ​റ്റ് സ്റ്റാ​ഫ് സ്ഥി​രം സ​മി​തി ക​ണ്‍വീ​ന​ര്‍ കെ.​കെ. ഹ​നീ​ഫ, അ​ടി​സ്ഥാ​ന​ര​ഹി​ത ആ​രോ​പ​ണ​ങ്ങ​ള്‍ പ്ര​ച​രി​പ്പി​ക്കു​ന്ന​വ​ര്‍ക്കെ​തി​രെ നി​യ​മ​ന​ട​പ​ടി സ്വീ​ക​രി​ക്കാ​ന്‍ സ​ര്‍വ​ക​ലാ​ശാ​ല നി​ര്‍ബ​ന്ധി​ത​മാ​കു​മെ​ന്നും മുന്നറിയിപ്പ് നൽകിയിരുന്നു.