കൊച്ചിയിൽ ഹോട്ടലുടമ കുത്തേറ്റു മരിച്ചു

കൊച്ചി: ഭക്ഷണത്തെ ചൊല്ലിയുള്ള തർക്കത്തി​നൊടുവിൽ തമിഴ്​നാട്​ സ്വദേശി ഹോട്ടലുടമയെ കുത്തിക്കൊന്നു. വൈറ്റില ജനത ജംഗ്ഷനിലെ 'സിബിന്‍' ഹോട്ടലി​​​െൻറ ഉടമ ജോണ്‍സണ്‍ (48) ആണ് കൊല്ലപ്പെട്ടത്.

ബുധനാഴ്ച ഉച്ചയോടെയാണ്​ സംഭവം. തമിഴ്നാട് സ്വദേശിയായ രതീഷ് എന്നയാളാണ് കൊല നടത്തിയതെന്നാണ് പ്രാഥമിക വിവരം.  ഇയാള്‍ക്കായി പൊലീസ് തിരച്ചില്‍ നടത്തുകയാണ്. ഭക്ഷണം വാങ്ങിയതുമായി ബന്ധപ്പെട്ട്​ ഇരുവരും തമ്മിൽ വാക് തര്‍ക്കമുണ്ടായി. ശേഷം ജോണ്‍സണ്‍ ഹോട്ടലില്‍ നിന്ന് പുറത്തേക്കിറങ്ങിയപ്പോൾ അകലെ​ ​വെച്ച്​ രതീഷ് ജോണ്‍സണെ കുത്തി ഓടി രക്ഷപ്പെടുകയായിരുന്നു.

കഴുത്തിൽ ആഴത്തിൽ മുറിവേറ്റ  ജോണ്‍സണെ അടുത്തുള്ള സ്വകാര്യ ആശുപത്രിയിൽ എത്തിച്ചു. വിദഗ്​ധ ചികിത്സക്കായി  മെഡിക്കല്‍ ട്രസ്റ്റ് ആശുപത്രിയിലേക്ക് മാറ്റിയെങ്കിലും മരണം സംഭവിക്കുകയായിരുന്നു. മരട്​ പൊലീസ്​ കേസെടുത്ത്​ അന്വേഷണം തുടങ്ങി.