എന്തിനിത് ചെയ്തു; അവൻ ആർക്കും പണം കൊടുക്കാനില്ല - സിദ്ദീഖിന്‍റെ സഹോദരൻ

കോ​ഴി​ക്കോ​ട്: ‘അ​വ​രെ​ന്തി​നാ​ണ് ഇ​ത് ചെ​യ്ത​തെ​ന്ന് ഞ​ങ്ങ​ൾ​ക്ക് ഒ​രു അ​റി​വു​മി​ല്ല. ജീ​വ​നെ​ടു​ക്കാ​ൻ മാ​ത്രം എ​ന്താ​യി​രു​ന്നു പ്ര​ശ്നം. അ​വ​ൻ ആ​ർ​ക്കും പ​ണം കൊ​ടു​ക്കാ​നി​ല്ല. അ​വ​ന്‍റെ​യ​ടു​ത്ത് വേ​ണ്ട​ത്ര പ​ണം ഉ​ണ്ടാ​യി​രു​ന്നു’ തു​ണ്ടം തു​ണ്ട​മാ​ക്ക​പ്പെ​ട്ട് അ​ഴു​കി​യ നി​ല​യി​ൽ ക​ണ്ടെ​ത്തി​യ സി​ദ്ദീ​ഖി​ന്‍റെ മൃ​ത​ദേ​ഹം പോ​സ്റ്റ്മോ​ർ​ട്ടം ന​ട​ത്തു​മ്പോ​ൾ മോ​ർ​ച്ച​റി​ക്കു മു​ന്നി​ൽ വി​ങ്ങി​പ്പൊ​ട്ടു​ക​യാ​യി​രു​ന്നു ഇ​ള​യ സ​ഹോ​ദ​ര​ൻ നാ​സ​ർ.

കോ​ഴി​ക്കോ​ട് ഒ​ള​വ​ണ്ണ​യി​ലെ ഹോ​ട്ട​ലി​ലെ ജീ​വ​ന​ക്കാ​ര​നാ​യി​രു​ന്നു പ്ര​തി​ക​ളി​ലൊ​രാ​ളാ​യ ഷി​ബി​ലി. ഒ​രാ​ഴ്ച​യാ​ണ് ഷി​ബി​ലി ഹോ​ട്ട​ലി​ലെ കാ​ഷ് കൗ​ണ്ട​റി​ൽ ജോ​ലി​ചെ​യ്ത​ത്. ഇ​തി​നി​ടെ സാ​മ്പ​ത്തി​ക ക്ര​മ​ക്കേ​ട് ശ്ര​ദ്ധ​യി​ൽ​പ്പെ​ട്ട​തോ​ടെ സി​ദ്ദീ​ഖ് ഇ​യാ​ളെ ഇ​ട​പാ​ടു​ക​ളെ​ല്ലാം തീ​ർ​ത്ത് പ​റ​ഞ്ഞു​വി​ടു​ക​യാ​യി​രു​ന്നു​വെ​ന്നും സ​ഹോ​ദ​ര​ൻ പ​റ​ഞ്ഞു. സി​ദ്ദീ​ഖി​ന്‍റെ സു​ഹൃ​ത്ത് വ​ഴി​യാ​ണ് ഷി​ബി​ലി ഹോ​ട്ട​ലി​ൽ ജോ​ലി​ക്കെ​ത്തി​യ​തെ​ന്നും നാ​സ​ർ പ​റ​യു​ന്നു.

ബി​സി​ന​സ് ആ​വ​ശ്യാ​ർ​ഥം യാ​ത്ര പോ​വാ​റു​ണ്ടെ​ങ്കി​ലും മൂ​ന്നു നാ​ലു ദി​വ​സ​ത്തി​ൽ കൂ​ടു​ത​ൽ വീ​ട്ടി​ൽ വ​രാ​തി​രി​ക്കു​ക​യോ ബ​ന്ധ​പ്പെ​ടാ​തി​രി​ക്കു​ക​യോ ചെ​യ്യാ​റി​ല്ല. 18ന് ​വീ​ട്ടി​ൽ​നി​ന്ന് ഇ​റ​ങ്ങി​യ സി​ദ്ദീ​ഖി​നെ ഫോ​ണി​ൽ കി​ട്ടാ​താ​യ​തോ​ടെ​യാ​ണ് ആ​ധി​യേ​റി​യ​ത്. എ​ന്തു തി​ര​ക്കാ​ണെ​ങ്കി​ലും ഫോ​ൺ ഓ​ഫ് ചെ​യ്യാ​റി​ല്ല.

ഹോ​ട്ട​ലി​ലേ​ക്ക് കോ​ഴി​യി​റ​ച്ചി​ക്ക് ഓ​ർ​ഡ​ർ ന​ൽ​കാ​ത്ത​തി​നാ​ൽ ഏ​ജ​ന്‍റ് വി​ളി​ച്ച് അ​ന്വേ​ഷി​ച്ച​പ്പോ​ഴാ​ണ് സ​ഹ​പ്ര​വ​ർ​ത്ത​ക​രും വീ​ട്ടു​കാ​രും സി​ദ്ദീ​ഖി​ന്‍റെ ഫോ​ൺ സ്വി​ച്ച് ഓ​ഫാ​യ വി​വ​രം അ​റി​ഞ്ഞ​ത്. പി​ന്നീ​ട് പൊ​ലീ​സി​ൽ പ​രാ​തി ന​ൽ​കി. സി​ദ്ദീ​ഖി​നെ ഫോ​ണി​ൽ ല​ഭി​ക്കാ​തി​രു​ന്ന​തും ബാ​ങ്ക് അ​ക്കൗ​ണ്ടി​ൽ നി​ന്ന് പ​ണം പി​ൻ​വ​ലി​ച്ച​തും ദു​രൂ​ഹ​ത വ​ർ​ധി​പ്പി​ച്ചു.

12 വ​ർ​ഷ​ത്തോ​ളം ഗ​ൾ​ഫി​ലാ​യി​രു​ന്ന സി​ദ്ദീ​ഖ് 16 വ​ർ​ഷ​മാ​യി ഹോ​ട്ട​ൽ ബി​സി​ന​സ് ന​ട​ത്തു​ക​യാ​ണ്. മാ​ങ്കാ​വ്, തി​രൂ​ർ തു​ട​ങ്ങി നാ​ലോ​ളം സ്ഥ​ല​ങ്ങ​ളി​ൽ നേ​ര​ത്തേ ഹോ​ട്ട​ൽ ന​ട​ത്തി​യി​രു​ന്നു. ഒ​ള​വ​ണ്ണ​യി​ലേ​ത് സ്വ​ന്തം കെ​ട്ടി​ട​മാ​ണ്.അ​തേ​സ​മ​യം, സി​ദ്ദീ​ഖി​നെ ഹ​ണി​ട്രാ​പ്പി​ൽ​പെ​ടു​ത്തി പ​ണം ത​ട്ടാ​നാ​യി​രു​ന്നോ പ്ര​തി​ക​ളു​ടെ ശ്ര​മം എ​ന്ന് പൊ​ലീ​സ് അ​ന്വേ​ഷി​ക്കു​ന്നു​ണ്ട്.