‘അനുജ​െൻറ രക്​തസാക്ഷിത്വത്തി​െൻറ ചെലവിൽ നേതാവായ ആളല്ല ജി. സുധാകരൻ..’

അനുജ​​​​െൻറ മരണത്തി​​​​െൻറ പേരിൽ ലഭിച്ച ആശ്രിത നിയമനമാണ്​ ജി. സുധാകര​നെ രാഷ്​ട്രീയ നേതാവായി ഉയർത്തിയതെന്ന ആരോപണവുമായി അഖിലകേരള തന്ത്രി മണ്ഡലം രംഗത്തു വന്നിരിക്കുന്നു. പന്തളം കോളജി​​​​െൻറ മുകളിലത്തെ നിലയിൽ നിന്ന്​ വീണു മരിച്ച അനുജൻ ഭുവനേശ്വരനെ കെ.എസ്​.യുക്കാർ കൊന്നതാണെന്ന്​ പ്രചരിപ്പിക്കുകയായിരുന്നുവെന്നുമാണ്​ തന്ത്രിമണ്ഡലത്തി​​​​െൻറ ആരോപണം...

പന്തളം എൻ.എസ്​.എസ്​ കോളജ്​ വിദ്യാർത്ഥിയായിരുന്ന ഭുവനേശ്വരനെ അതി ഭീകരമായി മർദിക്കു​േമ്പാൾ തൊട്ടടുത്തുണ്ടായിരുന്ന സുഹൃത്തും സർവവിജ്​ഞാന കോശം മുൻ എഡിറ്ററുമായ ജെ. രഘു ആ സംഭവത്തെക്കുറിച്ച്​ ‘മാധ്യമം ഒാൺലൈനി’നോട്​ പങ്കുവെച്ച അനുഭവം ഇങ്ങനെ:

‘1977 ഡിസംബർ മാസത്തിലാണ്​ സംഭവം നടക്കുന്നത്​. ചെറിയ സംഘർഷത്തെ തുടർന്ന്​ ഒരു മാസത്തോളം പന്തളം എൻ.എസ്​.എസ്​ കോളജ്​ അടച്ചിട്ട ശേഷം തുറന്ന സമയമായിരുന്നു അത്​. അന്ന്​ എന്നെയും പ്രഭാഷ്​ എന്ന മറ്റൊരു വിദ്യാർത്ഥിയെയും കൊലപ്പെടുത്തുക എന്ന ലക്ഷ്യത്തോടെയാണ്​ ആക്രമണം നടന്നത്​. കെ.എസ്​.യുവി​​​​െൻറയും നായർ സമുദായത്തി​​​​െൻറ പാർട്ടിയായ എൻ.ഡി.പിയുടെ വിദ്യാർത്ഥി സംഘടനയായ ഡി.എസ്​.യുവി​​​​െൻറ പ്രവർത്തകരും പന്തളത്തെ ചില നായർ പ്രമാണിമാരും സംഘടിച്ചാണ്​ കോളജിനകത്ത്​ കയറി ആക്രമണം നടത്തിയത്​. അങ്ങനെയൊര​ു ആക്രമണം നടക്കുമെന്ന പ്രതീക്ഷ ഞങ്ങൾ എസ്​.എഫ്​.​െഎക്കാർക്കില്ലായിരുന്നു. അന്ന്​ കോളജിൽ എസ്​.എഫ്​.​െഎയുടെ ഒരു പ്രകടനമുണ്ടായിരുന്നു. ഇൗ സംഘം പ്രകടന​ം തടഞ്ഞ്​ ഞങ്ങളെ ആക്രമിക്കുകയായിരുന്നു. ഞങ്ങൾ എണ്ണത്തിൽ കുറവായിരുന്നു. കോളജിന്​ പുറത്തുനിന്നുള്ള ഗുണ്ടകളായിരുന്നു അക്രമി സംഘത്തിൽ ഉണ്ടായിരുന്നത്​.

ഭുവനേശ്വര​​​​െൻറ രക്​തസാക്ഷി മണ്ഡപത്തിൽ ജി.സുധാകരൻ

മഞ്ഞപ്പിത്തം ബാധിച്ച്​ ഒരാഴ്​ചയായി വീട്ടിൽനിന്ന്​ പുറത്തിറങ്ങാതിരുന്ന ഭുവ​േനശ്വരൻ അന്നാണ്​ കോളജിൽ വന്നത്. നന്നേ ക്ഷീണിതനായിരുന്നു അവൻ. ഞാനന്ന്​ ഒന്നാം വർഷ ബി.എ എക്കണോമിക്​സിനും ഭുവനേശ്വരൻ രണ്ടാം വർഷ ബി.എ എക്കണോമിക്​സിനുമായിരുന്നു പഠിച്ചിരുന്നത്​.

ജീവൻ രക്ഷിക്കാനായി ഞങ്ങൾ പലവഴിക്ക്​ ഒാടി രക്ഷപ്പെടേണ്ടിവന്നു. ഞാനായിരുന്നു അവരുടെ പ്രധാന ലക്ഷ്യം. കോളജി​​​​െൻറ രണ്ടാം നിലയിലെ മാത്തമാറ്റിക്​സ്​ ഡിപ്പാർട്ടുമ​​​െൻറിലേക്ക്​ അവർ എന്നെ ഒാടിച്ചുകയറ്റി. എ​​​​െൻറ പിന്നാലെ ഭുവനേശ്വരനും ആ മുറിയിൽ കയറി പതുങ്ങിയിരുന്നു. പത്തമ്പതു പേർ എ​​​​െൻറ പിന്നാലെ എത്തിയപ്പോൾ ആകെ ഒരു രക്ഷാമാർഗം എ​​​​െൻറ മുന്നിൽ മുകളിലത്തെ നിലയിൽ നിന്ന്​ ജനാല വഴി ചാടുക മാത്രമായിരുന്നു. താഴേക്കു ചാടിയ എ​​​​െൻറ കാലൊടിഞ്ഞിട്ടും ജീവരക്ഷാർത്ഥം മതിലും ചാടി ഒാടി രക്ഷപ്പെടുകയായിരുന്നു. മഞ്ഞപ്പിത്തത്തി​​​​െൻറ അവശതയാവണം ജനാലയിലൂടെ ചാടാൻ അവന്​ കഴിയാതെ പോയത്​.

ജനാലയിൽകൂടി ഞാൻ ചാടിയതു കണ്ട്​ തിരിഞ്ഞുനോക്കുമ്പോൾ അവർ കണ്ടത്​ അവശനായി പതുങ്ങിയിരിക്കുന്ന ഭുവനേശ്വരനെയാണ്​. കമ്പി കൊണ്ട്​ തലയ്​ക്കടിച്ചും ഏഴെട്ടുപേർ ചേർന്ന്​ പൊക്കിയെടുത്ത്​ പലതവണ തറയിൽ അടിച്ചുമാണ്​ അവർ ഭുവനേശ്വരനെ മർദ്ദിച്ചത്​. ജാനലവഴി ചാടി നിലത്തു വീണ എനിക്ക്​ അപ്പോൾ ഭുവനേശ്വര​​​​െൻറ ജീവനുവേണ്ടിയുള്ള നിലവിളി കേൾക്കാമായിരുന്നു. ഏഴ്​ ദിവസം ആലപ്പുഴ മെഡിക്കൽ കോളജിൽ അബോധാവസ്​ഥയിൽ കിടന്നശേഷമാണ്​ ഭുവനേശ്വരൻ മരിക്കുന്നത്​. അല്ലാതെ തന്ത്രി മണ്ഡലക്കാർ വിളമ്പുന്നതുപോലെ പന്തളം കോളജി​​​​െൻറ മുകളിൽനിന്ന്​ വീണ​ു മരിക്കുകയായിരുന്നില്ല.. ഭുവനേശ്വരന്​ പകരം എന്നെയാണ്​ കിട്ടിയിരുന്നതെങ്കിൽ അവർ എന്നെത്തന്നെ കൊല്ലുമായിരുന്നു.

നുറുകണക്കിന്​ ആളുക​​ളെ പ്രതി ചേർത്തെടുത്ത കേസിൽ ആരെയും ശിക്ഷിച്ചില്ല. കരുണാകര​​​​െൻറ കാലമാണത്​. അന്ന്​ മർദനത്തിനിരയായിട്ടും ഞങ്ങൾ എട്ട്​ എസ്​.എഫ്​.​െഎക്കാരെ അന്ന്​ കോളജിൽ നിന്ന്​ പുറത്താക്കി. അന്ന്​ കേസിൽ പ്രതികളായിരുന്നവരിൽ മിക്കവരും ഇപ്പോൾ ആർ.എസ്​.എസുകാരും ബി.ജെ.പിക്കാരുമാണ്​. ഏതാനും പേർ കോൺഗ്രസുകാരായുണ്ട്​.

പന്തളം എൻ.എസ്​.എസ്​ കോളജ്​

പന്തളം നായർ സമുദായത്തിന്​ മുൻതൂക്കമുള്ള സ്​ഥലമാണ്​. അവരുടെ പ്രാമാണ്യതയെ വെല്ലുവിളിച്ചാണ്​ അന്ന്​ ഞങ്ങൾ എസ്​.എഫ്​.​െഎക്കാർ എൻ.എസ്​.എസ്​ കോളജിൽ ഏതാനും സീറ്റുകളിൽ ജയിച്ചുകയറിയത്​. അതി​​​​െൻറ പകയായിരുന്നു അവർക്ക്​ ഞങ്ങളോട്​. കെ.എസ്​.യു എന്ന്​ പേരു മാത്രമേ ഉണ്ടായിരുന്നുള്ളു. നായർ മാടമ്പി കുടുംബങ്ങളുടെ വാഴ്​ചയായിരുന്നു

ജി. സുധാകരൻ എസ്​.എഫ്​.​െഎയുടെ സംസ്​ഥാന സെക്രട്ടറിയും പ്രസിഡൻറുമായി പ്രവർത്തിച്ച ശേഷം ഡി.വൈ.എഫ്​.​െഎക്കു മുമ്പുണ്ടായിരുന്ന കെ.എസ്​.വൈ.എഫി​​​​െൻറ ആലപ്പുഴ ജില്ലാ സെക്രട്ടറിയായി പ്രവർത്തിക്കുന്ന കാലമാണത്​. 1970 മുതൽ എസ്​.എഫ്​.​െഎയുടെ സംസ്​ഥാന നേതാവായി പ്രവർത്തിച്ചുവരുന്ന ജി. സുധാകരന്​ സ്വന്തം അനിയ​​​​െൻറ രക്​തസാക്ഷിത്വമില്ലാതെ തന്നെ സംസ്​ഥാനത്തെ ഉന്നത നേതാവായി ഉയർന്നുവരാൻ കഴിവുള്ളയാളായിരുന്നു എന്നത്​ തന്ത്രിമണ്ഡലക്കാർ ഒാർക്കുന്നത്​ നല്ലതായിരിക്കും. തന്ത്രിയോ മേൽശാന്തിയോ പൂജാരിയോ ആകുന്നതിന്​ സ്​കൂളി​​​​െൻറ വരാന്തപോലും കാണേണ്ട ആവശ്യമില്ല. കുറേ ശ്ലോകങ്ങൾ കാണാതെ പഠിച്ച്​ ഉച്ചരിക്കാൻ മാത്രമറിയാവുന്ന ഇൗ തന്ത്രിമാർ പറയുന്നത്​ മുഖവിലയ്​ക്കെടുക്കരുത്​ എന്നാണ്​ എ​​​​െൻറ അഭിപ്രായം.

ഭുവനേശ്വരൻറ സഹപാഠിയായിരുന്ന ജെ. രഘു

വിദ്യാഭ്യാസത്തെപ്പറ്റിയും ഉന്നതവിദ്യാഭ്യാസത്തെപ്പറ്റിയും കോളജുകളുടെ പ്രവർത്തനത്തെപ്പറ്റിയും വിദ്യാർത്ഥി സംഘടനകളുടെ പ്രവർത്തനത്തെപ്പറ്റിയും സംസാരിക്കാനുള്ള യാതൊരു അവകാശമോ യോഗ്യതയോ ഇല്ലാത്തവരാണ്​ തന്ത്രിമാർ...’