പ്രഹരമായി​ ​പ്രക്ഷോഭങ്ങൾ; സിൽവർ ലൈനിൽ കണക്കുകൂട്ടലുകൾ തെറ്റുന്നു

തി​രു​വ​ന​ന്ത​പു​രം: സി​ൽ​വ​ർ ലൈ​നി​ൽ സ​ർ​ക്കാ​റി​​ന്‍റെ ക​ണ​ക്കു​കൂ​ട്ട​ൽ തെ​റ്റി​ച്ചും 'അ​തി​വേ​ഗ' അ​വ​കാ​ശ​വാ​ദ​ങ്ങ​ളി​ൽ പ്ര​ഹ​ര​മേ​ൽ​പ്പിച്ചും ജ​ന​കീ​യ സ​മ​ര​ങ്ങ​ൾ. നി​യ​മ​സ​ഭ​യി​​ലെ അ​ടി​യ​ന്ത​ര​പ്ര​മേ​യ ച​ർ​ച്ച​യി​ൽ ഭ​ര​ണ​പ​ക്ഷം പ്ര​ക​ടി​പ്പി​ച്ച ആ​ത്മ​വി​ശ്വാ​സ​ത്തി​ന്​ നേ​ർ​വി​പ​രീ​ത കാ​ഴ്ച​ക​ളും അ​നു​ഭ​വ​ങ്ങ​ളു​മാ​ണ്​ തെ​രു​വു​ക​ളി​ൽ. ഡി.​പി.​ആ​റി​ൽ മു​ത​ൽ നി​യ​മ​സ​ഭ​യി​ൽ ച​ർ​ച്ച ചെ​യ്യു​ന്ന​തി​ൽ വ​രെ ക​ടു​ത്ത ശാ​ഠ്യ​ത്തി​ലാ​യി​രു​ന്ന സ​ർ​ക്കാ​ർ ക്ര​മേ​ണ അ​യ​യു​ന്ന​തി​നി​ടെ സം​സ്ഥാ​ന​ത്ത്​ അ​​ങ്ങോ​ള​മി​ങ്ങോ​ളം സ​മ​ര​ങ്ങ​ൾ കൊ​ടു​മ്പി​രി​ക്കൊ​ള്ളു​ക​യാ​ണ്.

'സി​ൽ​വ​ർ ലൈ​ൻ ന​ട​പ്പാ​ക്കി​യേ തീ​രൂ' എ​ന്ന മു​ഖ്യ​മ​ന്ത്രി​യു​ടെ പ്ര​ഖ്യാ​പ​ന​ത്തി​ന്​ പി​റ്റേ​ദി​വ​സം എം.​എ​ൽ.​എ​മാ​ർ​ക്കാ​യി ന​ട​ത്തി​യ വി​ശ​ദീ​ക​ര​ണ പ​രി​പാ​ടി​യി​ൽ ഡി.​പി.​ആ​റി​ലും നി​ർ​മാ​ണ സാ​മ​ഗ്രി ല​ഭ്യ​ത​യി​ലും എം​ബാ​ങ്ക്​​മെ​ന്‍റി​ന്‍റെ ഉ​യ​ര​ത്തി​ലും മു​ത​ൽ നി​ർ​മാ​ണ കാ​ല​യ​ള​വി​ലും കേ​ന്ദ്രാം​ഗീ​കാ​ര​ത്തി​ലും വ​രെ ഇ​ട​ത്​ അം​ഗ​ങ്ങ​ൾ ഉ​യ​ർ​ത്തി​യ​ത്​ സ​മ​ര​സ​മി​തി​ക​ളും പ്ര​തി​പ​ക്ഷ​വു​മ​ട​ക്കം സ​ജീ​വ​മാ​യി ഉ​ന്ന​യി​ക്കു​ന്ന ചോ​ദ്യ​ങ്ങ​ളാ​യി​രു​ന്നു. സം​ശ​യ​ത്തി​ൽ നി​ന്ന്​ മാ​റി 'എ​ല്ലാ​റ്റി​നും കൃ​ത്യ​ത'​വേ​ണ​മെ​ന്ന്​ മു​തി​ർ​ന്ന ഇ​ട​ത്​ എം.​എ​ൽ.​എ​മാ​ർ നി​ർ​ദേ​ശി​ക്കു​ന്ന രീ​തി​യി​ലേ​ക്കു​​വ​രെ യോ​ഗ​ത്തി​ന്‍റെ സ്വ​ഭാ​വം മാ​റി. ഇ​തി​ന്​ പി​ന്നാ​ലെ​യാ​ണ്​ ക​ല്ലി​ട​ലി​നെ​തി​രാ​യ ജ​ന​കീ​യ ചെ​റു​ത്തു​നി​ൽ​പ്പു​ക​ൾ സ​ർ​ക്കാ​റി​ന്‍റെ കൈ​യി​ലൊ​തു​ങ്ങാ​ത്ത പ്ര​ക്ഷോ​ഭ​ങ്ങ​ളാ​യി പ​ട​രു​ന്ന​ത്.

ഡി.​പി.​ആ​ർ പു​റ​ത്തു​വി​ട​ണ​മെ​ന്ന്​ പ്ര​തി​പ​ക്ഷ​വും ശാ​സ്ത്ര​സാ​ഹി​ത്യ പ​രി​ഷ​ത്ത്​ അ​ട​ക്കം സം​ഘ​ട​ന​ക​ളും ആ​വ​ശ്യ​പ്പെ​ട്ടി​രു​ന്നെ​ങ്കി​ലും നി​ഷേ​ധ​സ​മീ​പ​ന​മാ​ണ്​ സ​ർ​ക്കാ​ർ സ്വീ​ക​രി​ച്ച​ത്. ത​ന്ത്ര​പ്ര​ധാ​ന ര​ഹ​സ്യ​വി​വ​ര​ങ്ങ​ൾ ഡി.​പി.​ആ​ർ ത​യാ​റാ​ക്കാ​ൻ ഉ​പ​യോ​ഗി​ച്ചി​ട്ടു​​​​ണ്ടെ​ന്നും പ്ര​തി​രോ​ധ- വ്യോ​മ​യാ​ന മ​ന്ത്രാ​ല​യ​ങ്ങ​ൾ ഈ ​േ​ഡ​റ്റ ആ​ർ​ക്കും കൈ​മാ​റ​രു​തെ​ന്ന്​ എ​ഴു​തി​വാ​ങ്ങി​യി​ട്ടു​​ണ്ടെ​ന്നു​മാ​യി​രു​ന്നു കെ-​റെ​യി​ലി​ന്‍റെ വി​ശ​ദീ​ക​ര​ണം. ഡി.​പി.​ആ​റി​​ന്‍റെ പ​ക​ർ​പ്പ്​ ന​ൽ​കാ​ത്ത​തി​നെ​തി​രെ അ​ൻ​വ​ർ സാ​ദ​ത്ത് നി​യ​മ​സ​ഭ​യി​ൽ ​ അ​വ​കാ​ശ​ലം​ഘ​ന നോ​ട്ടീ​സ്​ ന​ൽ​കി​യ​തോ​ടെ 'ത​ന്ത്ര​പ്ര​ധാ​ന' സ​മീ​പ​നം മാ​റ്റി രേ​ഖ​ക​ൾ പ​ര​സ്യ​പ്പെ​ടു​ത്താ​ൻ സ​ർ​ക്കാ​ർ നി​ർ​ബ​ന്ധി​ത​മാ​വു​ക​യാ​യി​രു​ന്നു. ​

പ്ര​തി​പ​ക്ഷം 2021 ഒ​ക്​​ടോ​ബ​ർ 13ന്​ ​നി​യ​മ​സ​ഭ​യി​ൽ അ​ടി​യ​ന്ത​ര​പ്ര​മേ​യ​ത്തി​ന്​ അ​വ​ത​ര​ണാ​നു​മ​തി​ തേ​ടി​യെ​ങ്കി​ലും നി​ഷേ​ധി​ച്ചു. ജി​ല്ല​ക​ൾ തോ​റും പ്ര​മു​ഖ​രു​ടെ യോ​ഗം വി​ളി​ച്ച്​ ചേ​ർ​ക്കു​ന്ന​തി​ലാ​യി​രു​ന്നു താ​ൽ​പ​ര്യം. എ​ന്നാ​ൽ സ​മ്മ​ർ​ദം ശ​ക്ത​മാ​യ​യോ​ടെ ക​ഴി​ഞ്ഞ​ദി​വ​സം അ​ടി​യ​ന്ത​ര പ്ര​മേ​യ​ത്തി​ന്​ അ​നു​മ​തി ന​ൽ​കി. സ​മ​രം ശ​ക്ത​മാ​കു​ന്ന​തോ​ടെ സ​ർ​ക്കാ​റി​ന്​ പി​ന്തി​രി​യേ​ണ്ടി വ​രു​മെ​ന്ന പ്ര​ത്യാ​ശ​യി​ലാ​ണ്​ സ​മ​ര​സ​മി​തി​ക​ൾ.

ചോദിക്കാനും പറയാനും വീട്ടിൽ ആണുങ്ങളില്ലേ -ഡിവൈ.എസ്​.പി

കോ​ട്ട​യം: നി​ന​ക്കൊ​ന്നും വേ​റെ പ​ണി​യി​ല്ലേ, ചോ​ദി​ക്കാ​നും പ​റ​യാ​നും വീ​ട്ടി​ൽ ആ​ണു​ങ്ങ​ളി​ല്ലേ... മാ​ട​പ്പ​ള്ളി​യി​ൽ സി​ൽ​വ​ർ ലൈ​ൻ പാ​ത​​ക്കെ​തി​രെ പ്ര​തി​ഷേ​ധി​ച്ച വീ​ട്ട​മ്മ​മാ​രോ​ട്​ ച​ങ്ങ​നാ​ശ്ശേ​രി ഡി​വൈ.​എ​സ്.​പി ആ​ർ. ശ്രീ​കു​മാ​റി​ന്‍റെ ചോ​ദ്യ​മാ​ണിത്​. ആ​ൺ പൊ​ലീ​സു​കാ​രെ​ക്കൊ​ണ്ട്​ സ്ത്രീ​ക​ളെ കൈ​കാ​ലു​ക​ളി​ൽ പി​ടി​ച്ച്​ തൂ​ക്കി​യെ​ടു​ക്കാ​നും വീ​ണ​വ​രെ ന​ടു​വി​ൽ പി​ടി​ച്ചെ​ടു​ക്കാ​നും നി​ർ​ദേ​ശം കൊ​ടു​ത്ത​തും ഈ ​ഡി​വൈ.​എ​സ്.​പി ത​ന്നെ. സ്ത്രീ​ക​ളെ​യും കു​ട്ടി​ക​ളെ​യും വ​ലി​ച്ചി​ഴ​ക്കു​ന്ന​തു ത​ട​യാ​ൻ ചെ​ന്ന മ​റ്റു സ്ത്രീ​ക​ളോ​ട്​ ''വ​ണ്ടി​യി​ൽ ഇ​നി​യും സ്ഥ​ല​മു​ണ്ട്. പി​ടി​ച്ച​ക​ത്തി​ടും. ര​ണ്ടു ദി​വ​സം ജ​യി​ലി​ൽ കി​ട​ന്നു നോ​ക്ക​ടീ ​അ​പ്പോ​ഴ​റി​യാം'' എ​ന്നാ​യി​രു​ന്നു​ ഡി​വൈ.​എ​സ്.​പി​യു​ടെ പ്ര​തി​ക​ര​ണം. സ​മ​ര രം​ഗ​ത്ത് ഭൂ​രി​ഭാ​ഗ​വും സ്ത്രീ​ക​ളാ​യി​രു​ന്നു. വീ​ടും സ്ഥ​ല​വും ന​ഷ്ട​പ്പെ​ടു​മെ​ന്ന ആ​ധി​യി​ൽ പ്ര​തി​ഷേ​ധി​ക്കാ​നെ​ത്തി​യ​താ​യി​രു​ന്നു ആ വീ​ട്ട​മ്മ​മാ​ർ. അ​വ​​രു​ടെ ആ​ത്​​മാ​ഭി​മാ​ന​ത്തെ ചോ​ദ്യം ചെ​യ്ത്​ സ​മ​ര​വീ​ര്യം അ​ടി​ച്ചൊ​തു​ക്കാ​നാ​യി​രു​ന്നു പൊ​ലീ​സ് ശ്ര​മം.

നീ​ച​മാ​യാ​ണ്​ പൊ​ലീ​സ്​ ത​ങ്ങ​ളോ​ടു പെ​രു​മാ​റി​യ​തെ​ന്ന്​ വീ​ട്ട​മ്മ​മാ​ർ പ​റ​ഞ്ഞു. ''ഞ​ങ്ങ​ളെ​ല്ലാം പ്രാ​യ​പൂ​ർ​ത്തി​യാ​യ​വ​രാ​ണ്. വേ​റെ പ​ണി​യൊ​ന്നു​മി​ല്ലേ എ​ന്നു ചോ​ദി​ക്കാ​ൻ ഡി​വൈ.​എ​സ്.​പി ആ​രാ​ണ്. സ്വ​ന്തം വീ​ടും സ്ഥ​ല​വും പോ​കു​മ്പോ​ഴേ മ​റ്റു​ള്ള​വ​ർ​ക്ക്​ മ​ന​സ്സി​ലാ​കൂ. മാ​ട​പ്പ​ള്ളി​യി​ലെ പെ​ണ്ണു​ങ്ങ​ളു​ടെ ശ​ക്​​തി എ​ന്താ​ണെ​ന്ന്​ പൊ​ലീ​സ്​ അ​റി​യാ​ൻ പോ​കു​ന്ന​തേ​യു​ള്ളൂ. പൊ​ലീ​സു​കാ​രെ അ​ടു​ത്തു​പോ​ലും കാ​ണാ​ത്ത​വ​രാ​ണ്​ ഞ​ങ്ങ​ൾ. ഇ​പ്പോ​ൾ മ​ന​സ്സി​ലാ​യി ഇ​ത്ര​യേ ഉ​ള്ളൂ പൊ​ലീ​സ്​ എ​ന്ന്. ഇ​നി പേ​ടി​ക്കി​ല്ല. ആ​ൺ​പൊ​ലീ​സു​കാ​ർ കാ​ലു​ക​ൾ ര​ണ്ടും വ​ലി​ച്ചു​പി​ടി​ച്ചു. കൈ​ക​ളി​ൽ പി​ടി​ച്ച്​ തൂ​ക്കി​യെ​ടു​ത്തു. പ്ര​തി​ഷേ​ധ​ത്തി​ൽ പ​​ങ്കെ​ടു​ക്കാ​ത്ത​വ​രെ​പ്പോ​ലും ത​ല്ലി​ച്ച​ത​ച്ചു. നെ​യിം ബോ​ർ​ഡ്​ ഇ​ല്ലാ​ത്ത പൊ​ലീ​സു​കാ​രാ​ണ്​ ത​ല്ലി​യ​ത്. അ​വ​ർ പൊ​ലീ​സാ​ണോ ഗു​ണ്ട​ക​ളാ​ണോ എ​ന്ന്​ മു​ഖ്യ​മ​ന്ത്രി പ​റ​യ​ണം. വീ​ടി​ന​ക​ത്തി​രു​ന്ന ഞ​ങ്ങ​ളെ പു​റ​ത്തി​റ​ക്കി​യ​ത്​ സ​ർ​ക്കാ​റാ​ണ്. ഇ​നി ഞ​ങ്ങ​ൾ പു​റ​ത്തു​ണ്ടാ​കും. ക​ല്ലി​ട്ടാ​ൽ പി​ഴു​തെ​റി​യും. ജീ​വി​ത​കാ​ലം മു​ഴു​വ​ൻ അ​ധ്വാ​നി​ച്ചു​ണ്ടാ​ക്കി​യ​താ​ണ്. പെ​ട്ടെ​ന്നൊ​രു ദി​വ​സം അ​തി​ക്ര​മി​ച്ചു​ക​യ​റി ക​ല്ലി​ടു​മ്പോ​ൾ നോ​ക്കി​നി​ൽ​ക്ക​ണോ. എ​ന്തു​വി​ല​കൊ​ടു​ത്തും പ​ദ്ധ​തി ന​ട​പ്പാ​ക്കും എ​ന്നാ​ണ്​ മു​ഖ്യ​മ​ന്ത്രി പ​റ​യു​ന്ന​ത്. ഞ​ങ്ങ​ളു​ടെ ഭ​യം അ​താ​ണ്''​- വീ​ട്ട​മ്മ​മാ​ർ പ​റ​ഞ്ഞു. യു.​ഡി.​എ​ഫ്​ സം​ഘ​ത്തോ​ടും കെ.​കെ. ര​മ എം.​എ​ൽ.​എ​യോ​ടും ഡി​വൈ.​എ​സ്.​പി​യു​ടെ അ​ധി​ക്ഷേ​പ​ത്തെ​ക്കു​റി​ച്ച്​ വീ​ട്ട​മ്മ​മാ​ർ പ​രാ​തി​പ്പെ​ട്ടു.