പൊലീസി​െൻറ അസൗകര്യങ്ങളും മനുഷ്യാവകാശ കമീഷൻ പരിശോധിക്കണം - മുരളീധരൻ

നിലക്കൽ: ശബരിമലയിലെ അവകാശ ലംഘനങ്ങളെ കുറിച്ച്​ പഠിക്കാൻ വന്ന മനുഷ്യാവകാശ കമീഷനെ തടങ്കലിൽ എന്ന പോലെയാണ്​ കൊണ്ടുപോകുന്നതെന്ന്​ ബി.ജെ.പി നേതാവ്​ വി. മുരളീധരൻ എം.പി. ഭക്​തജനങ്ങളു​െട പ്രശ്​നങ്ങൾ മാത്രമല്ല, ഇവിടെ പൊലീസും കെ.എസ്​.ആർ.ടി.സി ജീവനക്കാരും ഫയർഫോഴ്​സ്​ ജീവനക്കാരും അനുഭവിക്കുന്ന അവകാശ ലംഘനങ്ങൾ കൂടി കമീഷൻ പരിശോധിക്കണം. അസൗകര്യങ്ങളിൽ ഉഴലുന്ന പൊലീസ്​ അവരുടെ വാശി തീർക്കുന്നത്​ സാധാരണ ഭക്​ത ജനങ്ങളോടാണ്​. അതിന്​ പൊലീസിനെയല്ല, സൗകര്യങ്ങൾ ഒരുക്കാത്ത സർക്കാറിനെയാണ്​ പഴിക്കേണ്ടതെന്നും മുരളീധരൻ പറഞ്ഞു.

ദേവസ്വം ബോർഡിന്​ കീഴിലുള്ള ക്ഷേത്രമാണ്​ ശബരിമല. അവിടെ സുരക്ഷാ പ്രശ്​നമു​െണ്ടങ്കിൽ ബോർഡി​​​​െൻറ സുരക്ഷാ ജീവനക്കാരുണ്ട്​. അവ​െര സഹായിക്കാനാണ്​ പൊലീസ്​ ഉണ്ടാകാറുള്ളത്​. എന്നാൽ ഇപ്പോൾ ദേവസ്വം ബോർഡി​െന നോക്കുകുത്തിയാക്കി പൊലീസ്​ ശബരിമല കൈയടക്കിയിരിക്കുകയാണ്​. ഇവിടെ ക്രമസമാധാന പ്രശ്​നങ്ങളില്ല. ദേവസ്വം ബോർഡിനെ ഏൽപ്പിച്ചാൽ അവർ ഭംഗിയായി നടത്തും. ഭക്​തർക്ക്​ സുരക്ഷയി​െല്ലന്ന്​ മുഖ്യമന്ത്രി പറയുന്നു. എന്നാൽ ദേവസ്വം ബോർഡോ ഭക്​തരോ അങ്ങനെ ഒരു ആക്ഷേപം ഉന്നയിച്ചിട്ടില്ലെന്നും മുരളീധരൻ പറഞ്ഞു.

ശബരിമലയിൽ കേന്ദ്രസർക്കാറിന്​ ഇടപെടാൻ സാധിക്കില്ല. അത്​ ഫെഡറൽ തത്ത്വങ്ങളുടെ ലംഘനമാകും. കേന്ദ്ര സർക്കാർ ഇടപെടണങ്കിൽ സംസ്​ഥാന സർക്കാർ ആവശ്യപ്പെടണമെന്നും മുരളീധരൻ പറഞ്ഞു.