കൊ​ച്ചു​മ​ക​ൻ വഴിയടച്ചു; നൂറുവയസ്സുകാരി ചികിത്സ ലഭിക്കാതെ നരകയാതനയിൽ

കോ​ന്നി: കൊ​ച്ചു​മ​ക​ൻ വ​ഴി​യ​ട​ച്ച​തു​മൂ​ലം ആ​ശു​പ​ത്രി​യി​ലേ​ക്ക്​ പോ​ലും പോ​കാ​നാ​കാ​തെ നൂ​റു​വ​യ​സ്സു​കാ​രി വീ​ട്ടു​ത​ട​ങ്ക​ലി​ൽ. ക​ല​ഞ്ഞൂ​ർ ക​ര​ക്കാ​കു​ഴി പൂ​ക്കു​ള​വേ​ലി​ൽ ത​ങ്ക​മ്മ​യാ​ണ് ആ​റ്​ മാ​സ​ത്തി​ല​ധി​ക​മാ​യി ആ​ശു​പ​ത്രി​യി​ലേ​ക്കു​പോ​ലും പോ​കാ​നാ​കാ​തെ വീ​ട്ടു​ത​ട​ങ്ക​ലി​ൽ ക​ഴി​യു​ന്ന​ത്. വ​യോ​ധി​ക​യു​ടെ വീ​ട്ടി​ലേ​ക്കു​ള്ള വ​ഴി കൊ​ച്ചു​മ​ക​ൻ അ​ട​ച്ച​തി​നെ​ത്തു​ട​ർ​ന്നാ​ണ്​ ഈ ​ദു​ർ​ഗ​തി വ​ന്നി​രി​ക്കു​ന്ന​ത്. ത​ങ്ക​മ്മ​യു​ടെ ചെ​റു​മ​ക​ൻ ആ​റു​മാ​സം​മു​മ്പ്​ വീ​ട്ടി​ലേ​ക്ക് പോ​കേ​ണ്ട വ​ഴി​യു​ടെ പ്ര​ധാ​ന ഗേ​റ്റ് അ​ട​ച്ചു​പൂ​ട്ടു​ക​യാ​യി​രു​ന്നു.

അ​മ്മ​ക്ക്​ ചി​കി​ത്സ ല​ഭി​ക്കാ​തെ എ​ന്തെ​ങ്കി​ലും സം​ഭ​വി​ച്ചാ​ൽ ചെ​റു​മ​ക​നാ​യി​രി​ക്കും ഉ​ത്ത​ര​വാ​ദി​യെ​ന്ന് മ​ക​ൾ സു​ജാ​ത ന​ൽ​കി​യ പ​രാ​തി​ക​ളി​ൽ പ​റ​യു​ന്നു. നി​ര​വ​ധി​പേ​ർ​ക്ക് പ​രാ​തി​ക​ൾ ന​ൽ​കി​യെ​ങ്കി​ലും വ​ഴി തു​റ​ന്നു​ന​ൽ​കാ​ൻ ന​ട​പ​ടി ഒ​ന്നും ഉ​ണ്ടാ​യി​ട്ടി​ല്ല. വ​ർ​ഷ​ങ്ങ​ൾ​ക്കു​മു​മ്പ്​ സു​ജാ​ത​യു​ടെ പി​താ​വി​െൻറ പേ​രി​ലു​ള്ള വ​സ്തു​വ​ക​ക​ൾ കൊ​ച്ചു​മ​ക​ൻ എ​ല്ലാ​വ​രെ​യും നോ​ക്കി​ക്കൊ​ള്ളാ​മെ​ന്നു​പ​റ​ഞ്ഞ് എ​ഴു​തി വാ​ങ്ങി​യ​ശേ​ഷം ഇ​വ​രാ​രും അ​റി​യാ​തെ വ​ൻ തു​ക​ക്ക്​ കൂ​ട​ൽ സ്വ​ദേ​ശി​യാ​യ ഷാ​ജി​ക്ക്​ വി​ൽ​ക്കു​ക​യാ​യി​രു​ന്ന​ത്രെ. സം​ഭ​വ​മ​റി​ഞ്ഞ് വീ​ട്ടു​കാ​ർ അ​ടൂ​ർ ആ​ർ.​ഡി.​ഒ​ക്ക്​ ന​ൽ​കി​യ പ​രാ​തി​യെ​ത്തു​ട​ർ​ന്ന് ര​ജി​സ്ട്രേ​ഷ​ൻ മ​ര​വി​പ്പി​ച്ചി​രു​ന്നു.

തു​ട​ർ​ന്ന് രാ​ഷ്​​ട്രീ​യ നേ​താ​ക്ക​ളും ജ​ന​പ്ര​തി​നി​ധി​ക​ളും ഒ​ത്തു​തീ​ർ​പ്പി​ന് ശ്ര​മി​ക്കു​ന്ന​തി​നി​ടെ ചെ​റു​മ​ക​ൻ ആ​ത്മ​ഹ​ത്യ ഭീ​ഷ​ണി മു​ഴ​ക്കി​യ​പ്പോ​ൾ വീ​ട്ടു​കാ​ർ വ​സ്തു വി​ൽ​ക്കാ​ൻ സ​മ്മ​തി​ച്ചു. അ​ന്ന്​ വ​ഴി ത​ട​സ്സ​പ്പെ​ടു​ത്ത​രു​തെ​ന്ന ഉ​പാ​ധി​യോ​ടെ​യാ​യി​രു​ന്നു വി​ൽ​പ​ന​ക്ക്​ സ​മ്മ​തി​ച്ച​തെ​ന്ന്​ സു​ജാ​ത പ​റ​യു​ന്നു.

അ​ത്​ ലം​ഘി​ച്ച്​ പെ​ട്ടെ​ന്ന് താ​ഴി​ട്ട് പൂ​ട്ടു​ക​യാ​യി​രു​ന്ന​ത്രെ. ആ​റു​മാ​സം​മു​മ്പ്​ നൂ​റു​വ​യ​സ്സു​ള്ള ത​ങ്ക​മ്മ വീ​ട്ടി​ൽ വീ​ണ് ന​ട്ടെ​ല്ലി​ന്​ പൊ​ട്ട​ലു​ണ്ടാ​യി.ഇ​പ്പോ​ൾ ക​മ്പി ഇ​ട്ടി​രി​ക്കു​ക​യാ​ണ്. വ​ഴി​യു​ള്ള​പ്പോ​ൾ വീ​ടി​നോ​ട് ചേ​ർ​ന്ന് മു​റി​യു​ടെ ഭാ​ഗ​ത്ത് വാ​ഹ​നം എ​ത്തി​ച്ച് ആ​ശു​പ​ത്രി​യി​ൽ എ​ത്തി​ക്കു​മാ​യി​രു​ന്നു.

വ​ഴി അ​ട​ക്ക​പ്പെ​ട്ട​തോ​ടെ ആ​റ്​ മാ​സ​മാ​യി വ​യോ​ധി​ക​യെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ ക​ഴി​യാ​ത്ത അ​വ​സ്ഥ​യി​ലാ​ണ് ബ​ന്ധു​ക്ക​ൾ. ഒ​രേ കി​ട​പ്പ് കി​ട​ന്ന് വ​യോ​ധി​ക​യു​ടെ ശ​രീ​ര​ഭാ​ഗ​ങ്ങ​ളി​ൽ വ്ര​ണ​ങ്ങ​ൾ രൂ​പ​പ്പെ​ട്ടി​രി​ക്കു​ക​യാ​ണ്.