ഐ ആം രാഹുല്‍ ഗാന്ധി; കണ്‍ഗ്രാജുലേഷന്‍സ് റിന്‍സി സുബൈര്‍...

മു​ക്കം: 'ഐ​ആം രാ​ഹു​ല്‍ ഗാ​ന്ധി; ക​ണ്‍ഗ്രാ​ജു​ലേ​ഷ​ന്‍സ് റി​ന്‍സി സു​ബൈ​ര്‍....' കേ​ര​ള മെ​ഡി​ക്ക​ല്‍ എ​ന്‍ട്ര​ന്‍സി​ല്‍ ഭി​ന്ന​ശേ​ഷി വി​ഭാ​ഗ​ത്തി​ല്‍ അ​ഞ്ചാം റാ​ങ്ക് നേ​ടി​യ കോ​ഴി​ക്കോ​ട് ജി​ല്ല​യി​ലെ കാ​ര​ശ്ശേ​രി പ​ഞ്ചാ​യ​ത്തി​ലെ എം.​ടി. റി​ന്‍സി​യും കു​ടും​ബ​വും, വ​യ​നാ​ട് എം.​പി രാ​ഹു​ല്‍ ഗാ​ന്ധി​യു​ടെ അ​പ്ര​തീ​ക്ഷി​ത അ​ഭി​ന​ന്ദ​ന ഫോ​ണ്‍ വി​ളി വ​ന്ന സ​ന്തോ​ഷ​ത്തി​ലാ​ണ്.

റാ​ങ്ക് നേ​ടി​യ വി​വ​രം രാ​ഹു​ല്‍ ഗാ​ന്ധി​യെ നേ​രി​ല്‍ ക​ണ്ട് പ​റ​യ​ണ​മെ​ന്ന ആ​ഗ്ര​ഹ​ത്തി​ലാ​യി​രു​ന്നു റി​ന്‍സി. അ​പ്പോ​ഴാ​ണ് വി​വ​ര​മ​റി​ഞ്ഞ് രാ​ഹു​ല്‍ ഗാ​ന്ധി റി​ന്‍സി​യ​യു​ടെ മൊ​ബൈ​ല്‍ ഫോ​ണി​ലേ​ക്ക് വി​ളി​ക്കു​ന്ന​ത്.

'ജീ​വി​ത​ത്തി​ല്‍ ന​ല്ല സ​മ​യ​വും ചീ​ത്ത സ​മ​യ​വും വ​രും, ഏ​തു സ​മ​യ​ത്തും സ​ന്തോ​ഷ​മാ​യി​ട്ടി​രി​ക്കു​ക. ആ​ത്മ​വി​ശ്വാ​സം മു​റു​കെ​പ്പി​ടി​ക്കു​ക...' തു​ട​ങ്ങി ഒ​രു​പാ​ട് പ്ര​ചോ​ദ​നം ന​ല്‍കു​ന്ന വാ​ക്കു​ക​ളാ​ണ് രാ​ഹു​ല്‍ ഗാ​ന്ധി ന​ല്‍കി​യ​തെ​ന്ന് റി​ന്‍സി മാ​ധ്യ​മ​ത്തോ​ട് പ​റ​ഞ്ഞു. തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് തി​രു​വ​മ്പാ​ടി മ​ണ്ഡ​ല​ത്തി​ലെ​ത്തി​യ​പ്പോ​ള്‍ താ​ന്‍ വ​ര​ച്ച രാ​ഹു​ല്‍ ഗാ​ന്ധി​യു​ടെ ചി​ത്രം റി​ന്‍സി സ​മ്മാ​നി​ച്ചി​രു​ന്നു. അ​ന്ന് പ​ഠ​ന വി​വ​ര​ങ്ങ​ളൊ​ക്കെ ചോ​ദി​ച്ച​റി​യു​ക​യും പ്ര​വേ​ശ​ന പ​രീ​ക്ഷ​യി​ൽ വി​ജ​യാ​ശം​സ നേ​രു​ക​യും ചെ​യ്തി​രു​ന്നു.

പ​ക്ഷേ, ഇ​ങ്ങ​നെ​യൊ​രു അ​ഭി​ന​ന്ദ​ന ഫോ​ണ്‍ വി​ളി ഒ​രി​ക്ക​ലും പ്ര​തീ​ക്ഷി​ച്ചി​രു​ന്നി​ല്ലെ​ന്നും പ​റ​ഞ്ഞ​റി​യി​ക്കാ​ന്‍ പ​റ്റാ​ത്ത​ത്ര​യും സ​ന്തോ​ഷ​മാ​യെ​ന്നും റി​ന്‍സി​യു​ടെ പി​താ​വ് സു​ബൈ​റും മാ​താ​വ് റ​ജീ​ന​യും പ​റ​ഞ്ഞു. മെ​ഡി​ക്ക​ല്‍ കോ​ള​ജി​ല്‍ എം.​ബി.​ബി.​എ​സി​ന് ചേ​ര്‍ന്ന് ഡോ​ക്ട​റാ​വ​ണ​മെ​ന്നാ​ണ് റി​ന്‍സി​യു​ടെ ആ​ഗ്ര​ഹം. പ​ത്താം​ക്ലാ​സും പ്ല​സ് ടു​വും ഫു​ള്‍ എ ​പ്ല​സോ​ടെ വി​ജ​യി​ച്ച റി​ന്‍സി ചി​ത്ര​ര​ച​ന​യി​ല്‍ സം​സ്ഥാ​ന ക​ലോ​ത്സ​വ​ത്തി​ല്‍ ഒ​ന്നാം സ​മ്മാ​നം നേ​ടി​യി​ട്ടു​ണ്ട്.