താൻ ബ്രേക്കിങ്​ ന്യൂസുകളുടെ രക്​തസാക്ഷിയെന്ന് ജി. സുധാകരൻ

തിരുവനന്തപുരം: മനപ്പൂർവം ആക്ഷേപിക്കുകയും ഇത്​ തെറ്റാണെന്ന്​ ചുണ്ടിക്കാണിച്ചാൽ തിരുത്താതെ  കണ്ണടക്കുകയും ചെയ്യുന്ന മാധ്യമങ്ങളുടെ നിലപാട്​ ശുദ്ധ ഭീരുത്വമാണെന്ന്​ മന്ത്രി ജി.സുധാകരൻ. ബ്രേക്കിങ്​ ന്യൂസുകളുടെ വലിയൊരു രക്​തസാക്ഷിയാണ്​ താൻ. പലർക്കും പറയുന്നതി​​​െൻറ അർഥം തിരിയുന്നില്ലെന്നും അദ്ദേഹം പറഞ്ഞു.  പ്രസ്​ക്ലബ്ബിൽ നടന്ന കെ.വിജയരാഘവൻ സ്​മാരക പുരസ്​കാരദാനച്ചടങ്ങിൽ നിർവഹിക്കുകയായിരുന്നു അദ്ദേഹം.

മാനേജ്​​െമൻറിനെ സുഖിപ്പിക്കാൻ നിർദാക്ഷിണ്യം വാർത്തകളെഴുതുകയാണ്​ ഒരു കൂട്ടർ. സാമ്പത്തിക താത്​പര്യത്തിന്​ വേണ്ടി മാധ്യമ സ്വതന്ത്ര്യം അടിയറവ്​ വെക്കുകയാണ്​. കൂടുതൽ കാശ്​ കിട്ടുന്ന മാധ്യമങ്ങളിലേക്ക്​ ചാടാനും മടിയില്ലാത്ത കാലമാണിന്ന്​.  മാധ്യമങ്ങൾ വിചാരിച്ചാൽ കേരളത്തി​​​െൻറ പകുതി പ്രശ്​നങ്ങൾപരിഹരിക്കാൻ കഴിയും.

സാമൂഹ്യമാധമങ്ങൾ ഏറെ സ്വാധീനമുണ്ടിന്ന്​. പക്ഷേ ഇത്​ ദുസ്വാധീനമാക്കി മാറ്റാനാണ്​ ശ്രമം. ഇത്തരം മാധ്യമങ്ങളും കുത്തകകകളുടെ കയ്യിലെ കളിപ്പാവയായി മാറിയിരിക്കുന്നു. സാമൂഹ്യമാധ്യമങ്ങളിലൂടെ വിപ്ലവങ്ങൾ സൃഷ്​ടിക്കാ​െമന്നത്​ തെറ്റായ ധാരണയാണ്​. മുല്ലപ്പൂ വിപ്ലവമൊക്കെ ഉണ്ടായിട്ടുണ്ടെങ്കിലും അതൊക്കെ അഗാതമായ വേരോ സ്​ഥായിയായ നിലനിൽ​േപ്പാ ​​ഉള്ളതായിരുന്നില്ല. 

സ്വമ്രാജ്യത്വ കുത്തകകൾ കല​ാമേഖല കയ്യടക്കുന്നതിനെ കയ്യടിച്ച്​ ​പ്രോത്​സഹിപ്പിക്കുകയാണെല്ലാവരും  കുത്തക വത്​കരണം സമ്പത്തിലും അധികാരത്തിലും മാത്രമല്ല, കലയിലും സംഭവിച്ചിരിക്കുന്നു. കേരളത്തിൽ കോൺഗ്രസിസിനും മുസ്​ലിംലീഗിനുമെല്ലാം ഉള്ളിൽ ഇടത്​ മനസ്സുള്ളവരു​െണ്ടന്നും അദ്ദേഹം കൂട്ടിച്ചേർത്തു.