മുഖ്യമന്ത്രി കാപ്പനോട്​ മര്യാദ കാണിച്ചില്ലെന്ന്​ അഭിപ്രായമില്ല -ടി.പി പീതാംബരൻ

തിരുവനന്തപുരം: മുഖ്യമന്ത്രി പിണറായി വിജയൻ മാണി സി.കാപ്പനോട്​ മര്യാദ കാണിച്ചില്ലെന്ന്​ അഭിപ്രായമി​െലന്ന്​ എൻ.സി.പി നേതാവ്​ ടി.പി പീതാംബരൻ. കാപ്പൻ പാർട്ടിയിൽ നിന്ന്​ രാജിവെച്ചുവെന്നും അദ്ദേഹം അറിയിച്ചു.

മാണി സി.കാപ്പ​േന്‍റത്​ വ്യക്​തപരമായ തീരുമാനമാണ്​. ജയിച്ച സീറ്റ്​ തോറ്റ പാർട്ടിക്ക്​ കൊടുക്കുന്നതിൽ വിഷമമുണ്ട്​. പാലായിൽ ഇടതുമുന്നണി ജയിക്കുമെന്നും ​അദ്ദേഹം പറഞ്ഞു. അതേസമയം, നാളെ പുതിയ പാർട്ടി പ്രഖ്യാപിക്കുമെന്ന്​ മാണി സി.കാപ്പൻ അറിയിച്ചിട്ടുണ്ട്​.

കൂടുതൽ നേതാക്കൾ തനിക്കൊപ്പമുണ്ടാകുമെന്നും അദ്ദേഹം പറഞ്ഞിരുന്നു. രമേശ്​ ചെന്നിത്തല നയിക്കുന്ന ഐശ്വര്യ കേരള യാത്ര പാലയിലെത്തു​േമ്പാൾ കാപ്പൻ യു.ഡി.എഫിൽ ചേരുമെന്നാണ്​ റിപ്പോർട്ട്​.