തന്നെ കെ.പി.സി.സി പ്രസിഡന്‍റ് ആക്കാനുള്ള തീരുമാനം തടഞ്ഞത് ആരാണെന്നറിയാം- കെ. സുധാകരൻ

കണ്ണൂർ: തന്നെ കെ.പി.സി.സി പ്രസിഡന്‍റ് ആക്കാനുള്ള തീരുമാനം തടഞ്ഞത് ആരാണെന്ന് തനിക്കറിയാമെന്ന് കെ. സുധാകരൻ. തീരുമാനം തടയപ്പെട്ടത് തിരുവന്തപുരത്ത് വെച്ചാണെന്നും സുധാകരൻ പറഞ്ഞു.

എന്നാൽ കേരളത്തിലെ കോൺഗ്രസിലെ 90 ശതമാനം പ്രവർത്തകരും തനിക്കൊപ്പമുണ്ടെന്നും സംഘടനാ തെരഞ്ഞെടുപ്പ് നടത്തിയാൽ പ്രവർത്തകരുടെ പിന്തുണയോടെ പ്രസിഡൻറാകുമെന്നും അ​ദ്ദേഹം പറഞ്ഞു.

കഴിഞ്ഞ തവണ കെ.പി.സി.സി പ്രസിഡൻറാകാൻ താൽപര്യമുണ്ടായിരുന്നു, ഇപ്പോൾ അതില്ല.

കണ്ണൂരിലെ നേട്ടം മറ്റ് ജില്ലകളിലില്ലാത്തത് അവിടുത്തെ നേതാക്കളുടെ കഴിവുകേടാണ്. മുല്ലപ്പള്ളി രാമചന്ദ്രൻ ഒരു തടസമാണെന്ന് തോന്നുന്നില്ല. കെ. സുധാകരൻ പാർട്ടിക്ക് അനിവാര്യനാണെന്ന് വിശ്വസിക്കാത്ത നേതാക്കളുണ്ടെന്നും സുധാകരൻ മീഡിയവണിനോട് പറഞ്ഞു.