‘‘ജീവിതം അവിടെ തീരുമോ എന്ന്​ ഭയന്നു...’’ ആശ്വാസതീരത്തണഞ്ഞവരുടെ ഓർമയിൽ നടുക്കുന്ന ദിനങ്ങൾ

കൊ​ച്ചി: ‘‘എ​ല്ലാ​വ​രെ​യും ഒ​രി​ക്ക​ൽ​ക്കൂ​ടി കാ​ണു​മോ​യെ​ന്ന് വി​ചാ​രി​ച്ച​ത​ല്ല. ജീ​വി​തം അ​വി​ടെ​ത്ത​ന്നെ തീ​രു​മോ​യെ​ന്നാ​യി​രു​ന്നു പേ​ടി. അ​വി​ട​ത്തെ സ്ഥി​തി​യും വ​ള​രെ ദ​യ​നീ​യ​മാ​യി​രു​ന്നു. മൂ​ന്നു ത​വ​ണ​യാ​ണ് മ​ലേ​റി​യ വ​ന്ന​ത്. ആ​ദ്യ​മൊ​ക്കെ ഭ​ക്ഷ​ണ​വും വെ​ള്ള​വും കി​ട്ടി​യി​രു​ന്നെ​ങ്കി​ലും പി​ന്നെ പി​ന്നെ ശു​ചി​മു​റി​യി​ലെ വെ​ള്ളം വ​രെ കു​ടി​ക്കാ​ൻ പ്രേ​രി​പ്പി​ച്ചു​കൊ​ണ്ടി​രു​ന്നു.

16 പേ​രെ​യും ഒ​രു മു​റി​യി​ലാ​ണ് പൂ​ട്ടി​യി​ട്ടി​രു​ന്ന​ത്’’ -നൈ​ജീ​രി​യ​ൻ നാ​വി​ക​സേ​ന​യു​ടെ ത​ട​വി​ൽ​നി​ന്ന് മോ​ചി​ത​രാ​യി നാ​ട്ടി​ലേ​ക്ക് മ​ട​ങ്ങി​യെ​ത്തി​യ മ​ല​യാ​ളി നാ​വി​ക​രാ​യ സ​നു ജോ​സ്, മി​ൽ​ട്ട​ൺ ഡി​ക്കോ​ത്ത, വി. ​വി​ജി​ത്ത് എ​ന്നി​വ​രു​ടെ വാ​ക്കു​ക​ളി​ൽ ത​ങ്ങ​ള​നു​ഭ​വി​ച്ച ദു​രി​ത​ക്ക​ട​ലി​ന്‍റെ വേ​ലി​യേ​റ്റ​ത്തെ​ക്കാ​ൾ സ്വ​ന്തം നാ​ട്ടി​ലെ​ത്തി​യ ആ​ശ്വാ​സ​ത്തി​ന്‍റെ കു​ളി​ർ​തെ​ന്ന​ലാ​യി​രു​ന്നു.

നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ൽ വ​ന്നി​റ​ങ്ങി​യ​പ്പോ​ഴാ​ണ് ത​ങ്ങ​ളു​ടെ അ​നു​ഭ​വ​ങ്ങ​ളും ദു​രി​ത​നാ​ളു​ക​ളും അ​വ​ർ ഓ​ർ​ത്തെ​ടു​ത്ത​ത്. ക​പ്പ​ലി​ലാ​യി​രു​ന്ന​പ്പോ​ൾ നൈ​ജീ​രി​യ​ൻ നാ​വി​ക​സേ​ന പ്ര​ഫ​ഷ​ന​ലാ​യ ഇ​ട​പെ​ട​ലാ​ണ് ന​ട​ത്തി​യ​തെ​ങ്കി​ലും ഇ​ക്വ​ട്ടോ​റി​യ​ൽ ഗി​നി​യി​ലേ​ക്ക് മാ​റി​യ​പ്പോ​ൾ സ്ഥി​തി മാ​റി.

ര​ണ്ടു​മാ​സ​ത്തി​ൽ ഒ​രി​ക്ക​ലൊ​ക്കെ​യാ​ണ് ഫോ​ൺ ത​ന്നി​രു​ന്ന​തെ​ന്നും പ്ര​തീ​ക്ഷ പ​ല​പ്പോ​ഴും അ​റ്റു​പോ​യി​രു​ന്നു​വെ​ന്നും അ​വ​ർ കൂ​ട്ടി​ച്ചേ​ർ​ത്തു. ക​പ്പ​ൽ ക​മ്പ​നി അ​ധി​കൃ​ത​ർ, കേ​ന്ദ്ര-​സം​സ്ഥാ​ന സ​ർ​ക്കാ​ർ, എം​ബ​സി, ജ​ന​പ്ര​തി​നി​ധി​ക​ൾ, നാ​ട്ടു​കാ​ർ, ബ​ന്ധു​ക്ക​ൾ, സു​ഹൃ​ത്തു​ക്ക​ൾ തു​ട​ങ്ങി​യ​വ​രോ​ടു​ള്ള ന​ന്ദി​യും ക​ട​പ്പാ​ടും വാ​ക്കു​ക​ളി​ൽ പ​റ​ഞ്ഞ​റി​യി​ക്കാ​നാ​വാ​തെ മൂ​വ​രും വീ​ർ​പ്പു​മു​ട്ടി. നീ​ണ്ട 11 മാ​സ​ത്തി​നു​ശേ​ഷം പ്രി​യ​പ്പെ​ട്ട കു​ടും​ബാം​ഗ​ങ്ങ​ളെ ക​ണ്ട​തി​ന്‍റെ ആ​ഹ്ലാ​ദം മൂ​ന്നു​പേ​ർ​ക്കും അ​ട​ക്കാ​നാ​യി​ല്ല. സ​നു ജോ​സ്, മി​ൽ​ട്ട​ൺ, വി​ജി​ത്ത് എ​ന്നി​വ​രു​ടെ കു​ടും​ബാം​ഗ​ങ്ങ​ൾ​ക്കും അ​ങ്ങ​നെ​ത​ന്നെ​യാ​യി​രു​ന്നു.

‘ഡാ​ഡീ, ഡാ​ഡീ...’ എ​ന്നു വി​ളി​ച്ചു​കൊ​ണ്ട് ഏ​റെ​നേ​രം നെ​ടു​മ്പാ​ശ്ശേ​രി വി​മാ​ന​ത്താ​വ​ള​ത്തി​ലെ ആ​ഭ്യ​ന്ത​ര ടെ​ർ​മി​ന​ലി​നു​പു​റ​ത്ത് കാ​ത്തു​നി​ന്ന സ​നു ജോ​സി​ന്‍റെ മ​ക​ൾ എ​ലി​സ​ബ​ത്ത് പി​താ​വി​നെ ക​ണ്ട​പ്പോ​ൾ ആ​ദ്യം കെ​ട്ടി​പ്പി​ടി​ക്ക​ണോ, ഉ​മ്മ വെ​ക്ക​ണോ എ​ന്ന​റി​യാ​തെ കു​ഴ​ങ്ങി.

സ​നു​വി​ന്‍റെ ഒ​ക്ക​ത്തു​പി​ടി​ച്ചു​ക​യ​റി​യ യു.​കെ.​ജി​ക്കാ​രി പി​ന്നെ ഇ​റ​ങ്ങി​യ​തേ​യി​ല്ല. മൂ​ത്ത​മ​ക​ൻ ബെ​ന​ഡി​ക്ട്, ഭാ​ര്യ മെ​റ്റി​ൽ​ഡ, മാ​താ​പി​താ​ക്ക​ളാ​യ ജോ​സ്, ലീ​ല, മെ​റ്റി​ൽ​ഡ​യു​ടെ മാ​താ​പി​താ​ക്ക​ളാ​യ പൗ​ലോ​സ്, സൂ​സ​ൻ, സ​ഹോ​ദ​രി മേ​ബി​ൾ എ​ന്നി​വ​രു​മെ​ത്തി​യി​രു​ന്നു. മ​ക​ൻ നീ​ലി​ന് ആ​റു​മാ​സ​മു​ള്ള​പ്പോ​ൾ പോ​യ​താ​ണ് കൊ​ല്ലം സ്വ​ദേ​ശി വി​ജി​ത്ത്. ആ​ദ്യ​മൊ​രു അ​പ​രി​ചി​ത​ത്വം കാ​ണി​ച്ചെ​ങ്കി​ലും പി​ന്നീ​ട് അ​ച്ഛ​ന്‍റെ കൈ​യി​ൽ ത​ന്നെ​യാ​യി​രു​ന്നു ആ ​ഒ​ന്ന​ര​വ​യ​സ്സു​കാ​ര​നും. വി​ജി​ത്തി​ന്‍റെ അ​ച്ഛ​ൻ വി​ക്ര​മ​ൻ നാ​യ​ർ, അ​മ്മ സ​ജി​ത, ഭാ​ര്യ രേ​വ​തി, രേ​വ​തി​യു​ടെ മാ​താ​പി​താ​ക്ക​ളാ​യ ലീ​ല, രാ​മ​ച​ന്ദ്ര​ൻ തു​ട​ങ്ങി​യ​വ​രെ​ല്ലാം സ്വീ​ക​രി​ക്കാ​നെ​ത്തി​യി​രു​ന്നു.

മി​ൽ​ട്ട​ൺ ഡി​ക്കോ​ത്ത​യു​ടെ ഭാ​ര്യ ശീ​ത​ളും മ​ക​ൻ ഹാ​ഡ്‌​വി​നും ശീ​ത​ളി​ന്‍റെ സ​ഹോ​ദ​ര​ൻ സ്‌​റ്റെ​ഫി​നു​മു​ൾ​െ​പ്പ​ടെ​യു​ള്ള​വ​രും വി​മാ​ന​ത്താ​വ​ള​ത്തി​ൽ വ​ന്നു. നാ​ഷ​ന​ൽ യൂ​നി​യ​ൻ സീ​ഫെ​യ​റേ​ഴ്സ് ഓ​ഫ് ഇ​ന്ത്യ​യു​ടെ നേ​തൃ​ത്വ​ത്തി​ലും ഇ​വ​ർ​ക്ക് സ്വീ​ക​ര​ണ​മൊ​രു​ക്കി. ഇ​നി കു​റ​ച്ചു​കാ​ലം കു​ടും​ബ​ത്തോ​ടൊ​പ്പം എ​ന്നാ​ണ് ദു​രി​ത​പ​ർ​വം താ​ണ്ടി​യെ​ത്തി​യ മൂ​വ​ർ​ക്കും ഭാ​വി​പ​ദ്ധ​തി​യെ​ക്കു​റി​ച്ച് പ​റ​യാ​നു​ള്ള​ത്.