ഇബ്രാഹിംകുഞ്ഞിനെ വീണ്ടും ചോദ്യം ചെയ്യണമെന്ന് സർക്കാർ; ജാമ്യാപേക്ഷ 11ലേക്ക് മാറ്റി
text_fieldsകൊച്ചി: പാലാരിവട്ടം പാലം അഴിമതിക്കേസില് അറസ്റ്റിലായ മുന് മന്ത്രി വി.കെ ഇബ്രാഹിംകുഞ്ഞിനെ വീണ്ടും ചോദ്യം ചെയ്യണമെന്ന് സര്ക്കാര് ഹൈകോടതിയെ അറിയിച്ചു. ഇബ്രാഹിംകുഞ്ഞിന്റെ ജാമ്യാപേക്ഷ പരിഗണിക്കവെയാണ് സര്ക്കാര് ഇക്കാര്യം അറിയിച്ചത്. മൂവാറ്റുപുഴ വിജിലന്സ് കോടതി ജാമ്യാപേക്ഷ തള്ളിയതിനെത്തുടര്ന്നാണ് വി.കെ ഇബ്രാഹിംകുഞ്ഞ് ഹൈകോടതിയെ സമീപിച്ചത്.
ജാമ്യഹർജി വേഗത്തിൽ കേൾക്കണമെന്ന് ഇബ്രാഹിംകുഞ്ഞ് കോടതിയോട് ആവശ്യപ്പെട്ടു. അന്വേഷണവുമായി സഹകരിക്കുന്നുണ്ടെന്ന് ജാമ്യാപേക്ഷയില് ചൂണ്ടിക്കാട്ടി. ഗുരുതരമായ ആരോഗ്യപ്രശ്നങ്ങളുള്ളതിനാല് മികച്ച ചികിത്സ ആവശ്യമാണ്. ഹോസ്പിറ്റലിൽ നിന്ന് കസ്റ്റഡിയിൽ എടുക്കുമോ എന്ന് ആശങ്ക ഉണ്ടെന്നും ഇബ്രാഹിംകുഞ്ഞ് കോടതിയോട് പറഞ്ഞു.
ഈ സാഹചര്യത്തിലാണ് സർക്കാരിനോട് വിശദമായ സത്യവാങ്മൂലം സമർപ്പിക്കാൻ കോടതി നിർദ്ദേശിച്ചത്. ജാമ്യാപേക്ഷ പരിഗണിക്കുന്നത് ഈ മാസം 11ലേക്ക് മാറ്റി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.