ഇടുക്കിയിലെ വിധി ഭൂമി കൈയേറ്റക്കാർക്ക് തിരിച്ചടി

തൊ​ടു​പു​ഴ: ഹൈ​കോ​ട​തി​യു​ടെ സു​പ്ര​ധാ​ന വി​ധി​യോ​ടെ കേ​ര​ള​ത്തി​ന്‍റെ ച​ർ​ച്ച​യി​ലേ​ക്ക്​ വീ​ണ്ടും ഭൂ​മി കൈ​യേ​റ്റം ക​ട​ന്നു​വ​രു​ക​യാ​ണ്. പ്ര​ത്യ​ക്ഷ​ത്തി​ൽ​ത​ന്നെ ഭൂ​മി കൈ​യേ​റ്റ​ക്കാ​ർ​ക്ക്​ തി​രി​ച്ച​ടി​യാ​കു​ന്ന ഉ​ത്ത​ര​വ്​ സ​ർ​ക്കാ​റി​ന്​ മു​ന്നി​ലും ഏ​റെ പ്ര​തി​സ​ന്ധി​ക​ൾ തീ​ർ​ക്കു​മെ​ന്നു​റ​പ്പ്.

ഇ​ടു​ക്കി ജി​ല്ല​യി​ലെ ഭൂ​മി കൈ​യേ​റ്റ​ങ്ങ​ളു​ടെ പ​ശ്ചാ​ത്ത​ല​ത്തി​ലാ​ണ്​ കോ​ട​തി​യു​ടെ ഉ​ത്ത​ര​വെ​ങ്കി​ലും അ​ട്ട​പ്പാ​ടി​യ​ട​ക്കം സം​സ്ഥാ​ന​ത്തി​ന്‍റെ പ​ല ഭാ​ഗ​ങ്ങ​ളി​ലും ന​ട​ക്കാ​നി​രി​ക്കു​ന്ന പ​ട്ട​യ​മേ​ള​ക​ൾ​ക്കു​കൂ​ടി പ്ര​തി​സ​ന്ധി സൃ​ഷ്ടി​​ക്കാ​നി​ട​യു​ണ്ട്. കൈ​വ​ശ​ഭൂ​മി​യി​ൽ ഉ​ട​മ​സ്ഥ​ത​യോ പാ​ട്ട​മോ തെ​ളി​യി​ക്കു​ന്ന രേ​ഖ​ക​ൾ ഇ​ല്ലാ​ത്ത​വ​ർ​ക്ക്​ ഇ​നി​യൊ​രു അ​റി​യി​പ്പു​ണ്ടാ​കു​ന്ന​തു​വ​രെ പ​ട്ട​യം ന​ൽ​ക​രു​തെ​ന്നാ​ണ്​ കോ​ട​തി ഇ​ടു​ക്കി ജി​ല്ല ക​ല​ക്ട​ർ​ക്ക്​ ന​ൽ​കി​യ നി​ർ​​ദേ​ശം.

1964നു​ശേ​ഷ​മു​ള്ള കൈ​യേ​റ്റ​ങ്ങ​ൾ ത​ട​യാ​നാ​ണ്​ ഭൂ​പ​തി​വ്​ ച​ട്ടം 4ൽ ​വ്യ​വ​സ്ഥ കൊ​ണ്ടു​വ​ന്ന​ത്. 1964ലെ ​ഭൂ​പ​തി​വ്​ ച​ട്ടം 4 പ്ര​കാ​രം കൈ​വ​ശ​മി​രി​ക്കു​ന്ന ഭൂ​മി കൃ​ഷി​ക്കും വീ​ടി​നും അ​നു​ബ​ന്ധ ഉ​പ​യോ​ഗ​ത്തി​നു​മാ​യി പ​തി​ച്ച്​ ന​ൽ​കാ​മെ​ന്നാ​ണ്.

എ​ന്നാ​ൽ, 1971ൽ ​കൊ​ണ്ടു​വ​ന്ന ഭേ​ദ​ഗ​തി ഭൂ​പ​തി​വ്​ നി​യ​മ​ത്തി​ന്‍റെ ല​ക്ഷ്യ​ത്തെ​ത​ന്നെ അ​ട്ടി​മ​റി​ക്കു​ന്ന​തും 64നു​ശേ​ഷം ന​ട​ന്ന കൈ​യേ​റ്റ​ങ്ങ​ൾ​ക്ക്​ നി​യ​മ​സാ​ധു​ത ന​ൽ​കു​ന്ന​തു​മാ​ണെ​ന്നും ജ​സ്റ്റി​സു​മാ​രാ​യ മു​ഹ​മ്മ​ദ് മു​ഷ്താ​ഖ്, ശോ​ഭ അ​ന്ന​മ്മ ഈ​പ്പ​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്‍റെ ഉ​ത്ത​ര​വി​ൽ വ്യ​ക്ത​മാ​ക്കു​ന്നു.

അ​തേ​സ​മ​യം, കൈ​വ​ശ​ഭൂ​മി അ​ല്ലാ​ത്ത​വ​ക്ക് പ​ട്ട​യം അ​നു​വ​ദി​ക്കാ​ൻ ഈ ​ഉ​ത്ത​ര​വ് ത​ട​സ്സ​മ​ല്ലെ​ന്നും വ്യ​ക്ത​മാ​ക്കി​യി​ട്ടു​ണ്ട്. പ​ട്ട​യം ല​ഭി​ക്കു​മെ​ന്ന ധാ​ര​ണ​യി​ൽ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ഭൂ​മാ​ഫി​യ കൈ​യേ​റി​യും കൈ​മാ​റി​യും നി​ര​വ​ധി ഏ​ക്ക​ർ ഭൂ​മി കൈ​വ​ശ​പ്പെ​ടു​ത്തി​യി​രു​ന്നു. രാ​ഷ്ട്രീ​യ പി​ൻ​ബ​ല​ത്തോ​ടെ ന​ട​ത്തി​യ ഇ​ത്ത​രം കൈ​യേ​റ്റ​ങ്ങ​ൾ​ക്ക്​ കോ​ട​തി ഉ​ത്ത​ര​വ് തി​രി​ച്ച​ടി​യാ​ണ്. നി​യ​മ​സ​ഭ ഏ​ക​ക​ണ്​​ഠ​മാ​യി പാ​സാ​ക്കി​യ ഭൂ​പ​തി​വ്​ ച​ട്ട ഭേ​ദ​ഗ​തി ബി​ല്ലി​നെ​യും ബാ​ധി​ക്കു​ന്ന​താ​ണ്​ ഉ​ത്ത​ര​വ്.

അ​തേ​സ​മ​യം, അ​ഡ്വ​ക്ക​റ്റ്​ ജ​ന​റ​ലി​ന്‍റെ ഓ​ഫി​സു​മാ​യി ബ​ന്ധ​പ്പെ​ട്ട്​ ല​ഭി​ക്കു​ന്ന നി​യ​മോ​പ​ദേ​ശ അ​ടി​സ്ഥാ​ന​ത്തി​ൽ മാ​ത്രം പ​ട്ട​യം ന​ൽ​കിയാ​ൽ മ​തി​യെ​ന്നാ​ണ്​ ഇ​ടു​ക്കി ജി​ല്ല ക​ല​ക്ട​ർ​ക്ക്​ സ​ർ​ക്കാ​ർ ന​ൽ​കി​യ നി​ർ​ദേ​ശം.

അ​ർ​ഹ​രാ​യ​വ​ർ പ​ട്ട​യ​ത്തി​ന്​ ഓ​ഫി​സു​ക​ൾ ക​യ​റി​യി​റ​ങ്ങു​മ്പോ​ൾ വ്യ​വ​സ്ഥ​ക​ൾ പാ​ലി​ക്കാ​തെ ത​ൽ​പ​ര​ക​ക്ഷി​ക​ൾ​ക്ക്​ ഉ​ദാ​ര​മാ​യി പ​ല​യി​ട​ത്തും പ​ട്ട​യം ന​ൽ​കു​ന്നു​ണ്ട്. കു​ടി​യേ​റ്റ​ക്കാ​ർ അ​ധി​ക​മി​ല്ലാ​ത്ത അ​ട്ട​പ്പാ​ടി​യി​ലെ ലാ​ൻ​ഡ്​ ട്രൈ​ബ്യൂ​ണ​ലി​ലേ​ക്ക്​ സം​സ്ഥാ​ന ലാ​ൻ​ഡ്​ ബോ​ർ​ഡി​ൽ​നി​ന്നും ക​ഴി​ഞ്ഞ​മാ​സം മാ​ത്രം പോ​യ​ത്​ 900 അ​പേ​ക്ഷ​യാ​ണ്. ഇ​ത്ത​രം നീ​ക്ക​ങ്ങ​ൾ​ക്കും ഹൈ​കോ​ട​തി ഉ​ത്ത​ര​വ്​ തി​രി​ച്ച​ടി​യാ​ണ്.