ഇടുക്കി ഡാമിൽ റെഡ് അലേർട്ട്

ഇടുക്കി : ഇടുക്കി ഡാമിൽ റെഡ് അലേർട്ട് പ്രഖ്യാപിച്ചു . ഡാമിലെ വെള്ളം പൂർണ സംഭരണ ശേഷിക്കടുത്തതോടെയാണ് റെഡ് അലേർട്ട് പ്രഖ്യാപിച്ചിരിക്കുന്നത് . 2403 അടിയാണ് ഡാമിന്റെ പൂർണ സംഭരണ ശേഷി . നിലവിൽ 2382.52 അടിയാണ് വെള്ളമുള്ളത് .

പ്രദേശത്തു മഴ തുടരുന്ന സാഹചര്യമായതിനാൽ ഇപ്പോൾ പൂർണ സംഭരണ ശേഷിയുടെ 82.89 ശതമാനമാണ് വെള്ളമുള്ളത് . കൂടാതെ മുല്ലപ്പെരിയാർ അണക്കെട്ടിലെ ജലം കൂടെ എത്തുന്നതോടെ വൻതോതിൽ ജലനിരപ്പുയരാൻ സാധ്യതയുണ്ട് . ഇതു മുന്നിൽ കണ്ടാണ് ഇപ്പോൾ അമിതജലം ഒഴുക്കിവിടാനുള്ള തീരുമാനം എടുത്തിരിക്കുന്നതെന്ന് എക്സിക്യൂട്ടീവ് എഞ്ചിനീയർ അറിയിച്ചു.