ബസ്​ ജീവനക്കാർ വിദ്യാർഥികളോട്​ നേരേ ചൊവ്വേ പെരുമാറിയില്ലെങ്കിൽ പെർമിറ്റും ലൈസൻസും പോകും

കൊ​ച്ചി: സം​സ്ഥാ​ന​ത്തെ സ്വ​കാ​ര്യ സ്റ്റേ​ജ് കാ​ര്യേ​ജ് ബ​സ് ജീ​വ​ന​ക്കാ​ര്‍ കു​ട്ടി​ക​ളോ​ട് അ​പ​മ​ര്യാ​ദ​യാ​യും വി​വേ​ച​ന​പ​ര​മാ​യും പെ​രു​മാ​റി​യാ​ല്‍ ജീ​വ​ന​ക്കാ​രു​ടെ ലൈ​സ​ന്‍സും ബ​സി​ന്റെ പെ​ര്‍മി​റ്റും റ​ദ്ദ് ചെ​യ്യ​ണ​മെ​ന്ന് ബാ​ലാ​വ​കാ​ശ ക​മീ​ഷ​ന്‍. ഇ​ത്ത​രം സം​ഭ​വ​ങ്ങ​ള്‍ റി​പ്പോ​ര്‍ട്ട് ചെ​യ്താ​ല്‍ ട്രാ​ന്‍സ്‌​പോ​ര്‍ട്ട് ക​മീ​ഷ​ണ​റും സം​സ്ഥാ​ന പൊ​ലീ​സ് മേ​ധാ​വി​യും ആ​വ​ശ്യ​മാ​യ നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്നും ക​മീ​ഷ​ന്‍ അം​ഗം റെ​നി ആ​ന്റ​ണി പു​റ​പ്പെ​ടു​വി​ച്ച ഉ​ത്ത​ര​വി​ല്‍ നി​ർ​ദേ​ശം ന​ല്‍കി.

സ്വ​കാ​ര്യ ബ​സു​ക​ളി​ല്‍ വി​ദ്യാ​ർ​ഥി​ക​ള്‍ക്ക് യാ​ത്രാ സൗ​ജ​ന്യം നി​ഷേ​ധി​ക്കു​ന്ന​തും സീ​റ്റ് ഒ​ഴി​ഞ്ഞു കി​ട​ന്നാ​ലും ഇ​രി​ക്കാ​ന്‍ അ​നു​വ​ദി​ക്കാ​ത്ത​തും ഗൗ​ര​വ​ക​ര​മാ​ണ്. വി​ദ്യാ​ർ​ഥി​ക​ള്‍ കൈ ​കാ​ണി​ച്ചാ​ല്‍ നി​ര്‍ത്താ​തെ പോ​കു​ന്ന​തും സീ​റ്റി​ല്‍ ഇ​രു​ന്നു​ള്ള യാ​ത്ര നി​ഷേ​ധി​ക്കു​ന്ന​തും കു​ട്ടി​ക​ളോ​ടു​ള്ള ക​ടു​ത്ത വി​വേ​ച​ന​വും കു​ട്ടി​ക​ള്‍ക്കാ​യു​ള്ള ദേ​ശീ​യ​വും അ​ന്ത​ര്‍ദേ​ശീ​യ​വു​മാ​യ അ​വ​കാ​ശ നി​യ​മ​ങ്ങ​ളു​ടെ ലം​ഘ​ന​വു​മാ​ണെ​ന്നും ക​മീ​ഷ​ന്‍ വി​ല​യി​രു​ത്തി.

കു​ട്ടി​ക​ള്‍ക്ക് സ്‌​കൂ​ളി​ലെ​ത്താ​നു​ള്ള ബ​സ്, സ്റ്റോ​പ്പി​ല്‍ നി​ര്‍ത്തു​ന്നി​ല്ലെ​ന്നും ബ​സി​ല്‍ ക​യ​റി​യാ​ല്‍ ജീ​വ​ന​ക്കാ​ര്‍ കു​ട്ടി​ക​ളോ​ട് അ​പ​മ​ര്യാ​ദ​യാ​യി പെ​രു​മാ​റു​ന്നു​വെ​ന്നും ചൂ​ണ്ടി​ക്കാ​ട്ടി ഇ​ടു​ക്കി സ്വ​ദേ​ശി ടോം ​ജോ​സ​ഫ് ബാ​ലാ​വ​കാ​ശ ക​മീ​ഷ​ന് സ​മ​ര്‍പ്പി​ച്ച ഹ​ര​ജി പ​രി​ഗ​ണി​ച്ചാ​ണ് ഉ​ത്ത​ര​വ്.