വാഗ്ദാനങ്ങളും ഉത്തരവുകളും പഞ്ചറായി; ഇ-ഓട്ടോകൾക്ക് ദുരിതയാത്ര

മ​ല​പ്പു​റം: പ​രി​സ്ഥി​തി​സൗ​ഹൃ​ദ​മെ​ന്ന നി​ല​യി​ൽ പ്ര​ത്യേ​ക പ​രി​ഗ​ണ​ന​യും പ്രോ​ത്സാ​ഹ​ന​വും ന​ൽ​കി വി​റ്റ​ഴി​ച്ച ഇ​ല​ക്​​ട്രി​ക്​ ഓ​ട്ടോ​ക​ൾ വാ​ങ്ങി​യ​വ​ർ​ക്ക്​ അ​വ​ഗ​ണ​ന. കേ​​ന്ദ്ര-​സം​സ്ഥാ​ന സ​ർ​ക്കാ​റു​ക​ളു​ടെ വ​ലി​യ വാ​ഗ്ദാ​ന​ങ്ങ​ൾ കേ​ട്ട്​ ഓ​ട്ടോ എ​ടു​ത്ത്​ ജീ​വി​ത​സ​വാ​രി തു​ട​ങ്ങി​യ​വ​രാ​ണ്​ ക​ടു​ത്ത പ്ര​തി​സ​ന്ധി​യി​ൽ നെ​ട്ടോ​ട്ട​മോ​ടു​ന്ന​ത്.

കു​റ​ഞ്ഞ ചെ​ല​വ്, സൗ​ക​ര്യ​പ്ര​ദ​മാ​യ ചാ​ർ​ജി​ങ്​ സ്​​റ്റേ​ഷ​നു​ക​ൾ, പ്ര​​​ത്യേ​ക പെ​ർ​മി​റ്റി​ല്ലാ​തെ സ​ർ​വി​സ്​ അ​നു​മ​തി, മ​ലി​നീ​ക​ര​ണ സ​ർ​ട്ടി​ഫി​ക്ക​റ്റ്​ വേ​ണ്ട തു​ട​ങ്ങി​യ കാ​ര്യ​ങ്ങ​ൾ സ​ർ​ക്കാ​ർ ഉ​ത്ത​ര​വു​ക​ളി​ലും രേ​ഖാ​മൂ​ല​മു​ള്ള മ​റു​പ​ടി​ക​ളി​ലും വ്യ​ക്ത​മാ​യി പ​റ​യു​​ന്നു​ണ്ടെ​ങ്കി​ലും ഈ ​ആ​നു​കൂ​ല്യ​ങ്ങ​ളൊ​ന്നും ഈ ​വ​ണ്ടി​യു​മാ​യി നി​ര​ത്തി​ലി​റ​ങ്ങു​ന്ന​വ​ർ​ക്ക്​ കി​ട്ടു​ന്നി​ല്ല.

ഗ​താ​ഗ​ത വ​കു​പ്പി​ൽ​നി​ന്ന് ല​ഭി​ച്ച വി​വ​രാ​വ​കാ​ശ രേ​ഖ​യി​ൽ സ​ർ​ക്കാ​ർ പ​റ​യു​ന്ന​ത്​ 2018​ലെ ​കേ​ന്ദ്ര​സ​ർ​ക്കാ​ർ ഉ​ത്ത​ര​വ്​ പ്ര​കാ​രം ഇ​ല​ക്​​ട്രി​ക്​ ഓ​ട്ടോ​ക​ളെ പെ​ർ​മി​റ്റ്​ എ​ടു​ക്കു​ന്ന​തി​ൽ ഒ​ഴി​വാ​ക്കി​യി​ട്ടു​ണ്ടെ​ന്നാ​ണ്. ഇ​ല​ക്ട്രി​ക്​ ഒ​ട്ടോ​ക​ൾ​ക്ക്​ പ്ര​​​​​​​ത്യേ​ക നി​റ​മോ ഡ്രൈ​വ​ർ​മാ​ർ​ക്ക്​ പ്ര​​​​​​​ത്യേ​ക യൂ​നി​ഫോ​മോ നി​ശ്ച​യി​ച്ചി​ട്ടി​ല്ലെ​ന്നും പ​റ​യു​ന്നു.

എ​ന്നാ​ൽ, ഈ ​അ​വ​കാ​ശ​ങ്ങ​ൾ സം​ര​ക്ഷി​ക്കാ​നോ നി​റ​വേ​റ്റാ​നോ മോ​ട്ടോ​ർ വാ​ഹ​ന വ​കു​പ്പോ പൊ​ലീ​സോ ത​യാ​റാ​വു​ന്നി​ല്ലെ​ന്ന്​ ഇ​ല​ക്​​ട്രി​ക്​ ഓ​ട്ടോ ഡ്രൈ​വ​ർ​മാ​ർ ആ​രോ​പി​ക്കു​ന്നു. ഈ ​നി​യ​മ​ത്തെ​ക്കു​റി​ച്ച്​ പൊ​ലീ​സ്​ ഉ​ദ്യോ​ഗ​സ്ഥ​ർ​ക്കും ​മോ​ട്ടോ​ർ വാ​ഹ​ന വ​കു​പ്പ്​ ഉ​ദ്യോ​ഗ​സ്ഥ​ർ​ക്കും കാ​ര്യ​മാ​യ അ​റി​വി​ല്ലാ​ത്ത​തി​നാ​ൽ വാ​ഹ​ന പ​രി​ശോ​ധ​ന​യു​ടെ പേ​രി​ൽ ചൂ​ഷ​ണം ന​ട​ക്കു​ന്ന​താ​യും ഇ​വ​ർ പ​റ​യു​ന്നു.

യൂ​നി​ഫോം ധ​രി​ക്കാ​തെ വാ​ഹ​നം ഓ​ടി​ച്ച​തി​ന്‍റെ പേ​രി​ലും മ​ലി​നീ​ക​ര​ണ സ​ർ​ട്ടി​ഫി​ക്ക​റ്റ്​ ഇ​ല്ലാ​ത്ത​തി​ന്‍റെ പേ​രി​ലും ഡ്രൈ​വ​ർ​മാ​രി​ൽ​നി​ന്ന് പൊ​ലീ​സ്​ അ​നാ​വ​ശ്യ​മാ​യി പി​ഴ ഇൗ​ടാ​ക്കി​യി​ട്ടു​ണ്ടെ​ന്ന് ഇ​വ​ർ തെ​ളി​വു​ക​ൾ സ​ഹി​തം വ്യ​ക്ത​മാ​ക്കു​ന്നു. കൂ​ടാ​തെ, ആ​ർ.​ടി.​ഒ ന​ൽ​കു​ന്ന ഗു​ണ​മേ​ന്മ​യി​ല്ലാ​ത്ത ന​മ്പ​ർ ​​പ്ലേ​റ്റു​ക​ൾ നി​റം​മ​ങ്ങി​പ്പോ​യ​തി​നും പി​ഴ ചു​മ​ത്തി​യി​ട്ടു​ണ്ട്. കെ.​എ​സ്.​ഇ.​ബി​യു​മാ​യി സ​ഹ​ക​രി​ച്ച്​ ല​ഭ്യ​മാ​ക്കേ​ണ്ട സേ​വ​ന​ങ്ങ​ളും നി​ഷേ​ധി​ക്കു​ന്ന​താ​യും പ​രാ​തി​യു​ണ്ട്.

ഗ​താ​ഗാ​ത ക​മീ​ഷ​ണ​ർ റീ​ജ​ന​ൽ ട്രാ​ൻ​സ്​​പോ​ർ​ട്ട്​ ഓ​ഫി​സ​ർ​മാ​ർ​ക്ക്​ ന​ൽ​കി​യ ഉ​ത്ത​ര​വി​ൽ ഇ​ല​ക്​​ട്രി​ക്​ വാ​ഹ​ന​ങ്ങ​ൾ​ക്ക്​ പെ​ർ​മി​റ്റി​ല്ലാ​തെ അം​ഗീ​കൃ​ത സ്റ്റാ​ൻ​ഡു​ക​ളി​ൽ വാ​ഹ​നം പാ​ർ​ക്ക്​ ചെ​യ്യാ​മെ​ന്ന് വ്യ​ക്ത​മാ​ക്കി​യി​രു​ന്നു.

എ​ന്നാ​ൽ, ഈ ​ആ​നു​കൂ​ല്യ​വും കി​ട്ടു​ന്നി​ല്ലെ​ന്ന​താ​ണ്​ യാ​ഥാ​ർ​ഥ്യം. ഇ-​​ഓ​ട്ടോ ഡ്രൈ​വ​ർ​മാ​ർ നേ​രി​ടു​ന്ന അ​വ​ഗ​ണ​ന​യും പ്ര​ശ്ന​ങ്ങ​ളും നി​ര​ന്ത​രം സ​ർ​ക്കാ​റി​ന്‍റെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടും ഇ​തു​വ​രെ അ​നു​കൂ​ല ന​ട​പ​ടി വ​ന്നി​ട്ടി​ല്ലെ​ന്ന്​ കേ​ര​ള ഇ​ല​ക്​​ട്രി​ക്​ റി​ക്ഷ​ഡ്രൈ​വേ​ഴ്​​സ്​ യൂ​നി​യ​ൻ (കെ.​ഇ.​ആ​ർ.​ഡി.​യു) പ്ര​സി​ഡ​ന്‍റ്​ സി.​എം. സ​ഹാ​ദു​ദ്ദീ​ൻ, സെ​ക്ര​ട്ട​റി പി.​പി. അ​ബ്ദു​ല്ല എ​ന്നി​വ​ർ പ​റ​ഞ്ഞു.