ഇലഞ്ഞിച്ചുവട്ടിൽ നാദലയ വിസ്മയം; രൗദ്രലഹരി പകർന്ന് ഇലഞ്ഞിത്തറ​ മേളം

തൃ​ശൂ​ർ: കി​ഴ​ക്കൂ​ട്ട് അ​നി​യ​ൻ മാ​രാ​ർ പാ​ണ്ടി​യു​ടെ രൗ​ദ്ര​ല​ഹ​രി പ​ക​ർ​ന്ന​പ്പോ​ൾ താ​ള​ഭേ​ദ​ങ്ങ​ളു​ടെ ച​ടു​ല​ത​യി​ൽ ഇ​ല​ഞ്ഞി​ച്ചു​വ​ട് ഒ​രി​ക്ക​ൽ​കൂ​ടി ത്ര​സി​ച്ചു​നി​ന്നു. വി​ര​ൽ​ത്തു​മ്പു​ക​ളി​ൽ സ​ന്നി​വേ​ശി​ച്ച ആ​വേ​ശം മു​റു​കി​യ​ട​ങ്ങു​മ്പോ​ൾ 78ാം വ​യ​സ്സി​ലെ ത​ന്റെ ക​ന്നി പ്ര​മാ​ണി​ത്തം അ​വി​സ്മ​ര​ണീ​യ​മാ​ക്കി​യ ആ​ന​ന്ദ​ത്തി​ലാ​യി​രു​ന്നു കി​ഴ​ക്കൂ​ട്ട്.

കൂ​ട്ടി​പ്പെ​രു​ക്ക​ത്തി​ന്റെ ഗു​ണി​ത​ങ്ങ​ളെ ചെ​ണ്ട​ക്കോ​ൽ നീ​ളം​കൊ​ണ്ട് വ​ട​ക്കു​ന്നാ​ഥ​ൻ ക്ഷേ​ത്ര​ത്തി​ന​ക​ത്തെ ഇ​ല​ഞ്ഞി​ച്ചോ​ട്ടി​ൽ വെ​ച്ച് അ​ള​ന്ന്​ കേ​ൾ​പ്പി​ക്കു​ക​യാ​യി​രു​ന്നു അ​നി​യ​ൻ മാ​രാ​ർ. ​താ​ണും ഉ​യ​ർ​ന്നും പു​ഴ​പോ​ലെ ഒ​ഴു​കി​ക്കൊ​ണ്ടി​രു​ന്ന നാ​ദ​ല​യം അ​വ​സാ​ന 20 മി​നി​റ്റി​ലെ​ത്തി​യ​പ്പോ​ൾ രൗ​ദ്ര​താ​ള​മാ​യി പ​ക​ർ​ന്നാ​ടി. 28 അ​ക്ഷ​ര​കാ​ല​ത്തി​ൽ മാ​ധു​ര്യം പ​ക​ർ​ന്ന് പ​തി​ഞ്ഞൊ​ഴു​കി​യ മേ​ള​ന​ദി​യെ 14 ാം അ​ക്ഷ​ര​കാ​ല​ത്തി​ന്റെ​യും ഏ​ഴാം​കാ​ല​ത്തി​ന്റെ ദ്രു​ത താ​ള​ത്തി​ലേ​ക്കും ഒ​ടു​വി​ൽ ഏ​ക​താ​ള​ത്തി​ലേ​ക്കും സ​ന്നി​വേ​ശി​പ്പി​ച്ച് ദ്രു​ത​താ​ള​ത്തി​ന്റെ ആ​വേ​ശ​ക്കൊ​ടു​മു​ടി​യി​ലെ​ത്തി​ച്ച​പ്പോ​ൾ ആ​സ്വാ​ദ​ക​രു​ടെ മ​ന​സ്സ് നി​റ​ഞ്ഞു. പാ​റ​മേ​ക്കാ​വി​ന്‍റെ മ​തി​ല​ക​ത്തു​നി​ന്ന് പ​തി​വു​പോ​ലെ ആ​രം​ഭി​ച്ച ചെ​മ്പ​ട​മേ​ളം കൊ​ട്ടി​ക്ക​ലാ​ശി​ച്ച് പാ​ണ്ടി പ​തി​കാ​ല​ത്തി​ൽ തു​ട​ങ്ങി കി​ഴ​ക്കേ ഗോ​പു​ര​ത്തി​ലൂ​ടെ വ​ട​ക്കു​ന്നാ​ഥ​ന്‍റെ മു​റ്റ​ത്തെ​ത്തി​യ​പ്പോ​ൾ സ​മ​യം പ​തി​വി​ലും വൈ​കി -ഉ​ച്ച 2.40. മു​ൻ​നി​ര​യി​ൽ അ​നി​യ​ൻ മാ​രാ​ർ. വ​ല​ത്ത് പെ​രു​വ​നം സ​തീ​ശ​നും ഇ​ട​ത്ത് തി​രു​വ​ല്ല രാ​ധാ​കൃ​ഷ്ണ​നും ഉ​രു​ട്ടു​ചെ​ണ്ട​ക്കാ​രും. പ​ല നി​ര​ക​ളി​ലാ​യി വ​ല​ന്ത​ല​യും ഇ​ല​ത്താ​ള​വും. പു​രു​ഷാ​ര​ത്തി​ന്‍റെ പു​റ​ന്തോ​ടി​നു​ള്ളി​ൽ വാ​ദ​ക​സം​ഘം.

ത്രി​പു​ട താ​ള​ത്തി​ൽ മേ​ള​ക്ക​മ്പ​ക്കാ​രെ ന​യി​ക്കു​ന്ന പാ​ണ്ടി ഉ​ണ​ർ​ന്നു. താ​ള​വ​ട്ട​ങ്ങ​ളു​ടെ ക​ലാ​ശം കാ​ണി​ക​ൾ കൈ​മു​ദ്ര​യി​ലൂ​ടെ ആ​വേ​ശ​ത്തി​ര​യാ​ക്കി മാ​റ്റി. 35 മി​നി​റ്റ് പി​ന്നി​ട്ട​പ്പോ​ൾ തു​റ​ന്നു​പി​ടി​ച്ച ഘ​ട്ടം. അ​ര​മ​ണി​ക്കൂ​ർ വി​സ്താ​ര​ത്തി​ന് ശേ​ഷം ‘ത​കൃ​ത​കൃ​ത’​യു​ടെ ദ്രു​ത​താ​ള​ത്തി​ലേ​ക്ക്. കു​റും​കു​ഴ​ലി​ന്റെ മാ​ധു​ര്യ​ത്തോ​ടൊ​പ്പം ചെ​ണ്ട​യു​ടെ പെ​രു​ക്ക​വും ആ​സ്വാ​ദ​ക​ർ ഹ​ർ​ഷാ​ര​വ​ങ്ങ​ളോ​ടെ എ​തി​രേ​റ്റു. 15 ക​ലാ​ശ​ങ്ങ​ളാ​ണ് ത​കൃ​ത​കൃ​ത​യി​ൽ പൂ​ർ​ത്തീ​ക​രി​ച്ച​ത്.

കോ​ൽ​പെ​രു​ക്ക​ത്തി​ന്‍റെ ഉ​ച്ച​ത്തി​ൽ ‘മു​ട്ടി​ൻ​മേ​ൽ ചെ​ണ്ട’​യി​ൽ മേ​ള​ക്കാ​ർ ആ​ഞ്ഞു​പി​ടി​ച്ചു. നാ​ലു​മ​ണി​യോ​ടെ എ​ല്ലാ നി​യ​ന്ത്ര​ണ​വും​വി​ട്ട് മേ​ളം ആ​ഞ്ഞ​ടി​ച്ചു​തു​ട​ങ്ങി. എ​ട​ക്കാ​ല​ത്തി​ന്‍റെ മാ​ന്ത്രി​ക​ത അ​നി​യ​ൻ മാ​രാ​ർ പു​റ​ത്തെ​ടു​ത്തു. അ​പ്പോ​ൾ പൂ​ര​പ്രേ​മി​ക​ളു​ടെ വി​ര​ലു​ക​ൾ​ക്ക് ഒ​രേ താ​ള​മാ​യി​രു​ന്നു.

കു​ഴ​മ​റി​ഞ്ഞ കാ​ലം തൊ​ട്ട് ഇ​ല​ഞ്ഞി​ച്ചോ​ട്ടി​ൽ മേ​ള​ക്ക​മ്പം അ​ല​യാ​യി അ​ടി​ച്ചു​തു​ട​ങ്ങി. ആ​യി​ര​ക്ക​ണ​ക്കി​ന് കൈ​ക​ൾ ഒ​രേ താ​ള​ത്തി​ൽ പ​ന്ത​ലി​ൻ​പു​റ​ത്ത് താ​ള​മൊ​രു​ക്കി. അ​വ​രു​ടെ ഊ​ർ​ജം മേ​ള​ക്കാ​രി​ലേ​ക്ക് ആ​വേ​ശ​ത്തി​ന്‍റെ കൊ​ടു​ങ്കാ​റ്റാ​യി പ​ക​ർ​ന്നു. കു​ഴ​മ​റി​ഞ്ഞ കാ​ല​ത്തി​ൽ പി​റ​ന്ന​ത് 20 ക​ലാ​ശ​ങ്ങ​ൾ. കൊ​മ്പു​കാ​രും കു​ഴ​ലു​കാ​രും ആം​ഗ്യം കാ​ണി​ച്ചു. തീ​രു​ക​ലാ​ശ​ത്തി​ലേ​ക്ക്.

കൊ​ടു​ങ്കാ​റ്റു​പോ​ലെ വ​ന്ന മേ​ളം നി​ല​ച്ചു. ഇ​ടി​വെ​ട്ടി​ൽ അ​ല​റി​വ​ന്ന മ​ഴ നി​ല​ച്ച അ​വ​സ്ഥ. ഒ​രാ​ണ്ടി​ന്റെ മേ​ള​​പ്പെ​രു​മ​ക്ക് സ​മാ​പ്തി. പ്ര​മാ​ണി കി​ഴ​ക്കൂ​ട്ട് അ​നി​യ​ൻ മാ​രാ​ർ സം​തൃ​പ്തി​യോ​ടെ ചി​രി​ച്ചു. സ​മ​യം -4.28.