ലൈംഗീകാരോപണം: അഞ്ച്​ വൈദികരെ ഒാർത്തഡോക്​സ്​ സഭ പുറത്താക്കി

കോട്ടയം: ലൈംഗികാരോപണത്തിൽ കുടുങ്ങി മലങ്കര ഒാർത്തഡോക്​സ്​ സഭയിലെ അഞ്ചു വൈദികർ. വീട്ടമ്മയായ യുവതിയുമായി ഇവർക്ക്​ ബന്ധമുണ്ടെന്ന ആരോപിച്ച്​ ഭർത്താവ്​ രംഗത്ത്​ എത്തിയതോടെയാണ്​ സംഭവം പുറത്തായത്​. ഇത്​ വൻവിവാദമായതോടെ പരാതിയുയർന്ന അഞ്ചു​ വൈദികരെയും  അന്വേഷണ വിധേയമായി സഭ നേതൃത്വം സസ്​പെൻഡ്​​ ചെയ്​തു.

എന്നാൽ, ഇതുസംബന്ധിച്ച്​ ഭദ്രാസന മെത്രാപ്പോലീത്തമാർ പുറപ്പെടുവിച്ച ഉത്തരവുകളിൽ ചുമതലകളിൽനിന്ന്​ മാറ്റിനിർത്താനുള്ള കാരണം വ്യക്തമാക്കിയിട്ടില്ല. നിരണം ഭദ്രാസനത്തിലെ മൂന്ന് വൈദികരെയും തുമ്പമൺ, ഡല്‍ഹി ഭദ്രാസനങ്ങളിലെ ഓരോ വൈദികനെയുമാണ് പള്ളികളുടെ വികാരി സ്ഥാനത്തുനിന്ന്​ ​ നീക്കിയത്. തിരുവല്ല സ്വദേശിയായ വീട്ടമ്മയുടെ ഭർത്താവ്​ വൈദികർക്കെതിരെ പരാതി നൽകിയെന്നും ഇതാണ്​ നടപടിക്ക്​ പിന്നിലെന്നും  സഭയിലെ ഉന്നത നേതൃത്വം രഹസ്യമായി സ്ഥിരീകരിക്കുന്നുമുണ്ട്​.

ഇവര്‍ക്കെതിരെ നിയമ നടപടി സ്വീകരിക്കാന്‍ സഭ നേതൃത്വം തയാറാകുന്നില്ലെന്നും ആക്ഷേപമുണ്ട്​. എത്ര നാളത്തേക്കാണ് സസ്‌പെന്‍ഷനെന്നോ ഇവര്‍ക്കെതിരെ മറ്റു നടപടി എന്തൊക്കെയാണെന്നോ വ്യക്തമാക്കുന്നുമില്ല. അതിനിടെ, ഇവരെ സഭയിൽനിന്ന്​ പുറത്താക്കണമെന്ന ആവശ്യം ശക്തമാണ്​. പരാതി പൊലീസിനു​ കൈമാറാതെ മൂടിവെക്കുന്നതിനെതിരെയും വിശ്വാസികളിൽനിന്ന്​ വിമർശനം ഉയരുന്നുണ്ടെങ്കിലും സഭ നേതൃത്വം ഒൗദ്യോഗികമായി പ്രതികരിക്കാൻ തയാറായിട്ടില്ല. സംഭവം ഒതുക്കിത്തീർക്കാൻ പരാതിക്കാരനിൽ സമ്മർദവും ശക്തമാണ്​. വീട്ടമ്മയെ​ക്കൊണ്ട്​ ഇയാൾക്കെതിരെ പരാതി നൽകാനുള്ള നീക്കങ്ങളും നടക്കുന്നതായാണ്​ വിവരം.

ആരോപണ വിധേയയായ സ്ത്രീയുടെ ഭര്‍ത്താവി​േൻറതെന്ന പേരില്‍ ഫോണ്‍ സംഭാഷണത്തി​​​​െൻറ ശബ്​ദരേഖ സമൂഹ മാധ്യമങ്ങളില്‍ വ്യാപകമായി പ്രചരിക്കുന്നുമുണ്ട്. കുടുംബജീവിതം തകര്‍ത്ത വൈദികരെ സഭയില്‍നിന്ന് പുറത്താക്കുകയും നിയമപരമായ നടപടികള്‍ ഇവര്‍ക്കെതിരെ സ്വീകരിക്കണമെന്നും ഇദ്ദേഹം ആവശ്യപ്പെടുന്നു. വൈദികരുടെ പേരുകളും വെളിപ്പെടുത്തുന്നുണ്ട്​. കുമ്പസാര രഹസ്യങ്ങള്‍ മനസ്സിലാക്കിയ വൈദികന്‍ ഇതുപയോഗിച്ച്​ വീട്ടമ്മയുമായി അടുത്തബന്ധം പുലര്‍ത്തിയിരുന്നെന്നും സംഭാഷണത്തില്‍ പറയുന്നു.

മറ്റുള്ളവർക്കും വിവരം കൈമാറി. അവരും ബന്ധം സ്ഥാപിച്ചു. സാമൂഹിക മാധ്യമങ്ങളിലൂടെ ഇവർ യുവതിയുമായി നിരന്തരം ബന്ധപ്പെട്ടിരുന്നതായും സംഭാഷണത്തിൽ പറയുന്നു. അടുത്തിടെ യുവതി ഇതിലൊരു വൈദികനുമായി കൂടിക്കാഴ്​ച നടത്തുകയും ഇത്​ ഭർത്താവ്​ ​അറിയുകയും ചെയ്​തതോടെയാണ്​ സഭ നേതൃത്വത്തിലേക്ക്​ പരാതികൾ എത്തിയത്​. എന്നാൽ, സഭയെ അപകീർത്തിപ്പെടുത്താൻ ചില കേന്ദ്രങ്ങൾ ശ്രമിക്കുകയാണെന്നും ശബ്​ദരേഖയുടെ ആധികാരികതയിൽ സംശയമുണ്ടെന്നും വാദങ്ങളുയരുന്നുണ്ട്​. അമേരിക്കയിൽ ഭദ്രാസന ചുതലയുണ്ടായിരുന്ന ബിഷപ്പിനെതിരെയും ലൈംഗികാരോപണം ഉയർന്നിരുന്നു.