ജനാധിപത്യ വ്യവസ്ഥയിൽ ഏത്​ അധികാര പദവിയെക്കാളും വലിയവർ ജനം -ബിനോയ്​ വിശ്വം

തിരുവനന്തപുരം: ജനവിധിയെ ജനവിധിയായി കണ്ട്​ അതിനെ മാനിക്കാൻ ഇടതുപക്ഷം തയാറാകുമെന്ന്​ സി.പി.ഐ കേന്ദ്ര സെക്രട്ടേറിയറ്റ്​ അംഗം ബിനോയ്​ വിശ്വം എം.പി. ജനാധിപത്യ വ്യവസ്ഥയിൽ ഏത്​ വലിയ അധികാരപദവിയെക്കാളും വലിയവർ ജനങ്ങളാണെന്ന ബോധ്യം ഞങ്ങളെ എപ്പോഴും നയിക്കും. ഈ തെരഞ്ഞെടുപ്പിൽ ഒരു പാഠമുണ്ട്​. വികസനത്തെപ്പറ്റിയുള്ള ചർച്ച കേരളത്തിലുണ്ടാകും. തെരഞ്ഞെടുപ്പിന്‍റെ അനുഭവങ്ങൾ ആ ചർച്ചക്ക്​ അനുഗുണമായ ആശയങ്ങൾ കൈമാറുമെന്നും ബിനോയ്​ വിശ്വം പറഞ്ഞു.