സ​ർ​വ​ക​ലാ​ശാ​ല സെനറ്റംഗങ്ങൾക്ക് സ്വ​ത​ന്ത്രാ​ധി​കാ​ര​ം -സർക്കാർ

കൊ​ച്ചി: സ​ർ​വ​ക​ലാ​ശാ​ല നി​യ​മ​ങ്ങ​ൾ​ക്കും ച​ട്ട​ങ്ങ​ൾ​ക്കും വി​ധേ​യ​മാ​യി സ്വ​ത​ന്ത്ര തീ​രു​മാ​ന​മെ​ടു​ക്കാ​ൻ സെ​ന​റ്റ്​ അം​ഗ​ങ്ങ​ൾ​ക്ക്​ സ്വാ​ത​ന്ത്ര്യ​മു​ണ്ടെ​ന്ന്​ സ​ർ​ക്കാ​ർ ഹൈ​കോ​ട​തി​യി​ൽ. സ​മൂ​ഹ​ത്തി​ന്‍റെ എ​ല്ലാ മേ​ഖ​ല​യു​ടെ​യും പ്രാ​തി​നി​ധ്യം വേ​ണ​മെ​ന്ന​തി​നാ​ലാ​ണ് വി​വി​ധ മേ​ഖ​ല​ക​ളി​ൽ​നി​ന്നു​ള്ള​വ​രെ സെ​ന​റ്റി​ൽ എ​ടു​ക്കു​ന്ന​ത്. നാമനിർദേശം ചെ​യ്യു​ന്ന​ത്​ ചാ​ൻ​സ​ല​ർ കൂ​ടി​യാ​യ ഗ​വ​ർ​ണ​റാ​ണെ​ങ്കി​ലും സെ​ന​റ്റ്​ അം​ഗ​ങ്ങ​ൾ​ക്ക്​ സ​ർ​വ​ക​ലാ​ശാ​ല നി​യ​മ​ത്തി​ന​നു​സൃ​ത​മാ​യ സ്വ​ത​ന്ത്രാ​ധി​കാ​ര​മു​ണ്ട്​. അം​ഗ​ത്വ​ത്തി​ൽ​നി​ന്ന്​ പു​റ​ത്താ​ക്കി​യ ചാ​ൻ​സ​ല​റു​ടെ ന​ട​പ​ടി ചോ​ദ്യം ചെ​യ്ത്​ കേ​ര​ള സ​ർ​വ​ക​ലാ​ശാ​ല​യി​ലെ 15 സെ​ന​റ്റം​ഗ​ങ്ങ​ൾ ന​ൽ​കി​യ ഹ​ര​ജി​ക​ളി​ലാ​ണ്​ സ​ർ​ക്കാ​റി​ന്‍റെ വി​ശ​ദീ​ക​ര​ണം.

നി​യ​മ​പ​ര​മാ​യ ന​ട​പ​ടി​ക്ര​മ​ങ്ങ​ൾ പാ​ലി​ച്ചേ ചാ​ൻ​സ​ല​ർ​ക്ക് ന​ട​പ​ടി സ്വീ​ക​രി​ക്കാ​നാ​കൂ​വെ​ന്ന്​ വാ​ദം കേ​ൾ​ക്കു​ന്ന​തി​നി​ടെ ജ​സ്റ്റി​സ് ദേ​വ​ൻ രാ​മ​ച​ന്ദ്ര​ൻ വാ​ക്കാ​ൽ അ​ഭി​പ്രാ​യ​പ്പെ​ട്ടു.

വൈ​സ്​ ചാ​ൻ​സ​ല​റെ ക​ണ്ടെ​ത്താ​നു​ള്ള സ​ർ​ച്ച് ക​മ്മി​റ്റി​യി​ലേ​ക്ക്​ സെ​ന​റ്റ്​ പ്ര​തി​നി​ധി​യെ നാ​മ​നി​ർ​ദേ​ശം ചെ​യ്യാ​തി​രു​ന്ന​തി​നെ തു​ട​ർ​ന്ന്​ താ​ൻ നാ​മ​നി​ർ​ദേ​ശം ചെ​യ്ത സെ​ന​റ്റ്​ അം​ഗ​ങ്ങ​ളെ ചാ​ൻ​സ​ല​ർ പു​റ​ത്താ​ക്കു​ക​യാ​യി​രു​ന്നു. സെ​ന​റ്റ് നോ​മി​നി​യി​ല്ലാ​തെ ചാ​ൻ​സ​ല​ർ സ​ർ​ച്ച് ക​മ്മി​റ്റി രൂ​പ​വ​ത്​​ക​രി​ക്കു​ക​യും ക​ൺ​വീ​ന​റെ നി​യ​മി​ക്കു​ക​യും ചെ​യ്തു. സെ​ന​റ്റ് പ്ര​തി​നി​ധി ഇ​ല്ലാ​തെ സ​ർ​ച്ച് ക​മ്മി​റ്റി രൂ​പ​വ​ത്​​ക​രി​ച്ച് വി​ജ്ഞാ​പ​നം പു​റ​പ്പെ​ടു​വി​ച്ച​ത് തെ​റ്റാ​ണെ​ന്നും അം​ഗീ​ക​രി​ക്കാ​നാ​വി​ല്ലെ​ന്നു​മാ​ണ്​ സെ​ന​റ്റ് അം​ഗ​ങ്ങ​ളു​ടെ വാ​ദം.

സെ​ന​റ്റ് അം​ഗ​ങ്ങ​ളെ പു​റ​ത്താ​ക്കും​മു​മ്പ്​ നോ​ട്ടീ​സ് ന​ൽ​കു​ന്ന​ത​ട​ക്ക​മു​ള​ള ന​ട​പ​ടി സ്വീ​ക​രി​ക്കേ​ണ്ട​തു​ണ്ടെ​ന്ന്​ ചൂ​ണ്ടി​ക്കാ​ട്ടി​യ കോ​ട​തി, വി​ശ​ദീ​ക​ര​ണ​ത്തി​ന് ചാ​ൻ​സ​ല​ർ​ക്ക് സ​മ​യം അ​നു​വ​ദി​ച്ചു. തു​ട​ർ​ന്ന്​ ചൊ​വ്വാ​ഴ്ച​ത്തേ​ക്ക്​ ഹ​ര​ജി മാ​റ്റി.