നാവികസേനയുടെ ഡ്രോൺ തകർന്നു;  ദുരന്തം ഒഴിവായി

കൊച്ചി: നാവികസേനയുടെ ആളില്ലാ ചെറുവിമാനം നിരീക്ഷണപ്പറക്കലിന്​ ഉയരുന്നതിനിടെ തകർന്നുവീണു. ഉപരാഷ്​ട്രപതി വെങ്കയ്യ നായിഡു നാവിക വിമാനത്താവളത്തിൽ എത്തുന്നതിന്​ ഒന്നര മണിക്കൂർ മുമ്പ്​ ​ചൊവ്വാഴ്​ച രാവിലെ 10.25നാണ്​ സംഭവം. റിമോട്ട്​ നിയന്ത്രിത ‘​െസർച്ചർ’ വിമാനമാണ്​ തകർന്നത്​. ആളപായമില്ല.

പതിവ്​ നിരീക്ഷണപ്പറക്കലിനായി വിമാനം നാവിക വിമാനത്താവളത്തിൽനിന്ന്​​ ഉയർന്നുപൊങ്ങ​ുന്നതിനിടെ  വടക്കുഭാഗത്ത്​ വില്ലിങ്​ടൺ ​​െഎലൻഡിലെ എച്ച്​.എച്ച്​.എ ഇന്ധന ടാങ്ക്​ ടെർമിനലിന്​ സമീപം പതിക്കുകയായിരുന്നു. യന്ത്രത്തകരാറും റിമോട്ട്​ കൺട്രോളുമായുള്ള നിയന്ത്രണം നഷ്​ടമായതുമാണ്​ അപകട കാരണമെന്നാണ്​ പ്രാഥമിക നിഗമനം. ടാങ്കുകളിൽ ഇന്ധനമില്ലാതിരുന്നതിനാൽ വൻ ദുരന്തം ഒഴിവായി. തകർന്ന വിമാനത്തിൽ ഇന്ധനം കുറവായിരുന്നെന്നും ഇതിൽ ഉ​പയോഗിക്കുന്നത്​​ എളുപ്പം തീപിടിക്കുന്ന സ്വഭാവത്തിലുള്ള ഇന്ധനമ​ല്ലെന്നും പ്രതിരോധ വകുപ്പ്​ അധികൃതർ പറഞ്ഞു. അതിനാൽത്തന്നെ അപകടസാധ്യത കുറവാണെന്നാണ്​ വിശദീകരണം. അപകടകാരണം അന്വേഷിക്കാൻ നാവികസേന ഉദ്യോഗസ്ഥരടങ്ങിയ പ്രത്യേക സംഘത്തെ നിയോഗിച്ചിട്ടുണ്ട്​. തകർന്ന വിമാനത്തി​​െൻറ അവശിഷ്​ടങ്ങൾ വൈകീ​േട്ടാടെ സ്ഥലത്തുനിന്ന്​ നീക്കി. 

കടൽ, കര നിരീക്ഷണത്തിന്​ ഉപയോഗിക്കുന്ന ഇസ്രായേൽ നിർമിത വിമാനം റിമോട്ട്​ കൺട്രോൾ ഉപയോഗിച്ച്​ തുടർച്ചയായി എട്ട്​ മണിക്കൂർ വരെ പ്രവർത്തിപ്പിക്കാനാകും. 35 പെട്രോൾ, ഡീസൽ സംഭരണികൾ സ്ഥിതി ചെയ്യുന്ന മേഖലയിലാണ് അപകടം. ഈ സമയം മുപ്പതോളം ടാങ്കർ ലോറികൾ ഇന്ധനം ശേഖരിക്കാൻ റോഡരികിൽ കാത്തുകിടപ്പുണ്ടായിരുന്നു. തുറമുഖ ട്രസ്​റ്റി​​െൻറ രണ്ട്​ യൂനിറ്റ്​ ഫയർഫോഴ്​സ്​ സ്ഥലത്തെത്തി.