‘ജീ​വി​തം കാ​ത്തു​ നി​ൽ​ക്കു​മ്പോ​ൾ ന​മു​ക്ക് എ​ങ്ങ​നെ​യാ​ണ് മരിക്കാൻ സാധിക്കുക’

ജീ​വി​തം കാ​ത്തു​നി​ൽ​ക്കു​മ്പോ​ൾ ന​മു​ക്ക് എ​ങ്ങ​നെ​യാ​ണ് മ​രി​ക്കാ​ൻ സാ​ധി​ക്കു​ക. എ​ന്ത് വ​ന്നാ​ലും ജീ​വി​തം മ​നോ​ഹ​ര​മാ​ണ് എ​ന്ന് വി​ശ്വ​സി​ക്കാ​നാ​ണ് ഞാ​ൻ ഇ​ഷ്ട​പ്പെ​ടു​ന്ന​ത്. എ​നി​ക്ക് മ​നു​ഷ്യ​നെ സ​ഹാ​യി​ക്കാ​ൻ ഒ​രു മാ​ർ​ഗ​മേ ഉ​ള്ളൂ-​ചി​രി.’’

‘കാ​ൻ​സ​ർ വാ​ർ​ഡി​ലെ ചി​രി’ എ​ന്ന ആ​ത്മ​ക​ഥ​യി​ൽ ഇ​ന്ന​സെ​ന്‍റ് കു​റി​ച്ച വാ​ക്കു​ക​ളാ​ണി​വ. സ​മാ​ധാ​ന​മാ​യി ഒ​ഴു​കി​പ്പോ​ന്നി​രു​ന്ന ജീ​വി​തം അ​ശാ​ന്ത​മാ​യി രോ​ഗ​ഭീ​തി​യി​ലാ​യ​പ്പോ​ൾ രോ​ഗ​കാ​ല​ത്തെ നാ​ട​ക​മാ​യി ക​ണ്ട് ക​ര​ച്ചി​ലി​നെ ചി​രി​യാ​ക്കി​മാ​റ്റി ചെ​റു​ത്തു​നി​ന്ന പോ​രാ​ളി​യാ​യി​രു​ന്നു അ​ദ്ദേ​ഹം. ‘‘ജീ​വി​തം ഒ​രു മാ​ത്ര മാ​റി​യാ​ൽ മ​തി അ​ത് കീ​ഴ്മേ​ൽ മ​റി​യാ​ൻ. എ​ന്തൊ​ക്കെ എ​പ്പോ​ഴാ​ണ് സം​ഭ​വി​ക്കു​മെ​ന്ന​ത് ആ​ർ​ക്ക​റി​യാം.’’ അ​ർ​ബു​ദ​ബാ​ധി​ത​നാ​കും മു​മ്പ് തൃ​ശൂ​ർ ചേ​റ്റു​വ​യി​ൽ ആ​ൽ​ഫ പെ​യി​ൻ ആ​ൻ​ഡ് പാ​ലി​യേ​റ്റി​വ് ക്ലി​നി​ക്കി​ന്‍റെ പ​രി​പാ​ടി​യി​ൽ ഇ​ന്ന​സെ​ന്‍റ് പ​റ​ഞ്ഞ വാ​ക്കു​ക​ളാ​ണി​വ. വൈ​കാ​തെ രോ​ഗ​ബാ​ധ ഇ​ന്ന​സെ​ന്‍റി​ന് സ്ഥി​രീ​ക​രി​ക്കു​ക​യും ചെ​യ്തു.

അ​ർ​ബു​ദ ബാ​ധി​ത​രെ ശു​ശ്രൂ​ഷി​ക്കു​ന്ന ആ​ൽ​ഫ​യു​ടെ ര​ക്ഷാ​ധി​കാ​രി​യാ​യ​തും അ​തി​ന് ഏ​റെ മു​മ്പാ​ണ്. അ​ത് ആ​ത്മ​ക​ഥ​യി​ൽ വി​വ​രി​ക്കു​ന്ന​ത് ഇ​ങ്ങ​നെ​യാ​ണ്.‘‘​ഒ​രു​നാ​ൾ ബാ​ല്യ​കാ​ല സു​ഹൃ​ത്ത് നൂ​റു​ദ്ദീ​ൻ എ​ന്നോ​ട് വ​ന്നു പ​റ​ഞ്ഞു; അ​ർ​ബു​ദ രോ​ഗി​ക​ളെ പ​രി​ച​രി​ക്കാ​നും ആ​ശ്വാ​സം പ​ക​രാ​നും അ​ദ്ദേ​ഹം തു​ട​ങ്ങു​ന്ന ആ​ൽ​ഫ പെ​യി​ൻ ആ​ൻ​ഡ് പാ​ലി​യേ​റ്റി​വ് ക്ലി​നി​ക് എ​ന്ന ശു​ശ്രൂ​ഷാ​ല​യ​ത്തി​ന്‍റെ ര​ക്ഷാ​ധി​കാ​രി ആ​ക​ണം. അ​ന്ന് ഞാ​ൻ ചി​ന്തി​ച്ചു. അ​ർ​ബു​ദ​വും ഞാ​നും ത​മ്മി​ൽ എ​ന്ത് ബ​ന്ധം. അ​ദ്ദേ​ഹ​ത്തി​ന്‍റെ നി​ർ​ബ​ന്ധ​ത്തി​ന് വ​ഴ​ങ്ങി ഞാ​ൻ അ​ദ്ദേ​ഹ​ത്തോ​ടൊ​പ്പം അ​ർ​ബു​ദ രോ​ഗി​ക​ളെ നേ​ർ​ക്കു​നേ​ർ ക​ണ്ടു. അ​വ​രു​ടെ വാ​ടി​യ മു​ഖം ഹൃ​ദ​യ​ത്തി​ൽ തൊ​ട്ടു’’.

നാ​വി​ന്‍റെ​യും തൊ​ണ്ട​യു​ടെ​യും ഇ​ട​യി​ൽ ചെ​റി​യ ത​ടി​പ്പ് വ​ന്ന് ആ​ഹാ​രം ക​ഴി​ക്കാ​ൻ ബു​ദ്ധി​മു​ട്ടി​യ​പ്പോ​ഴാ​യി​രു​ന്നു ഇ​ന്ന​സെ​ന്‍റ് എ​റ​ണാ​കു​ള​ത്ത് ലേ​ക് ഷോ​ർ ആ​ശു​പ​ത്രി​യി​ലെ ഡോ. ​വി.​പി. ഗം​ഗാ​ധ​ര​നെ ക​ണ്ട​ത്. ഡോ​ക്ട​ർ പ​റ​ഞ്ഞ​ത​നു​സ​രി​ച്ച് അ​ത് ബ​യോ​പ്സി​ക്ക​യ​ച്ചു. ഫ​ല​ത്തി​നാ​യി കാ​ത്തി​രു​ന്ന സ​മ​യം ഭാ​ര്യ ആ​ലീ​സി​നും മ​ക​നും ഭ​യ​മേ​റെ​യാ​യി​രു​ന്നു​വെ​ന്ന് ഇ​ന്ന​സെ​ന്‍റ് പ​റ​യു​മാ​യി​രു​ന്നു. ‘‘വീ​ണ്ടും ഷൂ​ട്ടി​ങ് തി​ര​ക്കി​ലേ​ക്ക് പോ​യെ​ങ്കി​ലും ആ​ശ​ങ്ക​യു​ടെ നാ​ളു​ക​ളാ​യി​രു​ന്നു അ​ത്. ഇ​ട​ക്കി​ടെ ആ​ലീ​സ് വി​ളി​ച്ച് ബ​യോ​പ്സി ഫ​ലം എ​ന്താ​യി എ​ന്ന് ചോ​ദി​ച്ചു. ഗം​ഗാ​ധ​ര​ൻ ഡോ​ക്ട​റെ വി​ളി​ച്ച​പ്പോ​ൾ ഫോ​ൺ എ​ടു​ക്കു​ന്നി​ല്ല. വീ​ണ്ടും വി​ളി​ച്ച​പ്പോ​ൾ പ​ത്തു​മി​നി​റ്റ് ക​ഴി​ഞ്ഞ് വി​ളി​ക്കാ​മെ​ന്ന് മ​റു​പ​ടി. പി​ന്നീ​ട് ഡോ​ക്ട​ർ വി​ളി​ച്ചു​പ​റ​ഞ്ഞു -നാ​ളെ ഹോ​സ്പി​റ്റ​ലി​ൽ വ​രൂ.. ഭ​യം വ​ന്നു​തു​ട​ങ്ങി​യി​രു​ന്നു.

ആ ​ദി​വ​സം എ​റ​ണാ​കു​ള​ത്ത് സം​വി​ധാ​യ​ക​ൻ സ​ത്യ​ൻ അ​ന്തി​ക്കാ​ട് താ​മ​സി​ച്ച ഹോ​ട്ട​ലി​ലെ​ത്തി. വി​വ​ര​ങ്ങ​ള​റി​യാ​വു​ന്ന സ​ത്യ​ൻ ചോ​ദി​ച്ച​പ്പോ​ൾ പ​റ​ഞ്ഞു-​കു​ഴ​പ്പം ആ​ണ​ടാ..​ക​ര​ഞ്ഞു​കൊ​ണ്ട് പ​റ​ഞ്ഞു. സ​ത്യ​ന്‍റെ​യും ക​ണ്ണ് നി​റ​ഞ്ഞു​പോ​യി. അ​വി​ടെ​നി​ന്നി​റ​ങ്ങി മ​ക​നോ​ടൊ​പ്പം ലേ​ക് ഷോ​ർ ആ​ശു​പ​ത്രി​യി​ലേ​ക്ക് .‘‘ചെ​റി​യ കു​ഴ​പ്പ​മു​ണ്ട്. വ​ലി​യ കു​ഴ​പ്പ​മു​ള്ള കാ​ര്യ​മ​ല്ല. ലിം​ഫോ​മ-​കാ​ൻ​സ​റി​ന്‍റെ വ​ക​ഭേ​ദ​ങ്ങ​ളി​ലൊ​ന്ന് ’’-ഗം​ഗാ​ധ​ര​ൻ ഡോ​ക്ട​ർ പ​റ​ഞ്ഞു. മാ​റു​മോ-​ക​ര​ച്ചി​ലി​ന്‍റെ വ​ക്ക​ത്തെ​ത്തും​പോ​ലെ ചോ​ദി​ച്ചു. ചി​കി​ത്സി​ച്ചാ​ൽ മാ​റാ​വു​ന്ന​തേ ഉ​ള്ളൂ-​മ​റു​പ​ടി. തി​രി​ച്ച് വ​ണ്ടി​യി​ൽ ക​യ​റു​മ്പോ​ൾ ആ​രും മി​ണ്ടു​ന്നി​ല്ല. തൊ​ട്ട​ടു​ത്ത് മ​റ്റൊ​രു വാ​ഹ​ന​ത്തി​ലെ​ത്തി​യ സ്ത്രീ​ക​ൾ എ​ന്നെ ക​ണ്ട് നി​ല​ക്കാ​തെ ചി​രി​ക്കു​ന്നു. ഉ​ള്ള് പി​ട​ഞ്ഞ് ഞാ​നും. മ​ക​ന്‍റെ ക​ണ്ണി​ൽ നി​റ​ഞ്ഞ ക​ണ്ണീ​ർ’’-​ഇ​ന്ന​സെ​ന്‍റ് ആ​ത്മ​ക​ഥ​യു​ടെ താ​ളു​ക​ളി​ൽ കു​റി​ച്ചു.

എ​ത്ര വ​ലി​യ രോ​ഗം വ​ന്നാ​ലും ജീ​വി​തം നി​രാ​ശ​യി​ൽ ഒ​ടു​ക്കേ​ണ്ട ഒ​ന്ന​ല്ലെ​ന്നും ക​രി​ഞ്ഞു​പോ​യ കു​റ്റി​ക​ളി​ൽ നി​ന്നും ഏ​ത് സ​മ​യ​ത്തും പു​ത്ത​ൻ ത​ളി​രു​ക​ൾ നാ​മ്പെ​ടു​ക്കാം എ​ന്നും ലോ​ക​ത്തോ​ട് പ​റ​യാ​നാ​ണ് ശ്ര​മി​ച്ച​തെ​ന്ന് ഇ​ന്ന​സെ​ന്‍റ് പ​റ​ഞ്ഞി​ട്ടു​ണ്ട്. ചി​കി​ത്സ​ക്കൊ​പ്പം രോ​ഗ​ത്തെ മ​റി​ക​ട​ക്കാ​നു​ള്ള യ​ത്ന​ങ്ങ​ളാ​ണ് വേ​ണ്ട​ത്. ചി​ല​ർ​ക്ക് ധൈ​ര്യം, ചി​ല​ർ​ക്ക് പ്രാ​ർ​ഥ​ന. ഇ​ന്ന​സെ​ന്‍റ് ചി​രി​യെ ചേ​ർ​ത്തു​പി​ടി​ച്ചു. പി​ന്നീ​ട് അ​ർ​ബു​ദ കാ​ല​മാ​യി​രു​ന്നു. കീ​മോ ചെ​യ്ത അ​വ​സ്ഥ​യി​ൽ ഭ​ക്ഷ​ണ​ത്തി​ന് രു​ചി​യി​ല്ല. വാ​യി​ലെ തൊ​ലി മു​ഴു​വ​ൻ പോ​യി. ഉ​റ​ക്ക​മി​ല്ല. മു​ടി പോ​യി. ലേ​ക്​​ഷോ​റി​ൽ ചി​കി​ത്സി​ക്കാ​നെ​ത്തി​യ ലി​സി ഡോ​ക്ട​റു​ടെ സാ​ന്ത്വ​നം മാ​ത്ര​മാ​യി​രു​ന്നു ആ​ശ്വാ​സം. പി​ന്നീ​ട് അ​റി​ഞ്ഞു ഡോ​ക്ട​റി​നും അ​ർ​ബു​ദ​മാ​യി​രു​ന്നു. പ​ല ത​വ​ണ കീ​മോ ക​ഴി​ഞ്ഞ് ഞാ​ൻ ആ​ശു​പ​ത്രി​യി​ലാ​യി. കു​റെ ക​ഴി​ഞ്ഞ​പ്പോ​ൾ അ​ർ​ബു​ദം ഒ​രു ശീ​ല​മാ​യി. അ​തി​ൽ നി​ന്ന് സ്വ​ത​സി​ദ്ധ​മാ​യ ന​ർ​മം ഉ​ണ്ടാ​ക്കാ​ൻ സാ​ധി​ച്ചു. രോ​ഗ​കാ​ല​ത്തെ മൊ​ത്തം ഒ​രു നാ​ട​ക​മാ​യി കാ​ണാ​ൻ സാ​ധി​ച്ച​പ്പോ​ൾ ആ​ദ്യ​കാ​ല​ത്തെ ക​ര​ച്ചി​ൽ പി​ന്നെ​പ്പി​ന്നെ ചി​രി​യാ​യി മാ​റി.

ഒ​റ്റ​മൂ​ലി​ക്കാ​ർ, സു​വി​ശേ​ഷ പ്ര​ഭാ​ഷ​ക​ർ, മൂ​ത്ര​ചി​കി​ത്സ​ക​ർ എ​ന്നി​വ​ർ അ​തി​ഥി​ക​ളാ​യെ​ത്തി. അ​വ​ർ ഇ​ന്ന​സെ​ന്‍റി​ന്‍റെ നി​ർ​ദോ​ഷ ത​മാ​ശ​ക്ക​ഥ​ക​ളു​ടെ ക​ഥാ​പാ​ത്ര​ങ്ങ​ളാ​യി. ഇ​ന്ന​സെ​ന്‍റ് പ​റ​ഞ്ഞി​ട്ടാ​ണ് ഭാ​ര്യ ആ​ലീ​സി​നെ മാ​മോ​ഗ്രാം ടെ​സ്റ്റ് ചെ​യ്യി​ച്ച​ത്. ഒ​ടു​വി​ൽ ഫ​ലം അ​റി​ഞ്ഞ​പ്പോ​ൾ മ​ക​ൻ അ​ല​റി​ക്ക​ര​ഞ്ഞു. അ​വ​ർ​ക്കും അ​ർ​ബു​ദം. നി​സ്സ​ഹാ​യ​ത​യോ​ടെ അ​വ​ർ ക​ണ്ണി​ൽ നോ​ക്കി​യി​രു​ന്നു. അ​ന്ന് രാ​ത്രി ആ​ലീ​സി​നെ ചേ​ർ​ത്തു​പി​ടി​ച്ച് ഇ​ന്ന​സെ​ന്‍റ് പ​റ​ഞ്ഞു‘‘ അ​ർ​ബു​ദം പ​ക​രു​മെ​ന്ന പേ​ടി വേ​ണ്ട. വെ​റു​തെ ടെ​സ്റ്റ് ചെ​യ്തി​ട്ട് കാ​ശ് പോ​വും എ​ന്ന വേ​വ​ലാ​തി​യും മാ​റി​ക്കി​ട്ടി​യി​ല്ലേ.. ന​മ്മ​ളി​പ്പോ​ൾ സ​ന്തു​ഷ്ട കാ​ൻ​സ​ർ കു​ടും​ബ​മാ​യി’’

പി​ന്നീ​ട് ര​ണ്ടു​പേ​രും ഒ​രു​മി​ച്ച് റേ​ഡി​യേ​ഷ​ന് പോ​യി​ത്തു​ട​ങ്ങി. ഡോ​ക്ട​ർ​മാ​രെ ദൈ​വ​മാ​യി കാ​ണാ​ൻ തു​ട​ങ്ങി. അ​വ​ർ പ​റ​യു​ന്ന​ത് അ​നു​സ​രി​ച്ച് മ​രു​ന്നു​ക​ളു​മാ​യി കൂ​ട്ടു​കൂ​ടി​ത്തു​ട​ങ്ങി. ഒ​രു വ​ർ​ഷ​ത്തെ ഇ​ട​വേ​ള​ക്ക് ശേ​ഷം വീ​ണ്ടും സി​നി​മാ​ത്തി​ര​ക്കി​ല​മ​ർ​ന്നു. പ്രി​യ​ദ​ർ​ശ​ന്‍റെ ഗീ​താ​ഞ്ജ​ലി​യാ​യി​രു​ന്നു അ​ർ​ബു​ദ കാ​ല​ത്തി​ന് ശേ​ഷ​മു​ള്ള ആ​ദ്യ​പ​ടം. പി​ന്നീ​ട് സ​ത്യ​ൻ അ​ന്തി​ക്കാ​ടി​ന്‍റെ ഒ​രു ഇ​ന്ത്യ​ൻ പ്ര​ണ​യ ക​ഥ. ഇ​ന്ന​സെ​ന്‍റി​ന്‍റെ ചി​രി​ക്കു മു​ന്നി​ൽ അ​ർ​ബു​ദം പ​ത​റി​യ കാ​ലം. തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​യാ​യി. ജ​ന​പ്ര​തി​നി​ധി​യാ​യി. അ​തി​ജീ​വ​ന​ത്തി​ന്‍റെ പ്ര​തീ​ക​മാ​യി വീ​ണ്ടും സ​ജീ​വ​മാ​യി സി​നി​മ​ക​ളി​ൽ അ​ഭി​ന​യി​ച്ചു​വ​ര​വേ​യാ​യി​രു​ന്നു കോ​ശ​ങ്ങ​ളി​ൽ വീ​ണ്ടും അ​ർ​ബു​ദം പി​ടി​മു​റു​ക്കി​യ​ത്. അ​വ​സാ​നം ആ​ശു​പ​ത്രി​മു​റി​യി​ൽ ചെ​റു​ചി​രി​യു​മാ​യി അ​ദ്ദേ​ഹം അ​ർ​ബു​ദ​വു​മാ​യി സൊ​റ പ​റ​ഞ്ഞി​രു​ന്നി​രി​ക്ക​ണം. ഒ​ടു​വി​ൽ ആ​ശു​പ​ത്രി​മ​ണം നി​റ​ഞ്ഞ മു​റി​യി​ട​വ​ഴി​യി​ൽ​നി​ന്ന് ഇ​ന്ന​സെ​ന്‍റ് യാ​ത്ര പ​റ​ഞ്ഞി​റ​ങ്ങി; ഒ​ത്തി​രി ചി​രി​ക്ക​ഥ​ക​ൾ ബാ​ക്കി​യാ​ക്കി...