എൻ.എസ്​.എസ്​ നേതൃത്വത്തെ കാണില്ല; വെള്ളാപ്പള്ളി​െയ സന്ദർശിച്ച്​ ഇന്നസെൻറ്​

ആലപ്പുഴ: ചാലക്കുടി മണ്ഡലത്തിലെ ഇടതുമുന്നണി സ്​ഥാനാർത്ഥി ഇന്നസ​െൻറ്​ എസ്​.എൻ.ഡി.പി യോഗം ജനറൽ സെക്രട്ടറി വെള് ളാപ്പള്ളി നടേശനെ സന്ദർശിച്ചു. തെരഞ്ഞെടുപ്പിനു മുമ്പ്​ സമുദായ​ നേതാക്കളെ നേരിൽ കാണുന്നതി​ൻറെ ഭാഗമായി കണിച്ചു കുളങ്ങരയിലെ വസതിയിലെത്തിയാണ്​ ഇന്നസ​െൻറ്​ വെള്ളാപ്പള്ളിയുമായി കൂടിക്കാഴ്​ച നടത്തിയത്​. പിന്നീട്​, ഇരുവരും സംയുക്​ത വാർത്താസമ്മേനവും നടത്തി.

സമുദായ നേതാക്കളിൽ അടുപ്പമുള്ളവരെ കണുമെന്ന്​ ഇന്നസ​െൻറ്​ പറഞ്ഞു​. എൻ.എ സ്​.എസ്​ നേതൃത്വത്തെ ഇതുവരെ കണ്ടിട്ടില്ല. എൻ.എസ്​.എസിലെ പരിചയക്കാരെയും സുഹൃത്തുക്കളെയും കണ്ട്​ പറയും. എന്നാൽ ച ങ്ങനാശ്ശേരിയിൽ സന്ദർശനം നടത്തില്ലെന്നും ഇന്നസ​െൻറ്​ വ്യക്​തമാക്കി.

ക്രിസ്​ത്യൻ പുരോഹിതൻമാരെ കാണാൻ ശ്രമിക്കുന്നുണ്ടെന്നും ഇന്നസ​െൻറ്​ കൂട്ടിച്ചേർത്തു​. പാർട്ടി ചിഹ്​നത്തിൽ മത്​സരിക്കുന്നതിൽ എന്തെങ്കിലും വ്യത്യസ്​തത തോന്നുന്നുണ്ടോ എന്ന ചോദ്യത്തിന്​ പണ്ടൊക്കെയായിരുന്നു അരിവാൾ ചുറ്റിക നക്ഷത്രത്തോട്​ ക്രിസ്​ത്യാനികൾക്ക്​ എതിർപ്പെന്നും ഇപ്പോൾ എല്ലാവർക്കും ബുദ്ധിവെച്ചുവെന്നുമായിരുന്നു ഇന്നസ​െൻറി​ൻറെ മറുപടി. ഇപ്പോൾ ആളുകളെ നോക്കിയാണ്​ വോട്ട്​ ചെയ്യുന്നത്​. കൂടാതെ പാർട്ടി ചിഹ്​നം കിട്ടിയതു മൂലം കടുത്ത പാർട്ടി പ്രവർത്തകരുടെ വോട്ടും ലഭിക്കുമെന്നും അദ്ദേഹം​ പ്രത്യാശ പ്രകടിപ്പിച്ചു.

കാൻസർ ബാധിതരുടെ പരിപാടികൾക്ക്​ പോയപ്പോൾ നിർബന്ധപൂർവം പണം വാങ്ങിയെന്ന ആരോപണത്തിന്​ അത്​ ആരോപണം മാത്രമാണെന്നായിരുന്നു മറുപടി. സിനിമാക്കാർ പല സ്​ഥലങ്ങളിലും ഉദ്​ഘാടനങ്ങൾക്ക്​ പോകുമ്പോൾ പണം വാങ്ങാറുണ്ട്​. എന്നാൽ, രാഷ്​ട്രീയത്തിൽ ഇറങ്ങിയ ശേഷം സമയമില്ലാത്തതിനാൽ ഇത്തരം പരിപാടികൾക്കൊന്നും പോകാറില്ലെന്നും അദ്ദേഹം പറഞ്ഞു.

രോഗത്തിൽ നിന്ന്​ മുക്​തിനേടി അടുത്ത​ അംഗം കുറിക്കാൻ ഇന്നസ​െൻറിന്​ സാധിച്ചത്​ ദൈവത്തിൻറെ വലിയ കാരുണ്യമാണെന്ന്​ വെള്ളാപ്പള്ളി നടേശൻ പറഞ്ഞു. തുഷാർ വെള്ളാപ്പള്ളി എസ്​.എൻ.ഡി.പി യോഗം വൈസ്​ പ്രസിഡൻറ്​ സ്​ഥാനം രാജിവെക്കുമോ എന്ന ചോദ്യത്തിന്​ തുഷാർ വെള്ളാപ്പള്ളിയെ ഇതുവരെ കണ്ടില്ലെന്ന്​ അദ്ദേഹം പറഞ്ഞു. എസ്​.എൻ.ഡി.പി രാഷ്​ട്രീയ പാർട്ടി അല്ലെങ്കിലും കേഡർ സമുദായ ക്രമമാണ്​ സ്വീകരിച്ചിരിക്കുന്നത്​. സംഘടനക്കകത്ത്​ നടക്കുന്ന കാര്യങ്ങളെല്ലാം പുറത്തു പറയില്ല. എല്ലാവരും ജയിക്കാൻ വേണ്ടിയാണ്​ മത്​സരിക്കുന്നത്​. തുഷാർ ജയിക്കുമോ ഇല്ലയോ എന്നതിനെ കുറിച്ച്​ കൂടുതൽ ഒന്നും പറയാൻ താൻ തയാറല്ലെന്നും വെള്ളാപ്പള്ളി പറഞ്ഞു.

ആലപ്പുഴയിലെ സ്​ഥാനാർഥി ഷാനിമോൾ ഉസ്​മാനോട്​ കോൺഗ്രസ്​ കാണിച്ചത്​ ചതിയാണെന്ന്​ വെള്ളാപ്പള്ളി കൂട്ടിച്ചേർത്തു. ഷാനിമോളെ നേരത്തെ അറിയാം. ഷാനിമോളുടെയും ഉസ്​മാൻറെയും കല്യാണത്തിന്​ ത​​ൻറെ കാറിലാണ്​ പട്ടണ പ്രദക്ഷിണം നടത്തിയത്​. ആരോടും അപമര്യാദയായി അവർ പെരുമാറാറില്ല. ഷാനിമോളെ കോൺഗ്രസ്​​ ചതിച്ചു. എത്രകാലമായി അവർ കോൺഗ്രസിനു വേണ്ടി ഖദറിട്ട്​​ നടക്കുന്നു​. ദേശീയതലത്തിൽ എത്തേണ്ട നേതാവല്ലേ. അവർക്ക്​ നല്ല സീറ്റ്​ കൊടുക്കേണ്ടതല്ലേ എന്നും വെള്ളാപ്പള്ളി ചോദിച്ചു.