അ​വ​യ​വ​മാ​റ്റ ആ​ശു​പ​ത്രി; ക​ര​ട് റെ​ഡി

കോ​ഴി​ക്കോ​ട്‌: കോ​ഴി​ക്കോ​ട്ട് വ​രാ​നി​രി​ക്കു​ന്ന അ​വ​യ​വ​മാ​റ്റ ആ​ശു​പ​ത്രി​യു​ടെ (ഇ​ൻ​സ്‌​റ്റി​റ്റ്യൂ​ട്ട്‌ ഓ​ഫ്‌ ഓ​ർ​ഗ​ൻ ട്രാ​ൻ​സ്‌​പ്ലാ​ന്റേ​ഷ​ൻ) നി​ർ​മാ​ണ​വു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ൾ ത്വ​രി​ത​ഗ​തി​യി​ൽ പു​രോ​ഗ​മി​ക്കു​ന്നു. ക​ര​ട് പ​ദ്ധ​തി​രേ​ഖ ത​യാ​റാ​ക്കി കി​ഫ്‌​ബി​യു​ടെ അം​ഗീ​കാ​ര​ത്തി​നാ​യി സ​മ​ർ​പ്പി​ച്ചു.

തി​രു​ത്ത​ലു​ക​ളി​ല്ലെ​ങ്കി​ൽ ടെ​ൻ​ഡ​ർ ന​ട​പ​ടി​ക​ളി​ലേ​ക്ക്‌ ക​ട​ക്കും. കെ​ട്ടി​ട​നി​ർ​മാ​ണ​ത്തി​ന്‌ മു​ന്നോ​ടി​യാ​യി സ്ഥ​ലം തി​ട്ട​പ്പെ​ടു​ത്തു​ന്ന​തി​നു​ള്ള സ​ർ​വേ ന​ട​പ​ടി​യും പൂ​ർ​ത്തി​യാ​യി. നി​ല​വി​ൽ ലെ​പ്ര​സി ഹോം ​നി​ല​നി​ൽ​ക്കു​ന്ന ഭൂ​മി​യി​ലാ​ണ് ഇ​ൻ​സ്‌​റ്റി​റ്റ്യൂ​ട്ട്‌ ഓ​ഫ്‌ ഓ​ർ​ഗ​ൻ ട്രാ​ൻ​സ്‌ പ്ലാ​ന്റേ​ഷ​ൻ നി​ർ​മി​ക്കു​ക. കി​ഫ്‌​ബി​യി​ൽ 558.68 കോ​ടി രൂ​പ​യാ​ണ്‌ ആ​ശു​പ​ത്രി​ക്കും ഗ​വേ​ഷ​ണ കേ​ന്ദ്ര​ത്തി​നു​മാ​യി അ​നു​വ​ദി​ക്കു​ക. 30 വ​ർ​ഷം പാ​ട്ട​വ്യ​വ​സ്ഥ​യി​ലാ​ണ്‌ ഭൂ​മി ന​ൽ​കു​ക. 25 ഏ​ക്ക​ർ ഭൂ​മി​യി​ൽ ര​ണ്ടു​വ​ർ​ഷ​ത്തി​ന​കം ആ​ശു​പ​ത്രി​യും ഗ​വേ​ഷ​ണ​കേ​ന്ദ്ര​വും ഉ​യ​രും.

അ​സൗ​ക​ര്യ​ങ്ങ​ളാ​ൽ വീ​ർ​പ്പു​മു​ട്ടു​ന്ന ഡെ​ർ​മ​റ്റോ​ള​ജി ആ​ശു​പ​ത്രി​യും പ​ദ്ധ​തി​യു​ടെ ഭാ​ഗ​മാ​യി മാ​റ്റി​സ്ഥാ​പി​ക്കും. ഇ​തി​നാ​യി 25 കോ​ടി നീ​ക്കി​വെ​ക്കും. ര​ണ്ടു സ്ഥാ​പ​ന​ങ്ങ​ളും എ​വി​ടെ നി​ർ​മി​ക്ക​ണ​മെ​ന്ന​ത് സം​ബ​ന്ധി​ച്ച് അ​ന്തി​മ തീ​രു​മാ​ന​മാ​യി. നി​ർ​വ​ഹ​ണ ഏ​ജ​ൻ​സി​യാ​യ എ​ച്ച്‌.​എ​ൽ.​എ​ല്ലി​ന്‍റെ ഹൈ​റ്റ്സ് ആ​ണ് ക​ര​ട്‌ റി​പ്പോ​ർ​ട്ട്‌ ത​യാ​റാ​ക്കി​യ​ത്‌. സ്‌​കെ​ച്ച്‌ ത​യാ​റാ​ക്ക​ൽ അ​വ​സാ​ന ഘ​ട്ട​ത്തി​ലാ​ണ്‌. അ​വ​യ​വ​മാ​റ്റ കേ​ന്ദ്രം യാ​ഥാ​ർ​ഥ്യ​മാ​യാ​ൽ സ്വ​കാ​ര്യ ആ​ശു​പ​ത്രി​ക​ളെ അ​പേ​ക്ഷി​ച്ച്‌ 40 ശ​ത​മാ​നം കു​റ​ഞ്ഞ ചെ​ല​വി​ൽ അ​വ​യ​വ​മാ​റ്റം സാ​ധ്യ​മാ​കും.

ചേ​വാ​യൂ​രി​ൽ ആ​ശു​പ​ത്രി സ​ജ്ജ​മാ​വു​ന്ന​തു​വ​രെ കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ലെ പി.​എം.​എ​സ്‌.​എ​സ്‌.​വൈ ബ്ലോ​ക്കി​ൽ താ​ൽ​ക്കാ​ലി​ക ആ​ശു​പ​ത്രി പ്ര​വ​ർ​ത്ത​നം തു​ട​ങ്ങും. ഇ​തി​നു​ള്ള പ്രാ​രം​ഭ ന​ട​പ​ടി പു​രോ​ഗ​മി​ക്കു​ക​യാ​ണ്‌. ഓ​പ​റേ​ഷ​ൻ തി​യ​റ്റ​ർ സ​ജ്ജീ​ക​രി​ച്ചു. താ​ൽ​ക്കാ​ലി​ക ആ​ശു​പ​ത്രി​യി​ൽ 40 കി​ട​ക്ക​ക​ൾ, ഓ​പ​റേ​ഷ​ൻ തി​യ​റ്റ​ർ സൗ​ക​ര്യ​ങ്ങ​ളു​ണ്ടാ​വും. ശ​സ്‌​ത്ര​ക്രി​യ​ക​ൾ​ക്കു​ള്ള ഉ​പ​ക​ര​ണ​ങ്ങ​ൾ വാ​ങ്ങി​ക്കാ​നാ​യി കേ​ര​ള മെ​ഡി​ക്ക​ൽ സ​ർ​വി​സ​സ്‌ കോ​ർ​പ​റേ​ഷ​ന്‌ നി​ർ​ദേ​ശം ന​ൽ​കി. ചേ​വാ​യൂ​രി​ലെ നി​ർ​ദി​ഷ്ട ആ​ശു​പ​ത്രി​യി​ൽ 510 കി​ട​ക്ക​ക​ളു​ണ്ടാ​വും.