നഷ്​ടപരിഹാരം നൽകിയില്ല; ഇൻഷുറൻസ്​ ഒാഫിസ്​ ജപ്​തി ചെയ്​തു

മഞ്ചേരി: വാഹനാപകടത്തിൽ മരിച്ചവരുടെ ബന്ധുക്കൾക്ക്​ മഞ്ചേരി മോട്ടോർ ആക്സിഡൻറ് ക്രൈം ​ൈട്രബ്യൂണൽ (എം.എ.സി.ടി) കോ ടതി വിധിച്ച നഷ്​ടപരിഹാരത്തുക നൽകാത്തതിന് നാഷനൽ ഇൻഷുറൻസ് കമ്പനിയുടെ മഞ്ചേരി ഒാഫിസിലെ സാധനസാമഗ്രികൾ ജപ്തി ചെയ ്യാൻ നടപടി. വിധിയുമായി കോടതി ആമീനുൾപ്പെടെയുള്ളവർ ഇൻഷുറൻസ് കമ്പനി ഒാഫിസിലെത്തി ജപ്​തി നടപടി തുടങ്ങി.

രണ്ട്​ കേസുകളിൽ 65.29 ലക്ഷം രൂപയാണ് നഷ്​ടപരിഹാരത്തുകയായി നൽകാനുണ്ടായിരുന്നത്. പടപ്പറമ്പ് പാങ്ങിൽ വലിയാക്കത്തൊടി സൈനുൽ ആബിദീൻ (36) ബൈക്കിടിച്ച് മരിച്ച കേസിൽ 30.52 ലക്ഷം രൂപയാണ്​ ആശ്രിതർക്ക് നൽകാൻ മഞ്ചേരി എം.എ.സി.ടി കോടതി വിധിച്ചിരുന്നത്​. തുക ലഭിക്കാൻ പലതവണ ശ്രമിച്ചിട്ടും ഫലമില്ലാതായതോടെയാണ് ആശ്രിതർ വീണ്ടും കോടതിയെ സമീപിച്ചത്.

2015 ജൂണിൽ അരീക്കോട് പെരുമ്പറമ്പിലുണ്ടായ അപകടത്തിൽ അമ്മയും കുഞ്ഞും മരിച്ചതാണ് രണ്ടാമത്തെ കേസ്​. ഇരുവേറ്റി സ്വദേശി സന്തോഷി‍​​െൻറ ഭാര്യയും കുഞ്ഞുമാണ് ടിപ്പർ ലോറി ബൈക്കിലിടിച്ച് മരിച്ചത്. 34.76 ലക്ഷമാണ് ഇവരുടെ ആശ്രിതർക്ക് നഷ്​ടപരിഹാരമായി നൽകേണ്ടത്. അനുവദിച്ച തുക ലഭിക്കാതായതോടെ ഇവരും വീണ്ടും കോടതിയെ സമീപിച്ചിരുന്നു. ജപ്​തി നടപടികൾ ചൊവ്വാഴ്​ചയും തുടരും.