പിറവത്തും പറവൂരിലും ഇടതുമുന്നണിക്ക് കല്ലുകടി

കൊ​ച്ചി: പ​റ​വൂ​രി​ലൊ​ഴി​കെ സ്ഥാ​നാ​ർ​ഥി പ​ട്ടി​ക പൂ​ർ​ത്തി​യാ​യ​തോ​ടെ പ്ര​ചാ​ര​ണ​ച്ചൂ​ടി​ലേ​ക്ക് ഒ​രു​മു​ഴം മു​മ്പേ​യി​റ​ങ്ങി ഇ​ട​തു മു​ന്ന​ണി. പ്ര​ഖ്യാ​പ​ന​ത്തി​ന് കാ​തോ​ർ​ത്തി​രി​ക്കു​ക​യാ​ണെ​ങ്കി​ലും സീ​റ്റു​റ​പ്പി​ച്ച യു.​ഡി.​എ​ഫ് സ്ഥാ​നാ​ർ​ഥി​ക​ളും അ​ണി​യ​റ​യി​ൽ 'നി​ശ്ശ​ബ്​​ദ പ്ര​ചാ​ര​ണം' തു​ട​ങ്ങി.

നേ​ർ​ക്കു​നേ​ർ മ​ത്സ​ര​ചി​ത്രം ഇ​ന്ന് തെ​ളി​യു​ന്ന​തോ​ടെ ജി​ല്ല​യി​ൽ പ്ര​ചാ​ര​ണ​ച്ചൂ​ടേ​റും. ഇ​ട​തു മു​ന്ന​ണി​യി​ൽ പ​റ​വൂ​ർ, പി​റ​വം സീ​റ്റു​ക​ളാ​ണ് ക​ല്ലു​ക​ടി​യാ​യി അ​വ​ശേ​ഷി​ക്കു​ന്ന​ത്. സി.​പി.​ഐ​യു​ടെ പ​റ​വൂ​ർ സീ​റ്റി​ലെ സ്ഥാ​നാ​ർ​ഥി പ്ര​ഖ്യാ​പ​നം വെ​ള്ളി​യാ​ഴ്​​ച ഉ​ണ്ടാ​യേ​ക്കും. കേ​ര​ള കോ​ൺ​ഗ്ര​സ് എ​മ്മി​നു ന​ൽ​കി​യ ര​ണ്ട് സീ​റ്റി​ലെ സ്ഥാ​നാ​ർ​ഥി​ക​ളെ ക​ഴി​ഞ്ഞ ദി​വ​സം പ്ര​ഖ്യാ​പി​ച്ചി​രു​ന്നു.

ഇ​തി​ൽ പി​റ​വ​ത്തെ സ്ഥാ​നാ​ർ​ഥി പ്ര​ഖ്യാ​പ​നം സി.​പി.​എ​മ്മി​ലും കേ​ര​ള കോ​ൺ​ഗ്ര​സ് എ​മ്മി​ലും വി​വാ​ദ​മാ​യി​ട്ടു​ണ്ട്. പി​റ​വം സീ​റ്റ് പ്ര​തീ​ക്ഷി​ച്ചി​രു​ന്ന യൂ​ത്ത് ഫ്ര​ണ്ട് എം ​സം​സ്ഥാ​ന പ്ര​സി​ഡ​ൻ​റ് ജി​ൽ​സ് പെ​രി​യ​പ്പു​റം പാ​ർ​ട്ടി​വി​ട്ട​തും സ്ഥാ​നാ​ർ​ഥി​യാ​യ സി​ന്ധു​മോ​ൾ ജേ​ക്ക​ബി​നെ സി.​പി.​എം പു​റ​ത്താ​ക്കി​യെ​ന്ന ലോ​ക്ക​ൽ ക​മ്മി​റ്റി​യു​ടെ പ്ര​സ്താ​വ​ന ജി​ല്ല സെ​ക്ര​ട്ട​റി ത​ള്ളി​യ​തും വ​ലി​യ വി​വാ​ദ​ത്തി​നാ​ണ് തി​രി​കൊ​ളു​ത്തി​യ​ത്.

പ്രാ​ദേ​ശി​ക​മാ​യു​ണ്ടാ​യ ത​ർ​ക്കം വ​രും ദി​വ​സ​ങ്ങ​ൾ പ​രി​ഹ​രി​ക്കാ​മെ​ന്ന പ്ര​തീ​ക്ഷ​യാ​ണ് ഇ​ട​തു​മു​ന്ന​ണി​ക്ക്. പ​റ​വൂ​രി​ൽ വി​ജ​യ​സാ​ധ്യ​ത​യു​ള്ള യോ​ഗ്യ​രാ​യ സ്ഥാ​നാ​ർ​ഥി​ക​ളെ ക​ണ്ടെ​ത്താ​ൻ ക​ഴി​യാ​ത്ത​ത് സി.​പി.​ഐ​യെ​യും കു​ഴ​ക്കു​ന്നു. വി​ജ​യ​പ്ര​തീ​ക്ഷ​യു​ള്ള യു​വാ​ക്ക​ൾ​ക്കും വ​നി​ത​ക​ൾ​ക്കും പ്രാ​തി​നി​ധ്യം വേ​ണ​മെ​ന്ന നി​ബ​ന്ധ​ന​യോ​ടെ സി.​പി.​ഐ സം​സ്ഥാ​ന കൗ​ൺ​സി​ൽ പ​റ​വൂ​രി​ലെ പാ​ന​ൽ മ​ട​ക്കി​യ​താ​ണ് പ്ര​ഖ്യാ​പ​നം വൈ​കാ​ൻ കാ​ര​ണം. ഇ​ട​തു സ​ഹ​യാ​ത്രി​ക​നാ​യ എ​ൻ.​എം. പി​യേ​ഴ്സ​നെ പ​രി​ഗ​ണി​ക്കാ​ൻ അ​നൗ​ദ്യോ​ഗി​ക ച​ർ​ച്ച ന​ട​ന്നെ​ങ്കി​ലും ജി​ല്ല നേ​തൃ​ത്വം ത​ള്ളി. സം​സ്ഥാ​ന കൗ​ൺ​സി​ൽ അം​ഗം എം.​ടി. നി​ക്സ​ൺ, ജി​ല്ല എ​ക്സി​ക്യൂ​ട്ടി​വ് അം​ഗ​ങ്ങ​ളാ​യ ടി.​സി. സ​ഞ്​​ജി​ത്, കെ.​ബി. അ​റു​മു​ഖ​ൻ എ​ന്നി​വ​രു​ടെ പേ​രു​ക​ളാ​ണ് പാ​ന​ലി​ലു​ള്ള​ത്.

മു​സ്​​ലിം​ലീ​ഗിെൻറ​യും കോ​ൺ​ഗ്ര​സിെൻറ​യും സ്ഥാ​നാ​ർ​ഥി പ​ട്ടി​ക ഇ​ന്ന് പു​റ​ത്തു​വ​രു​മ്പോ​ൾ നേ​ർ​ക്കു​നേ​ർ മ​ത്സ​ര​ത്തിെൻറ ചി​ത്രം തെ​ളി​യും. ലീ​ഗിെൻറ ക​ള​മ​ശ്ശേ​രി സീ​റ്റി​ൽ സി​റ്റി​ങ് എം.​എ​ൽ.​എ​യും മു​ൻ മ​ന്ത്രി​യു​മാ​യ ഇ​ബ്രാ​ഹീം​കു​ഞ്ഞി​നെ വീ​ണ്ടും പ​രി​ഗ​ണി​ക്കു​ന്ന​തിെ​ന എ​തി​ർ​ത്തും അ​നു​കൂ​ലി​ച്ചും ഏ​റെ ച​ർ​ച്ച ന​ട​ന്നി​രു​ന്നു.

പാ​ലാ​രി​വ​ട്ടം പാ​ലം അ​ഴി​മ​തി​ക്കേ​സോ​ടെ സം​സ്ഥാ​ന​ത​ല​ത്തി​ൽ ശ്ര​ദ്ധി​ക്ക​പ്പെ​ടു​ന്ന രാ​ഷ്​​ട്രീ​യ പോ​രാ​ട്ടം ന​ട​ക്കു​ന്ന മ​ണ്ഡ​ലം കൂ​ടി​യാ​യി ക​ള​മ​ശ്ശേ​രി. ഇ​രു​മു​ന്ന​ണി​യു​ടെ​യും പ്ര​ഖ്യാ​പ​ന​ത്തി​നു ശേ​ഷ​മാ​യി​രി​ക്കും ബി.​ജെ.​പി​യു​ടെ പ​ട്ടി​ക. തൃ​പ്പൂ​ണി​ത്തു​റ​യി​ലേ​ക്ക് ആ​ദ്യ​ഘ​ട്ട​ത്തി​ൽ ഇ. ​ശ്രീ​ധ​ര​നെ പ​രി​ഗ​ണി​ച്ചി​രു​ന്നു. അ​ദ്ദേ​ഹം അ​ത് നി​ര​സി​ച്ച​തോ​ടെ ജി​ല്ല​യി​ലെ ബി.​ജെ.​പി പ​ട്ടി​ക​യി​ൽ പ്ര​മു​ഖ​രു​ണ്ടാ​കി​ല്ലെ​ന്നാ​ണ് സൂ​ച​ന. ഇ​ങ്ങ​നെ വ​ന്നാ​ൽ ത്രി​കോ​ണ മ​ത്സ​രം ന​ട​ക്കു​ന്ന മ​ണ്ഡ​ല​ങ്ങ​ൾ ജി​ല്ല​യി​ൽ ഉ​ണ്ടാ​കി​ല്ല.